KADA OMBO’ LAKO RASULU’ YOHANES 2:19 - Sura' Madatu

¹⁹ Kuissan tu mintu’ penggaurammu, sia pa’kaboro’mu, sia kapatonganammu sia pa’kamayamu sia kabattarammu sia mintu’ penggauran ma’katampakammu mandu losong na iatu pamulanna.

KADA OMBO’ LAKO RASULU’ YOHANES 2:19 ပူးပေါင်းရင်းမြစ်များ

AYUB 17:9

Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

PA’PUDIAN 92:14

Belanna ditanan lan banuanNa PUANG, anna lobo’ lan tarampakNa Kapenombanta:

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

LUKAS 1:23

Iatonna sundunmo allo pentoeanna, sulemi lako banuanna.

YOHANES 15:2

Iatu mai tang membuanna tu tangkeKu Nata’takki; sia iatu mai membuanna Naseroi, kumua nasatarri’-tarri’na buanna.

KOLOSE 3:14

Apa iatu ma’iringanna na iato, iamo pa’kaboro’, tu pearra’na kasundunan.

1 TESALONIKA 3:6

Apa totemo mane mangka sule tu Timotius umbangkan kareba melo diona kapatonganammi sia pa’kaboro’mi sia iatu katontongammi ungkilalai melokan sia mamali’ la ussitiroangkan, susi duka kami lako kalemi.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

1 TIMOTIUS 1:5

Na iatu patunna pangadaran, iamotu pa’kaboro’ bu’tu diong mai penaa tang kera sia sukaran inaa melo sia kapatonganan lantuk.

1 PETRUS 4:8

Iatu ma’iringanna tongan la siala masekomi, belanna iatu kasiala-masean ussamboi kasalan makamban.

2 PETRUS 1:7

na kapengkaolammi umpasombo pa’kaboro’ lako sangsiuluran, na pa’kaboro’mi lako sangsiuluran umpasombo kasiala-masean.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.