KADA OMBO’ LAKO RASULU’ YOHANES 2:17 - Sura' Madatu

¹⁷ Minda-minda ketalinga la naperangii tu apa Napokada Penaa lako mintu’ kombongan. Na lako tu to patalo, la Kuben manna kabunian, sia la Kuben misa’ batu mabusa na dio batu iato tisura’ misa’ sanga ba’ru, tu tae’ misa’ tau untandai, sangadinna ia manna tu to untarimai.

KADA OMBO’ LAKO RASULU’ YOHANES 2:17 ပူးပေါင်းရင်းမြစ်များ

PA’PUDIAN 25:14

Iatu kada rasianNa PUANG lu lako to ungkasiri’I, sia iatu basseNa la dipasombo lako.

PA’PUDIAN 36:8

Tumba melona tu kamasokanamMi, o Puang Matua, mintu’ ma’rupa tau umpentionganni ongan pani’Mi.

KATASSURAN 16:33

Sia nakuapa Musa lako Harun: Alako misa’ busso, patamai manna sanggome’, ammu patorroi dio oloNa PUANG, la dinannan mintu’ ampo bati’mi.

SARAMBU PEADA’ 14:10

Penaanna kalena tu tau untandai karossoanna, sia iatu kaparannuanna tae’ nabelai to senga’ umperasai sola.

SARAMBU PEADA’ 3:32

belanna Nakagi’gi’ PUANG tu to leko’, apa iatu to bulo lollong Naposangmane tongan.

YESAYA 56:4

Belanna nakua kadanNa PUANG: Diona tu to dibalianni, tu ungkaritutui mintu’ allo katorroangKu sia umpalosong pa’poraiangKu sia untoe manda’ basseKu.

YESAYA 56:5

La Kuben tanda kapengkilalan sia sanga tu tau iato mai mandu melo anna mintu’ pia muane sia baine lan banuangKu sia lanna lu nalili’ rinding tembo’Ku; Kubenmo misa’ sanga matontongan sia tang la dipa’dei.

YESAYA 62:2

Anna tiroi mintu’ bangsa tu kasalamarammu sia natiroi mintu’ datu tu kamala’birammu, anna sangaiko sanga ba’ru tau, tu la Napamanassa randan pudukNa PUANG.

YESAYA 65:13

Iamoto anNa kuai tu Puangta PUANG: Manassa iatu mai taungKu la kumande apa iatu kamu la tangdia’; iatu mai taungKu la mangiru’, apa iatu kamu la ma’rang; iatu mai taungKu la parannu-rannu, apa iatu kamu la kasirisan.

YESAYA 65:15

Iatu sangammi mitampean to ditonno’Ku, la dipake unggatai tau: Napateimoko PUANG. Apa iatu mintu’ taunNa’ la Nakamasean misa’ sanga senga’,

MATIUS 13:11

Mebalimi sia Nakua ungkuanni tu tau: Iatu kamu dibenkomi pa’kamasean la unnissanni tu rasia diona Parenta Suruga, apa iatu mati’ tau tae’ ia dikamaseanni.

MARKUS 7:16

(Minda-minda tu ketalinga la ma’perangi, nama’perangi).

YOHANES 4:32

Apa Nakua ungkuanni: Den sia kande inde la Kukande, tu tang miissanna.

1 KORINTUS 2:14

Apa iatu to umbudanan mentolinona tae’ natarimai tu apa lu dio mai PenaanNa Puang Matua, belanna iatu apa iato nasanga pa’popetaa lako kalena, sia tae’ nabelai untandai, belanna apa iato la ditimbang dio a’gan mempenaa.

KOLOSE 3:3

Belanna mangkamokomi mate, na iatu katuoammi mellindung sola Kristus lan Puang Matua.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 2:11

Minda-minda ketalinga la naperangii tu apa Napokada Penaa lako mintu’ kombongan na iatu to patalo tae’ nala urrua lenni kasanggangan kamatean ma’penduan.

KADA OMBO’ LAKO RASULU’ YOHANES 2:7

Minda-minda ketalinga, la naperangii tu apa Napokada Penaa lako mintu’ kombongan. Na lako to patalo, la Kupakande bua katuoan tu lan FirdausNa Puang Matua.

KADA OMBO’ LAKO RASULU’ YOHANES 3:22

Minda-minda ketalinga la naperangii tu apa Napokada Penaa lako mintu’ kombongan.

KADA OMBO’ LAKO RASULU’ YOHANES 3:6

Minda-minda ketalinga, la naperangii tu apa Napokada Penaa lako mintu’ kombongan.