KADA OMBO’ LAKO RASULU’ YOHANES 2:14 - Sura' Madatu

¹⁴ Apa den sidi’ Kusayuangko, belanna denkomi tu mentoe lako pangadaranna Bileam, tu mangka unnada’i Balak umpaden katitodoan lako to Israel, naurunganni tau iato mai ungkandei tu apa dipemalaran lako deata, sia ma’gau’ sala.

KADA OMBO’ LAKO RASULU’ YOHANES 2:14 ပူးပေါင်းရင်းမြစ်များ

YESAYA 57:14

Attu iato den kada Nakua: Bumbunni, bumbunni, rantei tu lalan. Lolinni nasangi tu batu katitodoan dio mai lalanna taungKu.

YEREMIA 6:21

Iamoto, kadanNa PUANG, nakua: Manassa la Kupannii ba’tu pira-pira batu katitodoan dio lu lalanna bangsa iate, nanii titodo ambe’ sola tu mai anakna; to sangtondok la pada sanggang sangbanuanna.

YEHEZKIEL 3:20

Sia iake denni to malambu’ tibalik dio mai kamalamburanna naumpogau’ kelokna, angKu padenanni tu misa’ katitodoan, la mate; belanna tae’ mupakilalai, la mate tu tau iato lan kasalanna, sia iatu mai penggauran melo napogau’, tae’mo anna dipaalai bilangan, apa iatu rarana Kupa’tuntunniko.

YEHEZKIEL 44:12

Belanna natoeammo to Lewi tu pengkaranganna tau iato mai dio tingayona rapang-rapang dipodeatanna, sia napobatu titodoammo to Israel umpogau’ kakadakean, iamoto Kuangka’ limangKu umpalao sumpa unnea tau iato mai, kadanNa Puangta PUANG, kumua natanggungi tu kakadakeanna.

KADIBILANGAN 24:14

Na totemo tiromi, la ke’de’mo’ sule lako bangsaku, iamoto melo ke kupa’nubuarangkomi apa tu la naparampoanni bangsa iate tu bangsami.

KADIBILANGAN 31:16

Manassa iamote tu napobannang to Israel unturu’ pa’patudunna Bileam, anna tang maruru’ lako PUANG tu diona umpenombai Peor, naurungan rampo tu kamandasan dio lu kasirampunanNa PUANG.

KADIBILANGAN 31:8

Senga’ iatu to napatei, sia ia duka tu datunna Midian napatei; iamotu Ewi, Rekem, Zur, Hur na Reba, limai tu datu Midian; sia napatei duka pa’dang tu Bileam, anakna Beor.

MATIUS 18:7

Upu’ allona te lino, belanna angganna patumangna. Belanna tae’ nasalai tang sae tu patumangna, apa upu’ allona tu to napobannang tu patumangna.

PENGGAURANNA RASULU’ 15:29

iamotu untoyangan kalemi dio mai tampak pesung, sia dio mai rara sia dio mai olo’-olo’ masala sia dio mai gau’ sala. Iake ungkanandaikomi kalemi dio mai mintu’na te iannate, iamo melona to. Siriakomi kamarampasan.

PENGGAURANNA RASULU’ 21:25

Apa iatu diona to kapere’ tu ma’patongannamo, mangkamo kipakatuan sura’ umpamanassanni kumua anna toyangan kalena dio mai tampak pesung, sia dio mai rara, sia dio mai olo’-olo’ masala sia dio mai gau’ sala.

ROMA 11:9

Sia nakua Daud: La mendadi poya tu medana sia bunde sia misa’ labuanan sia misa’ pa’pabala’ lako tu tau.

ROMA 14:13

Iamoto, da’mo tasipasala len, sangadinna la’bi’ ke mipopa’ga’taranni te ianna te kumua: da’ mipatitumbu ba’tu umpamatana’ penaanna siulu’mi.

ROMA 14:21

Melo ke da mukandei tu duku’, ba’tu unniru’ uai anggoro’, ba’tu apa-apa, tu napotitumbunna penaanna siulu’mu.

ROMA 9:32

Matumbari? belanna tae’ natete dio kapatonganan nanii unnula’i, sangadinna butung to nasanga la tuo dio penggauranna kalena, Titodomi lako batu katitodoan.

1 KORINTUS 1:23

anna iate kita te umpa’peissanangki’ Kristus dia’ta’, tu napomatana’ to Yahudi sia misa’ pa’popetaa lako to kapere’,

1 KORINTUS 7:2

apa iamira tu gau’ sala, anna pantan la den bainena tu muane sia pantan la den muanena tu baine.

IBRANI 13:4

La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

YOSUA 24:9

Ke’de’mi tu Balak, anakna muane Zipor, datu Moab, la lao urrarii to Israel. Mesuami untambai Bileam, anakna Beor, anna ia ullambeangkomi tampak ropu.

1 PETRUS 2:8

sia: Misa’ batu katitodoan sia buntu batu ma’pamatana’, tu nanii titodo tau iato, belanna tae’ anna turu’i tu kadanNa Puang Matua; dilampakmo tu tau iato mai lako apa iato.

2 PETRUS 2:15

iatu tau iato mai untampe lalan malolo anna pusa narundu’i tu lalanna anakna Beor, iamotu Bileam, tu umporai saro bu’tu dio mai kakelokan,

YUDAS 1:11

Upu’ allona tau iato mai, belanna unturu’mo lalanna Kain, sia mentu’mu’mo tama peroso sarona Bileam, anna sanggang diona pabali-balinna susi Korah.

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.

KADA OMBO’ LAKO RASULU’ YOHANES 2:4

Apa den misa’ Kusayuangko, iamotu untampemoko pa’kaboro’ dolomu.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.