KADA OMBO’ LAKO RASULU’ YOHANES 2:10 - Sura' Madatu

¹⁰ Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

KADA OMBO’ LAKO RASULU’ YOHANES 2:10 ပူးပေါင်းရင်းမြစ်များ

PA’PUDIAN 31:23

Tiramban tu penaangku angku ma’kada, kumua: Disualemo’ dio mai oloMi! Apa Mitananni sia talinga tu pengkamoyaku, tongku meongli’ Mati’.

BATING 3:57

Mareke’Komi, ke meongli’na’ lako Kalemi, Ma’kadaKomi kumua: Da mumataku’.

DANIEL 1:12

Tobai te taummi lan sangpulo allona: ben bangmokan utan kikande sia uai kiiru’.

DANIEL 1:14

Napalalomi tu palakunna tu tau iato mai, natobai lan sangpulo allona.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

MARKUS 13:13

La nakabiri’komi mintu’ tau tu belanna sangangKu; apa minda-minda tu mengkabatta’ sae lako ma’katampakanna, iamo la dikarimmanni.

MARKUS 8:35

Belanna minda-minda la morai ungkatirinnai katuoanna, iamo la kapa’dean katuoan, apa minda-minda tu kapa’dean katuoanna tu belanna Aku sia belanna Kareba-kaparannuan, iamo la ungkatirinnai katuoan.

LUKAS 21:12

Apa dolona na iate mintu’na te, la napata’paikomi lima sia la nalolaikomi sae lako napatamammi banua pa’kombongan sia tama pa’tarungkuan sia la napakendekkomi lako olona datu sia to maraya tu belanna sangangKu.

YOHANES 12:25

Minda-minda untiroan katuoanna, iamo la kapa’dean katuoanna, sia minda-minda ussa’biangan katuoanna lan te lino, iamo ungkaritutui landa’ tama katuoan sae lakona.

YOHANES 13:2

Iatonna katumimburan bongi, tonna mangka deata bulituk umpatudui lan penaanna tu Yudas Iskariot, anakna Simon, la umpa’peturoan Yesu,

YOHANES 13:27

Iatonna mangkamo Yudas untarimai tu sangsuakan, tamami deata bulituk lan penaanna. Nakuami Yesu ungkuanni: Iatu mupogau’na, pogau’mi madomi’.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.

1 KORINTUS 9:25

Iatu to la tama pa’telanganna, mintu’na nanii pantan ungkaraa kalena kumua da nalangga’; tau iato la unnappa’ misa’ makota, apa makota la malayu, na kita te la unnappa’ki’ makota tang la malayu.

EFESUS 2:2

tu mipogau’ dolona situru’ aluk tiparanta’na te lino, situru’ kuasanna to paa dao masuanggana, iamora tu penaa marassanpa mengkarang lan penaanna tu mai pia battuk.

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

1 PETRUS 5:4

Sia iake bu’tumi undinna tu Pangulu to mangkambi’ iato, la miappa’ tu makota kamala’biran tang la malayu len.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 13:14

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 13:2

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.

KADA OMBO’ LAKO RASULU’ YOHANES 13:7

Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.