KADA OMBO’ LAKO RASULU’ YOHANES 19:7 - Sura' Madatu

⁷ Sipatuki’ parannu paiman sia sende pakadua, sia sipatu tapangke’ tu Puang, belanna nalambi’mo tu attunNa Anak domba ma’rampanan kapa’ sia sakka’mo tu baine Narampanni kapa’.

KADA OMBO’ LAKO RASULU’ YOHANES 19:7 ပူးပေါင်းရင်းမြစ်များ

PA’PUDIAN 107:42

Iatu to ma’bulo lollong parannu paiman la untiroi tu iannato, na iatu mintu’ kakadakean la ma’loko-loko.

PA’PUDIAN 48:11

O Puang Matua, umba susitu sangamMi, ten dukamoto tu kadipudiamMi landa’ lako randan langi’; iatu lima kananMi buke kamaloloan.

PA’PUDIAN 9:14

Kamaseina’, o PUANG, tiroi tu kanapandasangku to ungkabiri’na’, o Puang, tu unnendekanna’ lan mai baba liang,

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

PA’TENDENG BALLO 3:11

Tassu’komi, e mintu’ anak dara Sion. Tiroi tu datu Salomo, ma’makota, tu napasongkoranni indo’na, tonna tidukun tama rampanan kapa’, tonna allo kasendeanna penaanna datu.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YESAYA 62:5

Belanna susi pia muane lolle’ umpobaine anak dara, susi dukato la sirampeangko to ma’tondok sia susito misa’ muane la diparampo ungkasinnai baine la narampanni kapa’, ten dukamoto tu Kapenombammu la umpopaimanko.

YESAYA 66:10

Parannu-rannukomi sola Yerusalem sia pokumalasii, e kamu mintu’ tu ungkamali’i. Posendei, e kamu mintu’ to umporosso inaai,

YESAYA 66:14

Iatommi tiromi to, la sende tu penaammi sia mintu’ bukummi la mawatang sule susi tananan maluna; sia iatu limanNa PUANG la Napapayan lako mintu’ taunNa sia kasengkeanNa lako mintu’ ualinNa.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 22:2

Iatu Parenta Suruga dipasusi misa’ datu umpogau’ pa’maruasan umpopa’kapa’ anakna.

LUKAS 12:36

Sia la susikomi to untayan kasaeanna puangna, ke sulei dio mai pa’maruasan to ma’kapa’, kumua ianna sae natumbek ba’ba, tikarami umbungkaranni.

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

2 KORINTUS 11:2

Belanna mangimburuna’ lako kalemi umpopangimburu kapangimburuanNa Puang Matua, apa mangkamokomi kupasitumaean misa’ muane, la kupatingo butung misa’ anak dara masero lako Kristus.

EFESUS 5:23

belanna muane ungkapalai baine, susi Kristus ungkapalai kombongan, Ia dukamo ungkarimmanni batang kaleNa.

EFESUS 5:32

Kapua te rasia iate, apa kuala sangka’ri inde te tu diona Kristus anna kombongan.

PA’TOLE 32:43

Unnarrak-arrakkomi e kamu to sangpetayanan diona bangsaNa, belanna Puang umpakkanni rarana tu mintu’ taunNa sia Napabala’i tu penggauranna to umbalii, sia Napadenan kadiseroian kasalan tu tondokNa sia taunNa.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.

KADA OMBO’ LAKO RASULU’ YOHANES 21:9

Saemi misa’ tu malaeka’ pitu tu mangka untoe pitu gori-gori nanii ponno pitu kamaparrisan ma’katampakanna, nama’kada lako kaleku nakua: Maiko, la kupatiroangko baine la ma’kapa’, iamotu baineNa Anak domba.

1 SAMUEL 2:1

Massambayangmi tu Hana, nakua: Iatu penaangku sende-sende angku kumalasi diona PUANG, sia dipataranggamo tu tandukku tete dio PUANG, sia tibungka’mo tu pudukku umbali mintu’ ualingku, belanna kupoparannumo tu kasalamaran lu dio mai Kalemi.