KADA OMBO’ LAKO RASULU’ YOHANES 19:4 - Sura' Madatu

⁴ Iatu duangpulo nna’pa’ penatua sia ia duka tu a’pa’ a’gan kepenaa tukku umpenombai Puang Matua tu unno’ko’ dao isungan kapayungan iato, nama’kada nakua: Amin! Haleluya!

KADA OMBO’ LAKO RASULU’ YOHANES 19:4 ပူးပေါင်းရင်းမြစ်များ

1 OSSORANNA DATU 16:36

Mintu’na kadipangkeran lu langngan nasang PUANG, Kapenombanna to Israel, tempon dio mai tontong landa’ lako attu situran. Namintu’ to buda ma’kada nakua: Amin, sia: Pudimi tu PUANG.

NEHEMIA 5:13

Sia kupentambakan tu sepu’ bayu lamba’ku angku ma’kada kukua: Susi dukato Natibe Puang Matua lan mai banuanna sia dio mai iananna tu mintu’ tau tae’ napalanda’i tu pangallu’ iate, nasusito matambak male anna lo’bang. Ma’kadami tu mintu’ kombongan nakua: Amin, sia napudi tu PUANG. Naturu’mi mintu’ bangsana te kada iate.

NEHEMIA 8:6

Nabungka’mi Ezra tu sura’ iato natiro mintu’ bangsana, belanna bendan madao na iatu mintu’ tau iato mai. Iatonna bungka’mi tu sura’ iato, bendanmi tu mintu’ bangsana.

PA’PUDIAN 104:35

Iatu mintu’ to umparri-parri kasalan la roto’ lan mai lino, sia tappu tu mintu’ to tang mekaaluk. Pudimi tu PUANG, e sumanga’ku. Haleluya!

PA’PUDIAN 106:48

Mintu’na kadipangkeran lu lako nasang PUANG, Kapenombanna to Israel, tempon dio mai landa’ lako attu situran, sia sipatu mintu’ bangsa iato, la ma’kada kumua: Amin! Haleluya!

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

PA’PUDIAN 89:52

Iamotu pa’be’sena mintu’ ualimMi, o PUANG, tu umbe’se mintu’ tengkana to Mitokko!

YEREMIA 28:6

nakuami nabi Yeremia: Amin, lala sia manii Napogau’i PUANG susito! Lala sia manii Napalaloi PUANG tu apa mupa’nubuaran. Nabaai sule dio mai tondok Babel lako inan iate tu mintu’ pareanan banuanNa PUANG sia iatu mintu’ to dipali’.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

1 KORINTUS 14:16

Iake tae’i nasusito, iake ma’kurre sumanga’ko sisola penaa umba la nakua tu to sa’buran ma’perangi, la ma’amin diona pa’kurre sumanga’ mu? Anna tae’ naissanni tu kadammu?

KADA OMBO’ LAKO RASULU’ YOHANES 15:7

Misa’i tu a’pa’ a’gan kepenaa iato untadoan pitu gori-gori bulaan lako pitu malaeka’ iato, nanii ponno kasengkeanNa Puang Matua matontongan sae lakona.

KADA OMBO’ LAKO RASULU’ YOHANES 19:1

Undinnato kurangimi tu oni susi misa’ gamara kapuana to buda lan suruga ma’kada nakua: Haleluya! Kapenombanta unnampui kamakarimmanan sia kamala’biran sia kapaan,

KADA OMBO’ LAKO RASULU’ YOHANES 19:3

Sia nakua polepa tu tau iato mai tonna ma’penduanna: Haleluya! Kendek tu rambunna tontong sae lakona.

KADA OMBO’ LAKO RASULU’ YOHANES 19:6

Den kurangi susi gamara to buda sia susi ongngo’ uai buda, sia guntu’ menanan ma’kada nakua: Haleluya! Belanna ma’parentamo tu Puang Kapenombanta, Puang Umpoissan angge maritik.

KADA OMBO’ LAKO RASULU’ YOHANES 5:14

Iatu a’pa’ a’gan kepenaa ma’kada, nakua: Amin. Sia mintu’ tu penatua tukku menomba.