KADA OMBO’ LAKO RASULU’ YOHANES 19:18 - Sura' Madatu

¹⁸ dikua ammi kandei tu duku’na mintu’ datu, sia duku’na pangulu sangsa’bu surodadu, sia duku’na to lalong, sia duku’na mintu’ darang na mintu’ tu to ussakei, sia duku’na mintu’ tau, la to makaka, la kaunan, la bitti’ la kapua.

KADA OMBO’ LAKO RASULU’ YOHANES 19:18 ပူးပေါင်းရင်းမြစ်များ

YEREMIA 16:4

Iatu tau iato mai la mate napobua’ ra’ba biang, anna tae’ nadibatingi sia tae’ nadilamun anna dadi pangangku’ dio lu padang sia la karorian anna iatu batang rabukna la napopendurukan manuk-manuk dao lu langi’ sia olo’-olo’ dao kuli’na padang.

YEREMIA 19:7

Dio inan iate la Kunii undampai tu tangnga’na Yehuda sola Yerusalem; sia Aku la ullaoi pa’dang tu tau iato mai anna songka dio tingayona ualinna sia tete dio limanna mintu’ tau undaka’ lalan la umpatei, sia Aku la umbenni manuk-manuk dao lu langi’ sia olo’-olo’ dao kapadanganna tu batang rabukna la napopendurukan.

YEREMIA 34:20

Ondongpi la Kusorong tu tau iato mai tama limanna mintu’ ualinna sia mintu’ tau undaka’ lalan la umpatei sia iatu batang rabukna la napopendurukan mintu’ manuk-manuk dao langi’ sia olo’-olo’ dao kapadanganna.

YEREMIA 7:33

Ondongpi mintu’ batang rabukna bangsa iate napopendurukan manuk-manuk dao langi’ sia napokande mintu’ olo’-olo’ dao kapadanganna, na moi misa’ tau tae’ unnula’i.

YEHEZKIEL 29:5

Sia la KupembuangangKo tama padang pangallaran, iko sola mintu’ bale lan messarakna salu Nilmu. Dio rante kalua’ la munii melenten; tae’ mula diendekan ba’tu diala; la Kusorongko napokande olo’-olo’ dao kuli’na padang sia manuk-manuk dao lu langi’.

YEHEZKIEL 39:17

E ma’rupa tau, inde sia tu kadanNa Puangta PUANG, Nakua: Pokadai lako mintu’ manuk-manuk, tu ma’rupa-rupa pani’na sia lako mintu’ olo’-olo’ dio lu padang, kumua: sipulungkomi ammi pada sae, sia sirampunkomi dio mai mintu’ inan lako pemala’ pangrere’ iato tu Kutunuangkomi, iamotu misa’ pangrere’ kapua dao lu buntunna Israel: kandekomi duku’ sia iru’komi rara.

MATIUS 24:28

Belanna umba-umba nanii batang rabuk, iamo nanii pa’duku’ sirampun.

LUKAS 17:37

Mebalimi tinde tau lako nakua: Umbanii, Puang? Nakuami lako tu tau: Umba-umba nanii batang rabuk, iamo nanii pa’duku’ sirampun.

PA’TOLE 28:26

Iatu batang rabukmu la napokande mintu’ manuk-manuk dao langi’ sia mintu’ olo’-olo’ dao kuli’na padang, namoi misa’ tau tae’ unnula’i.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 13:16

Sia umpalalo gau’ anna mintu’ tau, bitti’, kapua, sugi’, bongko, to makaka, ba’tu kaunan, diben nasang misa’ tanda dio lima kananna ba’tu dio kidena;

KADA OMBO’ LAKO RASULU’ YOHANES 17:16

Na iatu sangpulo tanduk sia olo’-olo’ tu mutiro, iamo la ungkabiri’ pa’gau’ sala iato anna kalosso’i sia nakambelangi, sia la nakande tu duku’na sia natunu api.

KADA OMBO’ LAKO RASULU’ YOHANES 19:5

Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!

KADA OMBO’ LAKO RASULU’ YOHANES 6:15

Sia mintu’ datu lan lino sia to kapua sia pangulu rari sia to sugi’ sia to paa sia mintu’ tau, la kaunan la to makaka, membuni nasang lan lu lo’ko’ sia lan lu sapak batu.

1 SAMUEL 17:44

Nakuami tu to Filistin iato lako Daud: Maimoko, angku benni manuk-manuk dao lu langi’ sia mintu’ olo’-olo’ dio lu padang tu duku’mu.

1 SAMUEL 17:46

Allo ia dukamote Nasorongko PUANG tama limangku, angku pateiko sia kupoloi tu ulummu, sia allo ia dukate kubenni manuk-manuk dao lu langi’ sia mintu’ olo’-olo’ dio lu padang tu batang rabukna to Filistin, anna issanni mintu’ issinna lino, kumua dio bangsa Israel den tu Puang Matua.