KADA OMBO’ LAKO RASULU’ YOHANES 19:12 - Sura' Madatu

¹² Iatu matanNa susito dukku api sia buda makota dao ulunNa; den misa’ sanga disura’ lako tu moi misa’ tau tae’ duka unnissanni, sangadi Ia manna Ia.

KADA OMBO’ LAKO RASULU’ YOHANES 19:12 ပူးပေါင်းရင်းမြစ်များ

KADADIAN 32:29

Mekutanami tu Yakub nakua: Pokada dukai tu sangammi. Mebalimi nakua: Ma’apai mupekutananni tu sangangKu. Napassakkemi inde to.

PA’PUDIAN 8:5

Apa toda ia tu tolino amMi kilalairi, ba’tu iatu bati’ tolino amMi sailei?

KATASSURAN 23:21

Kanandai tu kalemu dio oloNa, turu’i tu kadanna sia da mubali-balii, belanna tae’ na la umpa’dei tu kapatodotintingammi, belanna iatu sangangKu lan kalena.

SARAMBU PEADA’ 30:4

Mindara tu kendek langan langi’ sia songlo’ sule dao mai, mindara urrampun angin diong pa’ka’panna? Mindara umbungku’ uai diong tamang-kalena, mindara umpamanassai tu mintu’ randan langi’? Mindara tu sanganna sia mindara sanganna tu anakna muane? Manassa mutandai.

PA’TENDENG BALLO 3:11

Tassu’komi, e mintu’ anak dara Sion. Tiroi tu datu Salomo, ma’makota, tu napasongkoranni indo’na, tonna tidukun tama rampanan kapa’, tonna allo kasendeanna penaanna datu.

YESAYA 62:3

Ammu dadi misa’ makota ballo diong pala’Na PUANG sia misa’ passapu kadatuan lan limanna Kapenombammu.

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

DANIEL 10:6

Iatu batang kalena susi parimata pirusa’; iatu lindona pandila-dila susi kila’, iatu matanna susi sulo marorrongan, sia iatu takia’na sia lentekna parrang susi tambaga dipopandilak, na iatu gamaranna susito ongngo’ tau buda.

ZAKHARIA 9:16

Allo iato, PUANG, Kapenombanna, la urrampananni tu tau iato mai susi domba ma’baanan; iatu taunNa susi tuntunan dombaNa, ondongpi sangtinti parimata dio makotaNa, tu la pandillak-dillak lan tondokNa.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

MATIUS 21:5

Pokadanni anak dara Sion, kumua: Tiromi tu Datummu sae lako kalemu, umpamadiongan penaanNa, ussakei keledai, keledai lundara, anak patuoan dipassampei.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

LUKAS 10:22

Mintu’na apa-apa mangka nasangmo Nasorong Ambe’Ku lako Kaleku, namoi misa’ tau tae’ unnissanni, kumua mindara tu Anak, sangadinna Ambe’ manna sia mindara tu Ambe’, sangadinna Anak manna sia mindapa la Nanii umpasomboi Anak lako.

YOHANES 17:11

Tae’mo Kulan lino, apa tau iato lan lino, na Aku te saeNa’ lako Kalemi, o Ambe’ masero, karimmanni tu tau iato umpoparinding sangamMi, tu mangka Mipa’kamasean lako Kaleku, kumua anna mendadi misa’ susi Kita.

YOHANES 17:12

IatongKu sisolapa, Kukarimmanni umpoparinding sangamMi, tu mangka Mipa’kamasean lako Kaleku, sia mangkamo Kurinding pala’, na moi misa’i tae’ sanggang sangadinna iatu anak taa kasanggangan, dikua anna sundun tu lanna Sura’ Madatu.

EFESUS 1:21

mandu matandena anna mintu’ to ma’parenta sia to paa sia kakuasan sia pekapuangan sia mintu’ to kalelean, tangia te attu totemo manna, sangadinna ia duka ke attu la sae.

IBRANI 2:9

Apa iatu Ia tu mangka dipopengkadiongan sattu’ na malaeka’, iamotu Yesu, tatiro dimakotai kamala’biran sia kadipangkeran, diona parri’ kamatean; kumua anna tete dio pa’kamaseanNa Puang Matua anNa perasai kamatean belanna mintu’ tolino.

KADA OMBO’ LAKO RASULU’ YOHANES 1:14

Iatu ulunNa sia beluakNa mabusa, susi bulu domba mabusa, sia susi ambun makko; na matanNa susi dukku api.

KADA OMBO’ LAKO RASULU’ YOHANES 12:3

Kaanan pole’omi misa’ tanda senga’ dao langi’, iamotu misa’ naga kapua dukku mararang, pitu ulunna sia sangpulo tandukna, sia pitu makota dao ulunna;

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

KADA OMBO’ LAKO RASULU’ YOHANES 6:2

Kutiromi den misa’ darang busa’, na iatu to ussakei untoe pana; dikamaseimi misa’ makota, sunmi patalo sia kumua anna patalo tarru’.

TO PARENGNGE’ 13:18

Apa mebali tu Malaeka’Na PUANG lako Nakua: Ma’apai ammu pekutananni tu sangangKu? Iatu iannato memangngan.