KADA OMBO’ LAKO RASULU’ YOHANES 19:1 - Sura' Madatu

¹ Undinnato kurangimi tu oni susi misa’ gamara kapuana to buda lan suruga ma’kada nakua: Haleluya! Kapenombanta unnampui kamakarimmanan sia kamala’biran sia kapaan,

KADA OMBO’ LAKO RASULU’ YOHANES 19:1 ပူးပေါင်းရင်းမြစ်များ

1 OSSORANNA DATU 29:11

Kamumo, o PUANG, unnampui kapasareonganan sia kamatotoran, kamala’biran, kadipangkeran sia kabarre-alloan. Kamuri tu unnampui tu mintu’na apa dao langi’ sia lan lino; Kamuri tu unnampui kadatuan, o PUANG, sia Kamu unnampui kapaan undaoanni mintu’ apa.

PA’PUDIAN 104:35

Iatu mintu’ to umparri-parri kasalan la roto’ lan mai lino, sia tappu tu mintu’ to tang mekaaluk. Pudimi tu PUANG, e sumanga’ku. Haleluya!

PA’PUDIAN 106:1

Haleluya! Pudimi tu PUANG, belanna masokan Ia, sia iatu kamasokananNa tang tileluk sae lakona.

PA’PUDIAN 111:1

Haleluya! La umpudina’ PUANG situang penaa kalebungku, lan kombonganna sia tinimbunna to bulo lollong.

PA’PUDIAN 115:18

Apa kitari te, tu la umpudi PUANG, randuk totemo landa’ sae lakona. Haleluya!

PA’PUDIAN 146:1

Haleluya! E sumanga’ku pudimi tu PUANG.

PA’PUDIAN 148:1

Haleluya! Pudimi tu PUANG lan mai batara. Pudimi lan masuanggana!

PA’PUDIAN 149:1

Haleluya! Penanianni PUANG tu misa’ nanian ba’ru, tu dipudianni lan kombongan to masallo’.

PA’PUDIAN 150:1

Haleluya! Pudimi tu PUANG Matua ilan inan maindanNa! Pudimi lan batara kalle-kalleanNa!

PA’PUDIAN 3:8

Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.

PA’PUDIAN 62:11

Da mirannuanni tu apa mipabu’tu ma’pakario-rio, sia da miparannuan lo’bangi tu apa mipabu’tu mangrampa; iake memba’ka’i tu iananmi, da mipala’ka’ lakoi tu penaammi.

YEREMIA 51:48

Attu iato iatu langi’ sola lino sia mintu’ issinna la unnarrak-arrakki Babel, belanna saemo lu daa mai tu pa’kasanggang lako kalena, kadanNa PUANG.

YUNUS 2:9

Apa iatu aku, la memala’na’ lako Kalemi dipasituang pa’pudi-pudian, sia la Kusundunni tu pangallonan, tu mangka kuallu’. Kadirampanan iato lu dio mai PUANG.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 12:10

Kurangi pole’omi misa’ gamara kapua dao suruga, ma’kada: Totemo nalambi’mo tu kamakarimmanan sia kamatotoran sia kadatuanna Kapenombanta, sia kuasanNa To Natokko, belanna tipembuangmo rokko tu to umpangrosoan mintu’ siulu’ta, tu umpangrosoanni dio oloNa Kapenombanta allo bongi.

KADA OMBO’ LAKO RASULU’ YOHANES 19:6

Den kurangi susi gamara to buda sia susi ongngo’ uai buda, sia guntu’ menanan ma’kada nakua: Haleluya! Belanna ma’parentamo tu Puang Kapenombanta, Puang Umpoissan angge maritik.