KADA OMBO’ LAKO RASULU’ YOHANES 18:3 - Sura' Madatu

³ Belanna mintu’ bangsa unniru’mo uai anggoro’ kamoraian gau’ salana, sia sigau’ salamo mintu’ datu lan lino sia mintu’ pa’baluk-baluk lan te lino sanapasugi’-sugi’na belanna lendu’ tongan malabona.

KADA OMBO’ LAKO RASULU’ YOHANES 18:3 ပူးပေါင်းရင်းမြစ်များ

YESAYA 47:15

Susimo gai’na lako kalemu to tu mintu’ to mupa’boyo’-boyo’i sia musipa’balilian tempon dio mai bitti’mu; pada tang ma’rundunanmo tu lalan naolai male; moi misa’ tae’ tu pakulle untunduiko.

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

YEREMIA 51:7

Iatu Babel susi misa’ irusan bulaan lan limanNa PUANG, tu umpamalango mintu’ issinna lino; mintu’ bangsa unniru’mo uai anggoro’ lan mai, naurunganni bomboan nasang.

BATING 4:5

Iatu to ma’pemammi’ bang kumande limpumo mangelo dio lu mintu’ lalan; iatu to ditaranak mamma’ dao sampin karamisi, urraka’mo pa’rampunan au.

NAHUM 3:4

Natumang kabudanna gau’ salana baine bualang, tu melo pantarisanna, manarang ma’patama-tamai, tu umbalukan ba’tu pira-pira bangsa tete dio pa’gau’ salana, sia ba’tu pira-pira pa’rapuan tete dio pa’patama-tamainna.

LUKAS 7:25

Apara pale’ tu mangka loo mitiro? Tau ma’pakean meloraka? Iatu to ma’pakean melo sia unnappa’ mintu’na mammi’na, lan sia banuanna datu.

1 TIMOTIUS 5:11

Apa da mupatamai sura’ tu mai baine balu mangura, belanna ianna saemo kamoraianna tu sisalanna Kristus, la moraimi kemuane,

KADA OMBO’ LAKO RASULU’ YOHANES 14:8

Denno tu senga’na pole, undi urrundu’i, iamotu malaeka’ ma’penduanna anna ma’kada nakua: Mangsanmo, mangsanmo tu Babel, tondok kapua, belanna mangka napairu’ uai anggoro’ kamoraian gau’ salana tu mintu’ bangsa.

KADA OMBO’ LAKO RASULU’ YOHANES 17:2

iamora nasigau’-salan mintu’ datu lan lino, sia mintu’na issinna lino nalangomo uai anggoro’ gau’ salana.

KADA OMBO’ LAKO RASULU’ YOHANES 18:19

Nasamborammi tau iato mai tu barra’-barra’ langngan ulunna sia melallak anna tumangi’ sia umbating nakua: A’a, a’a tondok kapua, nanii to unnampui kappala’ lan tasik, napasugi’mo mintu’ iananna; sangte’te’ri nanii sanggang!

KADA OMBO’ LAKO RASULU’ YOHANES 18:23

Sia arrang palita inang tae’mo anna la parrang lan lili’mu, sia gamara muane diparampo sia baine narampoi tae’mo anna la dirangi lan. Belanna mintu’ to ma’baluk-balukmu to kapua lan lino; belanna balik matammu, pusami tu mintu’ bangsa.

KADA OMBO’ LAKO RASULU’ YOHANES 18:7

Tumba tu kaumpamadoanna kalena sia kasolleranna, pada dukato tu kamaparrisan sia tangi’ la mibenni, belanna nakua lan penaanna: Unnisungna’ susi datu baine; tangiana’ to balu, sia inang tae’ angku la sitiro katumangiran.

KADA OMBO’ LAKO RASULU’ YOHANES 18:9

Mintu’ datu lan lino tu nasigau’ salan sia nasolan solle’, la untangi’i sia la umbatingi, ke natiromi tu rambu api ungkandei,