KADA OMBO’ LAKO RASULU’ YOHANES 18:22 - Sura' Madatu

²² Sia oni to ma’katapi sia to menani sia to massuling sia tarompe’ pua tae’mo anna dirangi lan mai, sia iatu to manarang lan misa’ kamanarangan, tae’ dukamo untorroiko, sia oni batu pangrissoan inang tae’mo anna dirangi.

KADA OMBO’ LAKO RASULU’ YOHANES 18:22 ပူးပေါင်းရင်းမြစ်များ

AYUB 3:7

Kenna tamanangora tu bongi iato; da naden arrak kaparannuan lan.

TOMANGADA’ 12:4

Sia iake titutu’mi tu da’dua papan ba’ba ma’palulako lalan, sia iake tang malesomi tu oni pangleluran sia ma’kissak-kissak tu gamara susi oni manuk-manuk sia tang maseromo tu mintu’ oni dirangi.

YESAYA 23:12

Sia ma’kadamo Nakua: Tae’mo ammu la mela’tek, e anak dara Sidon, anak dara matuna. Ke’de’ko ammu lamban lian Kitim; moi sambalin, tae’ duka ammu torro manaman.

YEREMIA 16:9

Belanna nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupa’dei tu arrak kaparannuan sia kamaruasan sia gamara to ma’rampanan kapa’ dio pentiromi sia iato ke linomipi.

YEREMIA 25:10

Sia la Kupatoyang dio mai padang iato tu arrak kaparannuan sia kamaruasan, sia gamara to ma’rampanan kapa’, sia oni pangrissoan sia mintu’ arrang palita.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

YEREMIA 7:34

Dio lu mintu’ kota Yehuda sia dio lu mintu’ batatta Yerusalem la Kupa’dei tu arrak kaparannuan sia kamaruasan sia gamara to ma’rampanan kapa’, belanna tondok iate la sanggangmo.

YEHEZKIEL 26:13

La Kupa’dei tu penaniammu sia oni katapimmu tae’mo nala dirangi len.

MATIUS 9:23

Iatonna rampo tu Yesu lako to’ banuanna tinde kapala, Natiroi tu to massuling sia tau mamak bangmo.