KADA OMBO’ LAKO RASULU’ YOHANES 18:19 - Sura' Madatu

¹⁹ Nasamborammi tau iato mai tu barra’-barra’ langngan ulunna sia melallak anna tumangi’ sia umbating nakua: A’a, a’a tondok kapua, nanii to unnampui kappala’ lan tasik, napasugi’mo mintu’ iananna; sangte’te’ri nanii sanggang!

KADA OMBO’ LAKO RASULU’ YOHANES 18:19 ပူးပေါင်းရင်းမြစ်များ

2 SAMUEL 13:19

Napalangannimi barra’-barra’ Tamar tu ullunna sia naserek-serek tu bayu maa’na tu napake, anna pa’lullungi tu limanna, anna marassan sia male marassan sia unnurruk-urruk tumangi’.

NEHEMIA 9:1

Iatonna allo ma’penduangpulona nna’pa’ bulan iato saemi sirampun tu mintu’ to Israel nama’puasa sia ma’pote dibolong sia nanii barra’-barra’ tu ulunna.

AYUB 2:12

Iatonna mambelapa nabangunammi tu matanna, tae’mi natandai tu Ayub. Ma’urrukammi umpekapuai gamaranna, anna kake-kakei tu bayu lamba’na, anna ambo’i barra’-barra’ tu ulunna nasumarombon langngan langi’.

YESAYA 13:19

Na iatu Babel tu napotarompo’ mintu’ kadatuan sia kamala’biran nasattuan mintu’ to Kasdim la susi Sodom na Gomora, tonna palumbangi Puang Matua.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

YEHEZKIEL 27:30

Tau iato mai silallakan untangi’iko sia mapalla tongan anna ma’urrukan, napalangnganni barra’-barra’ tu ulunna sia mentombang lan to’ au.

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

KADA OMBO’ LAKO RASULU’ YOHANES 17:16

Na iatu sangpulo tanduk sia olo’-olo’ tu mutiro, iamo la ungkabiri’ pa’gau’ sala iato anna kalosso’i sia nakambelangi, sia la nakande tu duku’na sia natunu api.

KADA OMBO’ LAKO RASULU’ YOHANES 18:10

anna bendan mambela belanna ungkataku’ kadipakario-rioanna sia ma’kada nakua: A’a, a’a tondok Babel kapua, sia tondok matoto’! sangte’te’ri anna saemo tu ukungan urrampoiko.

KADA OMBO’ LAKO RASULU’ YOHANES 18:3

Belanna mintu’ bangsa unniru’mo uai anggoro’ kamoraian gau’ salana, sia sigau’ salamo mintu’ datu lan lino sia mintu’ pa’baluk-baluk lan te lino sanapasugi’-sugi’na belanna lendu’ tongan malabona.

KADA OMBO’ LAKO RASULU’ YOHANES 18:8

Iamo bannangna to nalan sangallori nanii la bu’tu tu kamaparrisanna, iamotu kamatean, katumangiran sia ra’pak padang, sia la ditunu api, belanna mawatang tu Puang Matua, tu Puang umpaolai salunna.

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.