KADA OMBO’ LAKO RASULU’ YOHANES 17:6 - Sura' Madatu

⁶ Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.

KADA OMBO’ LAKO RASULU’ YOHANES 17:6 ပူးပေါင်းရင်းမြစ်များ

DANIEL 7:21

Kutiromi tu tanduk iato sirari to masero, anna patalo,

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

HABAKUK 1:13

Mandu masero tu matamMi untiro kakadakean, sia tang Mitanan umpemarangai tu pa’pakario-rio, ma’apai Minenne’ umpemarangai tu to tang maruru’ sia kappaKomi, ke naampello’i to tang mekaaluk tu to mandu malambu’ na ia.

YOHANES 2:10

nakuami ungkuanni: Biasanna ia napa’pairusan tau dolo tu anggoro’ mammi’, nabossapi tu tau unniru’i, namane dipa’pairusan tu tangkanna mammi’; anna mipalumpunni bang kamu tu mammi’na sae lako totemo.

PENGGAURANNA RASULU’ 22:20

Sia iatonna to’do tu rarana Stefanus, to ungkatottongiKomi, dio dukana’ ke’de’ sia kuporai tu kadipateianna sia akumo tu ungkampai pakeanna to umpatei.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.

KADA OMBO’ LAKO RASULU’ YOHANES 13:15

Diben duka kuasa la umpatamai penaa tu rapang-rapang dipodeata olo’-olo’ iato, kumua anna ma’kada, sia anna palalo gau’, tu napobannang mintu’ tu to tang umpenombai rapang-rapang dipodeata olo’-olo’ iato, dipatei.

KADA OMBO’ LAKO RASULU’ YOHANES 13:7

Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.