KADA OMBO’ LAKO RASULU’ YOHANES 17:4 - Sura' Madatu

⁴ Iatu baine iato ma’tamangkale lango-lango sia mararang karamisi rupanna, sia dipakei bulaan sia parimata, sia ma’rupa-rupa mattiara sia sitoe misa’ irusan bulaan ponno sanda kadake sia kamaruttakanna gau’ salana;

KADA OMBO’ LAKO RASULU’ YOHANES 17:4 ပူးပေါင်းရင်းမြစ်များ

1 DATU 14:24

Sia den duka lan lu tondok tu to ma’gau’ sala dio to’ dipa’deatainna. Sia napogau’ tau iato mai tu apa megallianna mintu’ bangsa tu mangka Naula’i PUANG dio mai tingayona to Israel.

2 DATU 21:2

Napogau’mi tu apa kadake dio pentiroNa PUANG, susitu penggauran megallianna mintu’ bangsa tu Naula’i PUANG dio mai tingayona to Israel.

EZRA 9:11

tu mangka Mipokadangkan nalopian taumMi, iamotu mintu’ nabi, nakua: Iatu tondok mipatu la miala mipomana’, iamo padang burere bannang dio kaburereanna mintu’ bangsa lan tondok iato, tu belanna mintu’ penggauran megallian tu naponnoanni randuk dio mai randanna sae lako randan sangbalinna napobua’ kamaruttakanna.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

YEREMIA 51:7

Iatu Babel susi misa’ irusan bulaan lan limanNa PUANG, tu umpamalango mintu’ issinna lino; mintu’ bangsa unniru’mo uai anggoro’ lan mai, naurunganni bomboan nasang.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

YEHEZKIEL 20:30

Iamoto ma’kadako lako to Israel kumua: Inde sia tu kadanNa Puangta PUANG: La miruttakkiraka tu kalemi susi napogau’ neme’ to dolomi sia la ma’gau’ salarokomika unturu’i tu apa megallianna tau iato mai?

YEHEZKIEL 24:11

Patonang lo’bangi tu kurin dao to’ ruaya, anna malassu sia anna borrong tu tambagana, anna lessu’ tu apa le’ke’ lan sia anna tikalopak tu ta’ga’na.

YEHEZKIEL 24:13

Belanna kamaruttakan gau’ salamu, sia belanna la moraiNa’ umpemaseroiko, apa manokako dipemaseroi, iamoto inang tae’mo mula dipamasero dio mai kamaruttakammu sae lako Kupasau tu kare’dekan ara’Ku lako kalemu.

YEHEZKIEL 28:13

Lanko Eden, pa’lakNa Puang Matua, ma’rupa-rupa parimata ussitutu’i kalemu; iamotu parimata yaspisi’ mararang, parimata krisoli’ sia parimata yaspisi’ maido, parimata pirusa’, parimata ake’ maido sia parimata nepri’, parimata lasuri’, parimata ake’ malotong sia parimata malaki’. Bulaan panggaraga tu ussa’pi’i sia umpasila’ka’i lako kalemu; iatommu dipadadi, sakka’ nasangmo tu iannato.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

DANIEL 11:38

Apa naposondana deata iato mai la napenombai, iamo deata tambakuku, tu deata tae’ natandai nene’ to dolona la napenombai umpennoloan bulaan, salaka, parimata sia ma’rupa-rupa ianan masuli’.

HOSEA 9:10

Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.

PA’TOLE 29:17

Sia mitiromo tu apa megallian sia rapang-rapang dipodeata, tu dio lu tau iato mai, iamotu kayu, batu, salaka sia, bulaan.

KADA OMBO’ LAKO RASULU’ YOHANES 14:8

Denno tu senga’na pole, undi urrundu’i, iamotu malaeka’ ma’penduanna anna ma’kada nakua: Mangsanmo, mangsanmo tu Babel, tondok kapua, belanna mangka napairu’ uai anggoro’ kamoraian gau’ salana tu mintu’ bangsa.

KADA OMBO’ LAKO RASULU’ YOHANES 18:12

iamotu balukan bulaan sia salaka sia parimata, sia ma’rupa-rupa mattiara, sia sampin kasa, sia sampin lango-lango, sia sa’be, sia sampin karamisi, sia mintu’ kayu busarungngu’, sia mintu’ parea digaraga dio mai gading, sia dio mai kayu masuli’ allinna, sia dio mai tambaga sia bassi, sia dio mai batu marmar,

KADA OMBO’ LAKO RASULU’ YOHANES 18:16

nakua: A’a, a’a tondok kapua, tu umpobelo sampin kasa, sia sampin lango-lango sia sampin karamisi, sia nasapu’ bulaan sia parimata sia mattiara!

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 21:21

Iatu sangpulo dua babangan iato sangpulo dua mattiara; misa’ mattiara digaraga misa’ babangan. Na iatu batatta lan tondok iato bulaan massang susi sammin mase’rok.

KADA OMBO’ LAKO RASULU’ YOHANES 9:21

Tae’ dukapa namengkatoba’ umpatei tau ba’tu umpogau’ pangissanan ba’tu gau’ sala ba’tu kabokoan.