KADA OMBO’ LAKO RASULU’ YOHANES 17:3 - Sura' Madatu

³ Nabaai tu deatangku lako padang aak, angku tiroi tu misa’ baine messake dao misa’ olo’-olo’ mararang karamisi, nasituru’i sanga kada solang, sia pitu ulunna na sangpulo tandukna.

KADA OMBO’ LAKO RASULU’ YOHANES 17:3 ပူးပေါင်းရင်းမြစ်များ

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

2 DATU 2:16

Ma’kadami tu tau iato mai lako nakua: Tonganna den dio taummi tu muane malinta’ limangpulo; da’ito namale undaka’ puangmi, Naangka’ manii PenaanNa PUANG, anna popengkalaoi dao misa’ tanete ba’tu Naparokkoi misa’ lombok. Apa nakua Elisa: Da misua tau.

PA’TENDENG BALLO 8:5

Mindara iatu sae lan mai padang aak anna mennambe lako andi’ pa’kaboro’na? – Diong garonto’ lemo datu kuni umpamillikko, inde to dio nanii indo’mu umpanguriasangko, inde to dio nanii umpanguriasangko tu to undadiangko.

YEHEZKIEL 11:24

Naangka’mo’ Penaa, anNa solanna’ lako tondok to Kasdim, lako to dipali’, lan patiro mendeata tete dio PenaanNa Puang Matua. Iatu patiro mendeata, mangka Kutiro, kendekmo natampena’.

YEHEZKIEL 3:12

Naangka’mo’ Penaa langngan, angku rangi dio boko’ku misa’ oni mongngo’ tongan – nadipudimora tu kamala’biranNa PUANG lan inan isunganNa –,

YEHEZKIEL 8:3

Napendondongammi tu misa’ apa tu susi lima rupanna, anNa dammakki sangdi’pu’ tu beluakku. Attu iato Naangka’na’ Penaa langngan lan kasiallaranna lino na langi’, anNa baana’ lako Yerusalem lan patiro mendeata, tu Napaombo’ Puang Matua, lako lalan tama babangan rampe lanna lu, tu mentingo rekke, tu nanii te’dek rapang-rapang dipodeata, iamotu pareanan kamangimburuan, tu umpabu’tu kamangimburuan.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 7:20

sia diona sangpulo tanduk dao ulunna, na iatu senga’na misa’ tu tuo, tu untumangi anna lesok tu tanduk dolo tallu, na iatu tanduk iato kemata sia kepuduk ussa’bu’ bang kada matampo sia ditiro kapua na iatu solana.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

MATIUS 27:28

Nasabakkimi tu pakeanna Yesu, napaluangi bayu lamba’ lango-lango.

PENGGAURANNA RASULU’ 8:39

Iatonna kendekmo diong mai to’ uai, Napapa’de poto’mi PenaanNa Puang tu Filipus, natae’mo nakitai tinde pa’bisara, tarru’mi sule parannu penaanna.

2 TESALONIKA 2:4

to pabali-bali sia ussanga madao kalena na iatu mintu’na disanganna kapenomban sia dipenombainna, naurunganni unnesung lan banuanNa Puang Matua sia ungganti kalena kumua iamo deata.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADA OMBO’ LAKO RASULU’ YOHANES 12:3

Kaanan pole’omi misa’ tanda senga’ dao langi’, iamotu misa’ naga kapua dukku mararang, pitu ulunna sia sangpulo tandukna, sia pitu makota dao ulunna;

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

KADA OMBO’ LAKO RASULU’ YOHANES 17:18

Iatu baine mutiro iamo tondok kapua, tu umparenta mintu’ datu lan lino.

KADA OMBO’ LAKO RASULU’ YOHANES 17:4

Iatu baine iato ma’tamangkale lango-lango sia mararang karamisi rupanna, sia dipakei bulaan sia parimata, sia ma’rupa-rupa mattiara sia sitoe misa’ irusan bulaan ponno sanda kadake sia kamaruttakanna gau’ salana;

KADA OMBO’ LAKO RASULU’ YOHANES 18:12

iamotu balukan bulaan sia salaka sia parimata, sia ma’rupa-rupa mattiara, sia sampin kasa, sia sampin lango-lango, sia sa’be, sia sampin karamisi, sia mintu’ kayu busarungngu’, sia mintu’ parea digaraga dio mai gading, sia dio mai kayu masuli’ allinna, sia dio mai tambaga sia bassi, sia dio mai batu marmar,

KADA OMBO’ LAKO RASULU’ YOHANES 18:16

nakua: A’a, a’a tondok kapua, tu umpobelo sampin kasa, sia sampin lango-lango sia sampin karamisi, sia nasapu’ bulaan sia parimata sia mattiara!

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 4:2

Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.