KADA OMBO’ LAKO RASULU’ YOHANES 17:17 - Sura' Madatu

¹⁷ Belanna Napatamaimo tanan penaa Puang Matua tu penaanna la umpogau’ pa’poraianNa Puang Matua sia samaturu’ tu tau iato mai sia ussorong kadatuanna lako olo’-olo’ iato sae lako rampo randanna tu kadanNa Puang Matua.

KADA OMBO’ LAKO RASULU’ YOHANES 17:17 ပူးပေါင်းရင်းမြစ်များ

EZRA 7:27

Mintu’ kadipudian lu lako PUANG, Kapenombanna nene’ to dolota, tu mangka umpatiakka’ penaanna datu la umpakala’bi’ banuanNa PUANG, tu unnisung dio Yerusalem,

PA’PUDIAN 105:25

Napasenga’mi Puang tu penaanna tau iato mai, naurunganni ungkabiri’i tu mai taunNa, sia natangnga’ tu mai orangNa.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

SARAMBU PEADA’ 21:1

Iatu penaanna datu lan limanNa PUANG susito salu’-salu’, Napalolong lao umba-umba tu Naporai.

YESAYA 45:17

Apa iatu to Israel la Nala’bak PUANG pela’bak matontongan; tae’ ammi la kasirisan sia matuna tontong sae lakona.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

LUKAS 22:22

Inang la maleNa tu Anak rampan dilino, susitu mangka dilampakanNi, apa upu’ allona tu to ussorongI.

LUKAS 22:3

Iatonna iato natamaimi deata bulituk tu Yudas, tu diganti Iskariot, siposangpulo duanna tu anak gurunNa Yesu.

LUKAS 22:37

Belanna Kukua lako kalemi: Iapa te ianate tu disura’, tae’ nasalai tang disundunninna lako Kaleku, kumua: Dipasisangbilangan to kadake. Belanna mintu’na tu disura’ diona Aku, disundunnimo.

YOHANES 10:35

Iake disa’bu’ deatai tu mai to mangka dinii umparampo kadanNa Puang Matua sia tae’ nama’din dipaleluk tu lanna Sura’ Madatu,

YOHANES 13:18

Ia sia Kuma’kada tangia diona kamu sola nasang, belanna Aku te Kutandai minda tu Kupilei. Apa dikuari anna sundun tu lanna Sura’ Madatu, tu Nakua: Iatu to Kusolan kumande, untitti kambutu’na unneaNa’.

YOHANES 13:2

Iatonna katumimburan bongi, tonna mangka deata bulituk umpatudui lan penaanna tu Yudas Iskariot, anakna Simon, la umpa’peturoan Yesu,

YOHANES 19:24

Nakuami sipa’kada-kada: Da anta serekki, melo ke tasire’tekki, ba’tu mindanta umpotaai, kumua anna sundun tu kada lan Sura’ Madatu tu nakua: Mangkamo nataa-taa tu pakeangKu sia iatu bayu lanKu lu mangkamo nasire’tekki. Ten dukamoto tu napogau’ tinde surodadu.

YOHANES 19:28

Undinnato, belanna Naissan Yesu kumua sundun nasangmo, kumua anna sundun tu kada lan Sura’ Madatu, Nakuami: Ma’rangNa’.

2 KORINTUS 8:16

Apa kurre sumanga’na langngan Puang Matua, tu mangka umpa’kamaseanni tu kamatutturan iato tama penaanna Titus tu belanna kamu.

KADA OMBO’ LAKO RASULU’ YOHANES 10:7

Apa iake oni gamarannami malaeka’ ma’pempitunna, ke la umpannonimi tarompe’ puana, maneri dipalanda’ tu rasianNa Puang Matua, susitu kareba dipa’peissanan lako mintu’ taunNa, iamo mintu’ nabi.

KADA OMBO’ LAKO RASULU’ YOHANES 15:1

Kutiro polemi misa’ tanda senga’ dao langi’, kapua sia kalle-kallean, iamotu pitu malaeka’, tu umbaa pitu kamaparrisan ma’katampakanna; belanna iamo naposundun kasengkeanNa Puang Matua.

KADA OMBO’ LAKO RASULU’ YOHANES 17:13

Samaturu’mi sola nasangi, anna sorongi tu kamawatanganna sia kakuasanna lako olo’-olo’ iato.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.

KADA OMBO’ LAKO RASULU’ YOHANES 6:11

Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.