KADA OMBO’ LAKO RASULU’ YOHANES 16:15 - Sura' Madatu

¹⁵ Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

KADA OMBO’ LAKO RASULU’ YOHANES 16:15 ပူးပေါင်းရင်းမြစ်များ

KATASSURAN 32:25

Attu iato natiromi Musa tu a’ganna tau iato mai ma’inaanna bangmo, belanna napopa’inaanna Harun naurunganni tattammo tu tau iato mai lako to unneai.

YESAYA 47:3

La dikambelangi tu kalemu sia la kakitanan tu kasirisammu. La ma’papakkanniNa’ na moi misa’ tau tae’ Kukatirinnai.

YEHEZKIEL 16:37

iamoto, manassa la Kupasipulung tu mintu’ muane ungkamoraiko, tu musede anna poraiko, la mintu’ tu muporainna, la mintu’ tu musayunna: la Kupasipulung dio mai mintu’ inan unneako sia la Kukambelangiko dio tingayona tu tau iato mai, anna tiroi tu kasirisammu.

HOSEA 2:3

Sia tae’ angKu kamasei tu mai anakna, belanna bati’ dadi lan penggauran sala.

HABAKUK 2:15

Upu’ allona tu to umpairu’ solana, ammu ranganni rasunmu, sia iatu to umpamalangoi la untiroi tu kama’kambelanganna.

MATIUS 25:13

Iamoto la ma’penandakomi, belan- na tae’ miissanni tu allona ba’tu attunna.

MATIUS 26:41

Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

MARKUS 14:38

Ma’penandakomi sia massambayangkomi, da naruakomi peroso; la morai tongan sia tu penaa, apa tang pa’bela tu kale.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

PENGGAURANNA RASULU’ 20:31

Iamoto dadi kanandai sia pengkilalai kumua tallung taunna’ keallo kebongi tae’ kutorei umpakilala simisa’i tu tau situru’ uai matangku.

2 KORINTUS 5:3

Iake merrampangki’, tae’ tadikabu’tui ma’kale-kale.

1 TESALONIKA 5:4

Apa iatu kamu, e sangsiulurangku, tae’ ammi lan kamalillinan, sae lako narampoimmi tu allo iato susi misa’ to boko.

1 TESALONIKA 5:6

Iamoto dadi da tamamma’ susitu mai to senga’, sangadinna la mareaki’ sia mangingaran.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

KADA OMBO’ LAKO RASULU’ YOHANES 22:7

Kilalai, la madoi’Na’ sae. Maupa’ tu to ungkaritutui mintu’ kada pa’nubua’ lan sura’ iate.

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.