KADA OMBO’ LAKO RASULU’ YOHANES 16:12 - Sura' Madatu

¹² Na iatu malaeka’ ma’pennannanna umbolloan gori-gorinna rokko salu kapua, iamotu salu Efrat, anna marangke, dikua anna tibungka’ tu lalan naola mintu’ datu dio mai matallo.

KADA OMBO’ LAKO RASULU’ YOHANES 16:12 ပူးပေါင်းရင်းမြစ်များ

YESAYA 11:15

La Nagatai PUANG tu tasik mengkokona Mesir sia la Naaak lima tu Salu iato anna marangke napobua’ anginNa, sia la Napopempitu tu salu iato, sia Napalingkai tau ma’sepatu.

YESAYA 41:25

Umpake’de’Na’ misa’ tau daa mai ulunna salu, anna saemo, lu dio mai kadellekan allo tu misa’ tau ussa’bu’ sangangKu; nalullu’ tu arung susi losso’, ten to tumampa kurin ullullu’ pitti’.

YESAYA 42:15

La Kupamampu’ tu mai buntu sia tanete sia la Kupamalayu tu mai to’ kayunna, la Kupopenggantanan tu salu sia la Kupama’ti tu limbong.

YESAYA 44:27

Akumo tu ma’kada lako malikunna, kumua: Mandalle’ko, sia mintu’ salummu la Kupamarangke.

YESAYA 46:11

Akumo tu untambai langkan maega dio mai matallo, sia tu muane pura Kulampak, dio mai tondok mambela; iake ma’kadaNa’, la Kupalanda’ duka; iake ma’bori’Na’, la Kukarang duka.

YESAYA 8:7

iamoto manassa la Napatu’ba’i Puang uai Salu pua, luang sia mandirri’ tu tau iato mai, iamotu datu Asyur sola mintu’ kamala’biranna, tu la ullempa’i pa’kalobangna sia ulleanni panampona.

YEREMIA 51:36

Iamoto kadanNa PUANG Nakua: Tonganna Akumo la umbendanni tu kara-karamu sia la Kupembalarangko, sia la Kupamarangke tu tasikna sia la Kupabe’ko’ tu kalimbuangna.

KADA OMBO’ LAKO RASULU’ YOHANES 11:14

Iatu kamaparrisan ma’penduanna lendu’mo; kanandai tu kamaparrisan ma’pentallunna la sae madomi’.

KADA OMBO’ LAKO RASULU’ YOHANES 17:15

Nakuami lako kaleku: Iatu mintu’na uai mutiro dio inan nanii unno’ko’ pa’gau’ sala iato, iamora tu ba’tu pira-pira to sangpetayanan sia to tang dipetayanni sia mintu’ bangsa sia basa.

KADA OMBO’ LAKO RASULU’ YOHANES 7:2

Kutiro pole’omi misa’ malaeka’ senga’ kendek dio mai kadellekan allo untoe peca’Na Puang Matua matontongan; metambami umpekapuai gamaranna lako tu a’pa’ malaeka’ mangka diben kuasa ussanggang lino sia tasik,

KADA OMBO’ LAKO RASULU’ YOHANES 9:14

ma’kada lako malaeka’ ma’pennannanna tu untoe tarompe’ pua: Rampananni tu a’pa’ malaeka’ dipungo sikandappi’ salu kapua, iamo salu Efrat.