KADA OMBO’ LAKO RASULU’ YOHANES 15:3 - Sura' Madatu

³ Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

KADA OMBO’ LAKO RASULU’ YOHANES 15:3 ပူးပေါင်းရင်းမြစ်များ

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

1 OSSORANNA DATU 6:49

Apa iatu Harun sola tu mintu’ anakna muane memala’ dao inan pemalaran dinii mantunu sia dao inan pemalaran pantunuan dupa, sia napogau’ tu mintu’ pengkarangan lan inan tarru’ maindan sia umpadenan pengkalossoran to Israel situru’ tu mintu’ pepasanna Musa, taunNa Puang Matua.

2 OSSORANNA DATU 24:6

Natambaimi datu tu tominaa kapua Yoyada, anna ma’kada lako nakua: Ma’apai natae’ mipoinaai tu to Lewi la umbaai tu pa’padadi napepasanan Musa, taunNa PUANG, tu narampun dio mai Yehuda sia dio mai Yerusalem, susitu napogau’ kombongan to Israel, tu dipake lako tenda kasa’bian.

NEHEMIA 9:14

Sia Mipaissanni dukamo tu allo katorroan maindanMi sia Mipepasanammo tu pepasan sia apa dipondok sia sukaran aluk nalopian Musa, taumMi.

AYUB 36:24

Kilalai ammi pakala’bi’i tu penggauranNa, tu napudi to lino lan penanian.

AYUB 5:9

Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

PA’PUDIAN 100:5

Belanna iatu PUANG masokan, na mamaseNa tontong sae lakona, sia iatu kamarurusanNa landa’ lako disituran-turananni.

PA’PUDIAN 105:5

Kilalai tu mintu’ tanda memangngan mangka Napogau’, sia mintu’ tanda kalle-kalleanNa sia mintu’ panglampakNa tu ombo’ dio randan pudukNa,

PA’PUDIAN 111:2

Mala’bi’ tongan tu mintu’ penggauranNa PUANG, tu sipatu nanannung mintu’ to umposendei.

PA’PUDIAN 111:7

Iatu lalan limanNa iamo kamanapparan sia katonganan, sia tappa’ mintu’ parentaNa.

PA’PUDIAN 139:14

KupudiKomi, belanna memangngan tongan tu kakombongangku; sia memangngan tu mintu’ penggauramMi. Nakanassai tongan penaangku tu diona to.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

PA’PUDIAN 145:6

La napokada tau tu kalle-kalleanna penggauran metakuramMi, sia la kuulelean tu diona kapasareonganamMi.

PA’PUDIAN 18:30

Belanna Kamu dukari angku laoi sangtuntunan surodadu, sia Kapenombangkuri angku leanni benteng batu.

PA’PUDIAN 78:12

Dio tingayona nene’ to dolona Nanii Puang umpogau’ ba’tu pira-pira tanda kalle-kallean dio tana Mesir, dio padang Zoan.

PA’PUDIAN 92:5

Belanna Mipasendemo’ penggauramMi, o PUANG, sia mela’tekna’ diona mintu’ lalan limamMi.

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

YESAYA 45:21

Pa’peissananni sia pokadai tu tanda sa’bimmi, sitimbangi sola nasang. Mindara tu umpa’perangianni dolona sia umpa’peissananni te masaimo? Tae’raka na Aku te, tu PUANG, sia tae’ tu Puang Matua senga’, sangadinna Aku manna, tae’ tu Kapenomban malambu’ sia mangla’bak, sangadinna Aku.

DANIEL 6:20

Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

DANIEL 9:11

Ondongpi mintu’na to Israel untengkaimo Sukaran alukMi sia memboko’mo, belanna tae’ naperangii tu gamaramMi. Iamoto anna dibarrakan lako kaleki tu tampak ropu, tu diarra’i sumpa, tu mangka disura’ lan Sukaran alukna Musa, taunNa Puang Matua, belanna kasalammokan lako Kalena.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

ZEFANYA 3:5

Apa iatu PUANG malambu’ dio lu tangngana; tae’ Napogau’i tu tang malambu’; melambi’oi Napasombooi Puang tu atoran malambu’Na; ianna masiangmo, sae dukami. Apa iatu to leko’ tae’ natandai siri’.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

PA’TOLE 31:30

Attu iato nasa’bu’mi Musa dio pa’peranginna mintu’ kombonganna to Israel tu kada sengo iate sae lako tappunna.

PA’TOLE 32:3

belanna aku la unnongli’i tu sanganNa PUANG; patarompo’mi tu Kapenombanta,

PA’TOLE 34:5

Pakalan matemi tu Musa, taunNa PUANG, dio, lan tondok Moab, susitu kadanNa PUANG.

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

IBRANI 3:5

Iatu Musa maruru’ lako makalima’na apa lan banuanNa Puang Matua susi to ruranan, la umpa’peissananni tu mintu’ apa la dipokada undinna,

YOSUA 22:5

Ia manna la mikaritutui tongan tu pepasan sia Sukaran aluk, tu napasan Musa, taunNa PUANG, lako kalemi, kumua la mikamali’ tu PUANG, Kapenombammi, la mituru’ tu mintu’ bate lalanNa, sia la mikaritutui tu mintu’ pepasanNa, sia la la’ka’komi lako Puang, sia la ponno penaammi sia deatammi umpengkaolai.

KADA OMBO’ LAKO RASULU’ YOHANES 1:8

Akumote tu Alfa sia Omega, kadanNa Puang Kapenomban, tu Den, sia inang Den tempon dio mai, sia la saeMo, Iamotu Umpoissan angge maritik.

KADA OMBO’ LAKO RASULU’ YOHANES 11:17

anna ma’kada: Ma’kurre sumanga’kanni mati’ oloMi, o Puang Kapenomban, tu Umpoissan angge maritik, tu den, sia inang den tempon dio mai, belanna untoeKomi kuasa kapuaMi sia ma’parentamoKomi.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

KADA OMBO’ LAKO RASULU’ YOHANES 14:8

Denno tu senga’na pole, undi urrundu’i, iamotu malaeka’ ma’penduanna anna ma’kada nakua: Mangsanmo, mangsanmo tu Babel, tondok kapua, belanna mangka napairu’ uai anggoro’ kamoraian gau’ salana tu mintu’ bangsa.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.