KADA OMBO’ LAKO RASULU’ YOHANES 14:2 - Sura' Madatu

² Angku rangi misa’ gamara dao mai langi’, takua to uai buda mongngo’, sia susi oni guntu’ kapua. Iatu gamara kurangi susito ma’katapi umpannoni katapinna;

KADA OMBO’ LAKO RASULU’ YOHANES 14:2 ပူးပေါင်းရင်းမြစ်များ

2 SAMUEL 6:5

Iatu Daud sola mintu’ to Israel ma’marua’-rua’ dio oloNa PUANG, umpannoni ma’rupa-rupa (oni-onian) kayu sapuko, iamotu katapi, dandi, ganda’-ganda’, giring-giring sia taa’-taa’.

2 OSSORANNA DATU 20:28

Malemi lako Yerusalem tama banuanNa PUANG umbaa dandi, katapi sia tarompe’.

PA’PUDIAN 147:7

Penanianni nanian pa’kurre sumanga’ tu PUANG, pakendekanni pa’pudian tu Kapenombanta dipasibarrung oni katapi.

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 33:2

PudiMi tu PUANG naturu’ oni katapi, sia penanianNi pa’pudian naturu’ dandi sangpulo ritinna.

PA’PUDIAN 43:4

Angku rampo lako to’ kapemalaranNa Puang Matua, lako Puang Matua, tu oto’na kaparannuan sia kasendeangku, angku ma’katapi umpudiKomi, o Puang Matua, o Kapenombangku!

PA’PUDIAN 57:8

Rapa’ tu penaangku, o Puang Matua, inang rapa’ tu penaangku; la menanina’ sia umpakendek pa’pudian.

PA’PUDIAN 92:3

Melo ke napa’peissananni ke melambi’ tu kamasokanamMi, sia napa’peissanan ke bongi tu kamarurusamMi.

PA’PUDIAN 93:4

Apa iatu mandu paa anna ongngo’ darra’na uai buda sia mariakna tasik, Iamotu PUANG dao masuanggana.

PA’PUDIAN 98:5

Pakendekanni pa’pudian tu PUANG dipasiala katapi, pasialai katapi sia ma’bare-bareankomi.

KATASSURAN 19:16

Iatonna ma’duang bongian melambi’ dadimi dao buntu iato tu ba’tu pira-pira guntu’ sia kila’ sia gaun makamban sia oni tarompe’ pua lendu’ kapuana, naurunganni sipa’parondoan nasang tu tau iato mai lan lu to’ tenda.

KATASSURAN 20:18

Mintu’ tau iato mai ungkanassa nasangi tu guntu’ sia kila’ sia oni tarompe’ pua sia iatu buntu merambu; iatonna tiromi ma’parondomi sorong boko’ anna toyang bendan.

YESAYA 17:13

Da’ito anna marukka tu mintu’ bangsa susi uai kapua mariak, apa Nata’tan, anna mallai toyang tu tau iato mai sia sisarombonan lao susi ta’pian napettiaran angin langngan buntu sia susi daun tallang naguririkan talimpuru’.

YEHEZKIEL 43:2

Tonganna denmi sae tu kamala’biranNa Kapenombanna Israel lu dio mai rampe matallo, sia den oni susito ongngo’ uai buda na iate lino naarrangi kamala’biranNa.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

1 KORINTUS 13:1

Moi angku ma’kada susitu pa’kamase diona ma’rupa-rupa basa tolino sia malaeka’, apa ke tae’i kuampui pa’kaboro’, manassa susimo’ to bombongan ma’mung-mung sia susi giring-giring magurissing.

KADA OMBO’ LAKO RASULU’ YOHANES 1:10

Iatonna alloNa Puang narampoina’ a’gan Penaa, angku rangii dio boko’ku misa’ gamara kapua, susi oni tarompe’ pua,

KADA OMBO’ LAKO RASULU’ YOHANES 1:15

Sia lentekNa susi tambaga pandila-dila butung dukku api lan dapo’; sia gamaranNa mongngo’ susi uai saba’.

KADA OMBO’ LAKO RASULU’ YOHANES 11:12

Tau iato mai mangka urrangi misa’ gamara kapua dao mai langi’ ungkuanni sola duai: Kendekkomi mai. Kendekmi sola duai langngan langi’ naputu’ gaun, sia mintu’ ualinna untiroi.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 15:2

Kutiro polemi takua to tasik sammin sirau api, sia mintu’ tu to untalomo olo’-olo’ iato sia rapang-rapang dipodeatanna sia angka bilangan sanganna, bendan dio randan tasik sammin untoe katapinNa Puang Matua.

KADA OMBO’ LAKO RASULU’ YOHANES 18:22

Sia oni to ma’katapi sia to menani sia to massuling sia tarompe’ pua tae’mo anna dirangi lan mai, sia iatu to manarang lan misa’ kamanarangan, tae’ dukamo untorroiko, sia oni batu pangrissoan inang tae’mo anna dirangi.

KADA OMBO’ LAKO RASULU’ YOHANES 5:8

Iatonna alami tu sura’ iato, tukkumi tu a’pa’ a’gan kepenaa sia iatu duangpulo nna’pa’ penatua dio oloNa Anak domba iato, pada untoe katapi sia gori-gori bulaan ponno kemenian, iamo mintu’ pangandona to masallo’.

KADA OMBO’ LAKO RASULU’ YOHANES 6:1

Kutiromi tonna bungka’i Anak domba, misa’ tu pitu ca’, sia kurangi misa’i to a’pa’ a’gan kepenaa ma’kada butung oni guntu’, nakua: Maimoko.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.