KADA OMBO’ LAKO RASULU’ YOHANES 14:10 - Sura' Madatu

¹⁰ la nairu’ duka tu uai anggoro’ iamotu kare’dekanNa Puang Matua, tu sakka’mo tang dito’bo’ lan irusan kasengkeanNa; sia la dipakario-rio api sia solo’ dio olona mintu’ malaeka’ masallo’ sia dio oloNa Anak domba,

KADA OMBO’ LAKO RASULU’ YOHANES 14:10 ပူးပေါင်းရင်းမြစ်များ

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

AYUB 18:15

Lan to’ tendana naniimo apa tang sipatu ussisolanni, sia la diambo’i solo’ tu inan katorroanna.

AYUB 21:20

matanna kalena sipatu la untiroi tu kasangganganna, sia ia kalena sipatu unniru’i tu kare’dekan ara’Na To umpoissan angge maritik.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

PA’PUDIAN 52:6

Muporai ussa’bu’ kada mesanggangi sia muporai tu sadang mo’rang.

PA’PUDIAN 60:3

O Puang Matua, Mitibemokan sia Mipasisarak-sarakmokan, mangkamoKomi sengke; apa popa’misakanni sule!

PA’PUDIAN 73:10

Iamoto anna lu lako kalena tau iato mai tu taunNa Puang, anna satta’i namimmi’ tu uainna tau iato mai.

PA’PUDIAN 75:8

Sangadinna Puang Matuari tu ma’paolai salu, Iamo la umpasosso’ lu rokkoi tu misa’, anna pakendek lu langnganni tu misa’.

PA’PUDIAN 91:8

La mutiro bangri mata ba’rummu, ammu kitai tu pakkanna lako to tang mekaaluk.

YESAYA 29:9

Da’ito naalakomi pali sia simangnga, dai’to natitutu’ tu matammi sia maraun, iatu tau iato mai malango, apa tangia anggoro’ nairu’; re’ba len, apa tangia tuak palango nairu’.

YESAYA 30:33

Belanna masaimo tiparandan tu inan pantunuan lako tau iato mai sia lako duka datunna; maluangan sia mandalan tu Nagaragai dapo’, na kapua tu api sia ma’toppo’-toppo’ tu kayu; iatu penaanNa PUANG lolong susi solo’ la umballai.

YESAYA 34:9

Attu iato mintu’ salu’-salu’na tondok iato membalimo gala-gala tu uainna, sia iatu litakna membalimo solo’, sia iatu padangna membalimo dama’ ma’lulu-lulu.

YESAYA 51:17

Pana’dingko, pana’dingko, millikko e Yerusalem; e iko tu mangka unniru’i tu lan irusan nanii kare’dekanNa PUANG tu Natadoangko, sia mangka umpepurai nairu’ tu apa palango lan irusan.

YEREMIA 25:27

Pokadanni to tau iato mai, kumua: Inde sia tu kadanNa PUANGna mintu’ ma’dandan maritik, Kapenombanna to Israel, nakua: Iru’mi samalangomi, satiluammi, ammi songka tang malimbangun sule, natumang kandean pa’dang Kuparampoangkomi.

YEREMIA 49:12

Belanna nakua kadanNa PUANG: Iatu tau tu tang sipatu la unniru’i tu apa lan irusan, manassa la nairu’ duka; ma’apaoi ammu la lappa’? Inang tae’ mula lappa’, sangadinna la muiru’.

YEREMIA 51:57

Sia la Kupamalango tu mai arungna sia to matarru’na sia to marayanna sia to ma’parentana sia pa’baraninna, naurunganni tarru’ leppeng sae lakona sia tang pandiu len, kadanNa Datu, tu digente’ PUANGna mintu’ ma’dandan maritik.

BATING 4:21

Parannu bangmoko sia sende paimanko, e anak dara Edom, tu torro dio lili’na Us – la ditadoan dukamoko tu irusan, naurunganni malango sia ma’kambelang.

YEHEZKIEL 20:48

Anna mintu’ tolino untiroi, kumua Akumo, tu PUANG, mangka umpadukkui na tang pa’de len.

YEHEZKIEL 38:22

Sia la Kuukung Kuparampoi ra’ba biang sia to’doan rara; la Kupauranni uran kamban, uran batu, api sia solo’ tu tau iato sola mintu’ surodadunna sia iatu bangsa buda nasolan.

HABAKUK 2:16

Mupedia’imo apa mesirisan tu kalemu ussonda kamala’biran, iamoto iru’ dukami iko, ammu kambelangi kalemu. La tibalik lako kalemu tu irusan lu dio mai kananNa PUANG, sia kamasirisan kapua la ungkabu’ kamala’birammu.

MATIUS 20:22

Mebalimi Yesu sia Nakua: Tae’ mitandai tu apa mipalaku. Ma’dinraka la miiru’ tu la Kuiru’na lan mai irusan? Nakuami lako: Ma’din.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 26:39

Malemi sanglengko-lengko, Namalinguntu’ massambayang, Nakua: O Ambe’, ke ma’dinni amMi lendokanni te irusan iate dio mai Kaleku; apa iatu iannato tangia pa’poraiangKu tongan, sangadinna pa’poraiamMi.

MARKUS 8:38

Belanna minda-minda ungkasirisanNa’ sia ungkasirisan kadangKu lako te to ma’gau’ sala sia kasalan, masiri’ duka Anak rampan dilino la unnakui, ke saeI situang kamala’biranNa Ambe’Na naturu’ mintu’ malaeka’ madatu.

MARKUS 9:44

tu inan tang mate ulli’na sia tang pa’de duka apinna.

PENGGAURANNA RASULU’ 10:22

Nakuami tinde tau: Na tu Kornelius, pangulunna kaponan surodadu, iamo misa’ to malambu’ sia ungkataku’ Puang Matua sia napokada melo mintu’ to Yahudi, Napatudumo Puang Matua naparampo malaeka’ madatu untambaikomi lako banuanna la umperangii tu kadammi.

PA’TOLE 29:23

iamotu mintu’ padang la susito solo’, susi sia, na susi padang mampu’, naurungan tae’ nadiambo’i sia tae’ apa-apa tuo diong mai sia tae’ nakembura, susi tonna kasangganganna tondok Sodom na Gomora, Adma na Zeboim, tu Nasanggang PUANG diona kasengkeanNa sia kare’dekan ara’Na –

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

YUDAS 1:7

Susi Sodom na Gomora sia mintu’ tondok nasikandappiran, susi bangsiamo tau iato mai mangka ussorong kalena lako gau’ tang nakande asu anna male sigau’ sala tangia bali lalan biasanna, mendadi misa’ rapangan nakande api tang pa’de-pa’de tonna perasai kamaparrisanna.

KADA OMBO’ LAKO RASULU’ YOHANES 15:7

Misa’i tu a’pa’ a’gan kepenaa iato untadoan pitu gori-gori bulaan lako pitu malaeka’ iato, nanii ponno kasengkeanNa Puang Matua matontongan sae lakona.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

KADA OMBO’ LAKO RASULU’ YOHANES 18:3

Belanna mintu’ bangsa unniru’mo uai anggoro’ kamoraian gau’ salana, sia sigau’ salamo mintu’ datu lan lino sia mintu’ pa’baluk-baluk lan te lino sanapasugi’-sugi’na belanna lendu’ tongan malabona.

KADA OMBO’ LAKO RASULU’ YOHANES 18:6

Papakkanni lako kalena susitu napogau’na sia popanglokkon penduanni na iatu mintu’ penggauranna; na iatu lan irusan mangka napasito’bo’, to’boranni manglokkon penduan.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

KADA OMBO’ LAKO RASULU’ YOHANES 20:14

Nadipembuangan tu kamatean sola lino to mate tama limbong api iato; iamote tu kamatean ma’penduanna: tu limbong api.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.