KADA OMBO’ LAKO RASULU’ YOHANES 13:7 - Sura' Madatu

⁷ Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

KADA OMBO’ LAKO RASULU’ YOHANES 13:7 ပူးပေါင်းရင်းမြစ်များ

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

YESAYA 10:15

Denraka tu uase madongnga’ lako to umpemba’tanni? Denraka tu gare’ge’ matampo lako to ussorongi? Butung to pebamba umpopangayo to untoei; butung to tekken unnangka’i tu tangia kayu.

YESAYA 37:26

Tae’ lenparaka murangi, kumua mintu’na te Kulampakmo tempon dio mai sia randuk dio mai tipamulanna inang Kubori’mo? Totemo Kuparampo randannamo; manassa la musanggang tu mintu’ tambakuku matoto’, anna daun lauan nasang.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

DANIEL 7:21

Kutiromi tu tanduk iato sirari to masero, anna patalo,

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

LUKAS 4:6

Nakuami deata bulituk lako: Iate mintu’ parenta iate sola mintu’ kamala’biranna la kuben nasangKomi, belanna mangkamo disorong lako kaleku, dadi ma’din kuben minda-minda kuporai.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

KADA OMBO’ LAKO RASULU’ YOHANES 10:11

Dikuammo’: La ma’nubua’ko diona ba’tu pira-pira to sangpetayanan sia ba’tu pira-pira bangsa sia ma’rupa-rupa basa sia ba’tu pira-pira datu.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 11:7

Iatonna pasundunmi tu pa’katottonginna sola duai, la narariimi olo’-olo’ masuru tu sun diong mai posi’ tana lambe’, sia nataloi anna patei.

KADA OMBO’ LAKO RASULU’ YOHANES 12:17

Kendekmi kasengkeanna tu naga lako baine iato, namale urrarii tu bati’na baine tu torronapa, iamotu mintu’ to ungkaritutui parentaNa Puang Matua sia untoe manda’i tu Napamanassanni Yesu.

KADA OMBO’ LAKO RASULU’ YOHANES 17:15

Nakuami lako kaleku: Iatu mintu’na uai mutiro dio inan nanii unno’ko’ pa’gau’ sala iato, iamora tu ba’tu pira-pira to sangpetayanan sia to tang dipetayanni sia mintu’ bangsa sia basa.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.