KADA OMBO’ LAKO RASULU’ YOHANES 13:14 - Sura' Madatu

¹⁴ Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 13:14 ပူးပေါင်းရင်းမြစ်များ

2 DATU 20:7

Ma’kadami Yesaya nakua: Alakomi bua ara petamba’. Naalami anna palakoi tu bundang iato, namondo.

2 DATU 22:20

Manassa la Kupasisolako nene’ to dolomu; la dipatama marampa’ko liangmu, sia tae’ nala untiro lenni matammu tu kasanggangan tu la Kuparampo lako inan iate. Naparampomi tau iato mai lako datu te pebali iate.

2 OSSORANNA DATU 18:21

Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang, Nakua: Manassa la munaran sia mubela umpogau’i to; malemoko mupogau’i.

AYUB 12:16

Dio Puang nanii tu kamatotoran sia patiro penaa, Ia umpoissan to dipapusa sia to ma’papusa.

KATASSURAN 7:11

Natambaimi Firaun tu mintu’ to paissan sia mintu’ balik mata, na mintu’ tu to Mesir den issan-issanna umpogau’ dukai susito tete dio basa-basana.

YESAYA 44:20

Minda-minda manggaraga au, napapusa penaa dipakena naurunganni tang nakulle ungkarimmanni katuoanna sia tae’ nakullei ma’kada kumua: Tae’ siaraka apa pa’pakena lan lima kananku?

YEHEZKIEL 14:9

Iake denni misa’ nabi dipetobagai la umpokada kada, Kupetobagai tu nabi iato sia la Kue’te tu limangku la unneai sia la Kuurakki lan mai tangngana taungKu, Israel.

YEHEZKIEL 16:17

Sia muala duka tu belo bulaan sia salaka, tu Kukamaseangko, ammu garaganni kalemu rapang-rapang muane dipodeata, tu musigau’ salan.

YEHEZKIEL 8:10

Tamamo’ angku tiroi, tonganna den lan tu ma’rupa-rupa pattana apa megallian, iamotu olo’-olo’ a’pa’ lette’na, sia mintu’ rapang-rapang dipodeatanna to Israel, butung passura’ dio rinding tembo’ tiku lao.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

2 TESALONIKA 2:4

to pabali-bali sia ussanga madao kalena na iatu mintu’na disanganna kapenomban sia dipenombainna, naurunganni unnesung lan banuanNa Puang Matua sia ungganti kalena kumua iamo deata.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 13:15

Diben duka kuasa la umpatamai penaa tu rapang-rapang dipodeata olo’-olo’ iato, kumua anna ma’kada, sia anna palalo gau’, tu napobannang mintu’ tu to tang umpenombai rapang-rapang dipodeata olo’-olo’ iato, dipatei.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 14:11

sia iatu rambu kadipakario-rioanna kendek langngan tontong sae lakona: tau iato mai tae’ ka’tunna umperasai parri’ allo bongi, iamotu mintu’ to umpenombai olo’-olo’ iato sola rapang-rapang dipodeatanna sia to untarima tanda sanganna.

KADA OMBO’ LAKO RASULU’ YOHANES 14:9

Den siapa tu senga’na poleo undi urrundu’i sola duai iamotu malaeka’ ma’pentallunna, anna metamba nakua: Iake denni misa’ tau umpenombai olo’-olo’ iato sola rapang-rapang dipodeatanna sia untarima tanda dio kidena ba’tu dio limanna,

KADA OMBO’ LAKO RASULU’ YOHANES 15:2

Kutiro polemi takua to tasik sammin sirau api, sia mintu’ tu to untalomo olo’-olo’ iato sia rapang-rapang dipodeatanna sia angka bilangan sanganna, bendan dio randan tasik sammin untoe katapinNa Puang Matua.

KADA OMBO’ LAKO RASULU’ YOHANES 16:13

Kutiro sun lan mai sadang naga sia lan mai sadang olo’-olo’ sia lan mai sadang nabi tang tongan tu tallu penaa bulituk, susi tokko’;

KADA OMBO’ LAKO RASULU’ YOHANES 16:2

Malemi tu malaeka’ bunga’na umbolloanni tama lino tu gori-gorinna; mendadimi saki bundang tang dampi-dampian sia malallang lako mintu’ tu to den tanda olo’-olo’ iato dio kalena sia to umpenombai rapang-rapang dipodeatanna.

KADA OMBO’ LAKO RASULU’ YOHANES 18:23

Sia arrang palita inang tae’mo anna la parrang lan lili’mu, sia gamara muane diparampo sia baine narampoi tae’mo anna la dirangi lan. Belanna mintu’ to ma’baluk-balukmu to kapua lan lino; belanna balik matammu, pusami tu mintu’ bangsa.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.