KADA OMBO’ LAKO RASULU’ YOHANES 13:10 - Sura' Madatu

¹⁰ Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

KADA OMBO’ LAKO RASULU’ YOHANES 13:10 ပူးပေါင်းရင်းမြစ်များ

YESAYA 14:2

Iatu to Israel la nasolan ba’tu pira-pira bangsa, nasolan lako inanna, anna potaui to Israel tu tau iato mai dio padangna PUANG, la napokaunan la muane la baine anna rampai tu to mangka urrampai dolona sia anna posua-suanni tu to mangka ussua-suai.

YESAYA 26:21

Belanna la sun tu PUANG lan mai inanNa la umpapakkanni kakadakeanna mintu’ issinna lino lako tau iato mai; la napasombo lino tu rara tibollona tau iato mai sia nokamo ussamboi tu mai batang rabukna tu mai to mate dipongko.

YESAYA 33:1

Upu’ allomu, e pa’kasanggang, tu tang disanggang; e to tang maruru’ tu tang diballean len; iake upu’moko ma’kasanggang, iko kalenamo la disanggang; iake upu’moko umpogau’ tang maruru’, iko kalenamo la diballean.

YEREMIA 15:2

Sia iake mekutanai tu tau iato mai lako kalemu kumua: Umba la kiola? la mukua lako: Inde sia tu kadanna PUANG, Nakua: Minda tu dipamanassa la mate, la mate, minda tu dipamanassa nakande pa’dang, la nakande pa’dang, minda tu dipamanassa la karorian, la karorian sia minda tu dipamanassa la dipali’, iamo la dipali’.

YEREMIA 43:11

La sae anna taloi tu tondok Mesir; minda-minda tu dilampak mate, la mate, minda-minda tu dilampak dipali’, la dipali’, minda-minda tu dilampak nakande pa’dang, la nakande pa’dang.

BATING 3:26

Melo ke rapa’ penaai tu tau umpeagi kamakarimmananNa PUANG;

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

MATIUS 26:52

Nakuami Yesu ungkuanni: Banuai sule tu la’bo’mu; belanna mintu’na tu to umpopaningoan la’bo’, la mate nakande la’bo’.

MATIUS 7:2

Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

LUKAS 21:19

ke umpatontong bangkomi penaammi, ungkarimmanni katuoammi.

KOLOSE 1:11

Anna mintu’ kamatotoran dipamatotorangkomi situru’ tu kuasa kamala’biranNa lako kabattaran penaa sia pesuka’ kalando situang kaparannuan,

IBRANI 6:12

dikua da ammi matukkun, sangadinna la unturu’komi sangka’na tu mai to umpomana’ mintu’ tu Naallu’na Puang Matua belanna kapatongananna sia kama’tanan penaanna.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.

KADA OMBO’ LAKO RASULU’ YOHANES 14:12

Lan mintu’na te sipatu mintu’ to masallo’ umpa’pekitanan kabattaran, iamotu to ungkaritutui mintu’ parentaNa Puang Matua, sia kapatonganan lako Yesu.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

KADA OMBO’ LAKO RASULU’ YOHANES 17:11

Iatu olo’-olo’ tu den dolona, na totemo pa’demo, iamo ma’pengkaruanna, sia sangbilangan sola tu pitunna, sia mentama duka kasanggangan.

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.

KADA OMBO’ LAKO RASULU’ YOHANES 2:19

Kuissan tu mintu’ penggaurammu, sia pa’kaboro’mu, sia kapatonganammu sia pa’kamayamu sia kabattarammu sia mintu’ penggauran ma’katampakammu mandu losong na iatu pamulanna.

KADA OMBO’ LAKO RASULU’ YOHANES 2:2

Kuissan tu mintu’ penggaurammu sia kamara’tasammu sia kabattarammu, sia kutandai kumua tae’ mutananni tu mintu’ to kadake, apa mangkamo musudi tu mintu’ to ussanga kalena rasulu’, apa tangngia, sia muappa’ to mo’rang tu tau iato mai;

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.

KADA OMBO’ LAKO RASULU’ YOHANES 3:3

Iamoto, kilalai umba nakua tu mangkanna mutarima sia murangi; karitutui to sia mengkatoba’ko. Iake tae’i mumarea, la saeNa’ butung to boko, sia tae’ mukapangi tu attungKu sae ullaoiko.