KADA OMBO’ LAKO RASULU’ YOHANES 12:9 - Sura' Madatu

⁹ Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

KADA OMBO’ LAKO RASULU’ YOHANES 12:9 ပူးပေါင်းရင်းမြစ်များ

KADADIAN 3:1

Iatu ula’ mandu matangngaran na iatu mintu’na olo’-olo’ lan lino, tu mangka Napadadi PUANG Kapenomban. Nakuami tu ula’ lako baine iato: Umbai susite tu kadanNa Puang Matua: Da mikandei buanna tu mintu’ kayu lan te pa’lak!

KADADIAN 3:13

Ma’kadami PUANG Kapenomban lako tu baine: Apara te mangka mupogau’? Mebali tu baine: Napakenana’ ula’ angku kandei.

1 OSSORANNA DATU 21:1

Ke’de’mi tu deata bulituk la umpandasa to Israel, iamoto naa’panmi tu Daud, kumua naia’i tu to Israel.

2 OSSORANNA DATU 18:21

Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang, Nakua: Manassa la munaran sia mubela umpogau’i to; malemoko mupogau’i.

PA’PUDIAN 109:6

Patulangdanni tu misa’ to tang mekaaluk la umbisarai, sia da’ito anna ke’de’ dio kananna tu misa’ to ma’parapa’.

YESAYA 14:12

Lendu’ iatu karonnosammu dao mai langi’, e sulo bai, e anak dannari lambe’! Dilellengmoko tibambang tama lino, e iko to umpatunduk mintu’ bangsa.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

YESAYA 65:25

Iatu guruk na domba sibaa ungkande riu, sia iatu singa la ungkande dalame susi sapi, sia iatu barra’-barra’ la napotuo ula’; tae’ nala umpogau’ kadake sia tae’ nala umpabu’tui tu mesangganginna dao lili’na buntu maindanKu, kadanNa PUANG.

YEHEZKIEL 28:16

Belanna kabudanna balukammu, anna kabu’ko pa’pakario-rio sia tobangko rokko kasalan. Iamoto Kusualeko dao mai buntunna deata, sia Kupatoyangko, e karubion parerung lan mai to’ batu dukku-dukku.

MATIUS 13:39

Na iatu uali unnambo’ pare-pare, iamotu deata bulituk; na iatu kapeparean, iamotu allo katampakanna te lino; na iatu to mepare, iamotu mintu’ malaeka’.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 4:1

Pakalan Nabaami Penaa tu Yesu lako padang pangallaran, anna rosoI deata bulituk.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

MATIUS 4:5

Mangkato nasolammi deata bulituk tu Yesu lako tondok maindan, anna pabendanNi dao bubungan Banua Kabusungan,

MATIUS 4:8

Nasolan pole’omi deata bulituk tu Yesu langngan buntu malangka’ tongan, napakitanNi tu mintu’ parenta lan te lino sola mintu’ kamala’biranna;

LUKAS 10:18

Nakuami Yesu lako: Kutiro tu deata bulituk tobang dao mai langi’, takua tokila’.

LUKAS 13:16

Na iate baine iate anakna Abraham, nasangkin bang deata bulituk, aa sangpulo karuamo taunna, tang sipaturaka dirampanan dio mai sangkinna te allo katorroan iate?

LUKAS 22:3

Iatonna iato natamaimi deata bulituk tu Yudas, tu diganti Iskariot, siposangpulo duanna tu anak gurunNa Yesu.

LUKAS 22:31

Nakuami Puang: E Simon, Simon, lendu’ nakabarinna deata bulituk la unta’piikomi susi barra’,

LUKAS 8:12

Na iatu diona biring lalan, iamoto umperangii, apa undinna saemi deata bulituk unnalai lan mai penaanna tu kada, kumua, natang umpatonganni sia tae’ nakabu’tui kasalamaran.

YOHANES 12:31

Totemo rampomo tu kapangra’tasan lako te lino; totemo la dialai lako salian tu pangulunna lino.

YOHANES 14:30

Tae’mo nabuda Kuuleleanangkomi, belanna saemo pangulunna lino, natae’ bang dio Kaleku tu la naapanNa’.

YOHANES 16:11

diona ukungan, belanna ra’ta’mo la diukung tu pangulunna te lino.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

PENGGAURANNA RASULU’ 5:3

Apa nakua Petrus: E Ananias, ma’apai naponnoi deata bulituk tu penaammu la ungkamorang-morangi Penaa Masallo’, ammu patorro senga’i sangsese tu alli padang?

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

2 KORINTUS 11:14

Iatu iannato tangngia memangngai, belanna deata bulituk duka unna’ga kalena susito malaeka’ marorrong.

2 KORINTUS 11:3

Apa mataku’na’ susi manii ula’ umpakena Hawa napalaoi tangnga’na, susi duka manii to dipatangma’rundunan penaammi sia dipasepang dio mai kamalamburan sia kamaseroan ma’palulako Kristus.

2 KORINTUS 12:7

Sia diona untimbangi tu kamakalaen-laenna tongan mintu’ pa’paombo’. Iamoto dikua da angku pamadaoan kaleku, angku mangka diben duri untossok-tossokki tu kaleku, iamo misa’ pesuanna deata bulituk, tu untumbuina’ pebusuk da angku pamadaoan kaleku.

2 KORINTUS 2:11

kumua da’ nasau’ tangnga’ki’ deata bulituk, apa tang taissanpiraka tu lalan penaanna.

2 KORINTUS 4:4

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

EFESUS 4:14

kumua damo anta mapia-pia tikalulun-lulun susi bombang sia nairi’ lu lako lu dio mai ma’rupa-rupa angin pangadaran, diona pakenanna tau sia pakira-kiranna, tu mebanna lako tangnga’ mepapusa,

2 TESALONIKA 2:3

Da naden misa’ tau umpapusakomi moi umba nakua, belanna tae’pa nala dadi, ke tae’pi nasorong boko’ dolo tu to buda dio mai kapatonganan, anna dipasombo tu to umparri-parri kasalan, iamo anak ranaka,

1 TIMOTIUS 2:14

Na tangia Adam tu ditua’ ba’tang, sangadinna baineri tu ditua’ ba’tang tarru’, naurunganni untengkai parenta.

2 TIMOTIUS 3:13

Apa iatu to kadake sia to patangnga’ la samasarrang-sarrangna kakadakeanna ma’papusa sia ia kalena duka pusa.

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

1 YOHANES 5:19

Taissan kumua lu dioki’ mai Puang Matua, apa mintu’ lino te naluang kuasanna deata bulituk.

YUDAS 1:9

Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

KADA OMBO’ LAKO RASULU’ YOHANES 12:12

Iamoto, parannu-rannukomi, e lili’na suruga, sia mintu’komi tu lanna. Mandasa dikka’ tu lino sia tasik, belanna mengkalaomo mati’ tu deata bulituk situang sengke budanna, apa naissan kumua madenge’mo attunna.

KADA OMBO’ LAKO RASULU’ YOHANES 12:3

Kaanan pole’omi misa’ tanda senga’ dao langi’, iamotu misa’ naga kapua dukku mararang, pitu ulunna sia sangpulo tandukna, sia pitu makota dao ulunna;

KADA OMBO’ LAKO RASULU’ YOHANES 12:7

Bu’tumi kasirarian dao suruga, iamotu Mikhael sola mintu’ malaeka’na urrarii naga; na iatu naga sola mintu’ baananna parari dukami;

KADA OMBO’ LAKO RASULU’ YOHANES 12:8

apa iatu naga sola baananna tae’ napatalo, sia tae’mo inanna lan suruga.

KADA OMBO’ LAKO RASULU’ YOHANES 13:14

Napapusai tu mintu’ to torro lan te lino tete dio ma’rupa-rupa tanda kalle-kallean tu dibenni la napogau’ dio tingayona olo’-olo’ iato. Nasuami tu mintu’ to torro lan te lino unggaraganni rapang-rapang dipodeata tu olo’-olo’ mangka nabangkei pa’dang, apa tuo sia.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.

KADA OMBO’ LAKO RASULU’ YOHANES 18:2

Melallakmi umpekapuai gamaranna nakua: Ro’pokmo, ro’pokmo tu tondok Babel kapua sia naniimo tonang mintu’ deata bulituk, sia nanii pentirerunganna mintu’ deata masussuk, sia pa’kurunganna manuk-manuk maruttak sia dikagi’gi’na.

KADA OMBO’ LAKO RASULU’ YOHANES 18:23

Sia arrang palita inang tae’mo anna la parrang lan lili’mu, sia gamara muane diparampo sia baine narampoi tae’mo anna la dirangi lan. Belanna mintu’ to ma’baluk-balukmu to kapua lan lino; belanna balik matammu, pusami tu mintu’ bangsa.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

KADA OMBO’ LAKO RASULU’ YOHANES 2:24

Apa lako kamu mintu’ to senga’ dio Tiatira samami tu tang unturu’ pangadaran iato, sia tae’ naissanni tu kamandalananna deata bulituk, susi kadanna tau iato mai, – Kukua, kumua: tae’ Kupapassannikomi panglemba senga’.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

KADA OMBO’ LAKO RASULU’ YOHANES 20:8

nasun la umpapusa mintu’ bangsa lan a’pa’ sulapa’na lino, tu Gog sia Magog, kumua anna rampunni tu tau iato mai la parari, na iatu budanna susi karangan diong biring tasik.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

KADA OMBO’ LAKO RASULU’ YOHANES 9:1

Iatu malaeka’ ma’pellimanna umpannoni tarompe’ puana, angku tiroi misa’ bintoen mangka ronno’ dao mai langi’ tama lino; dibenmi gonting garonggong posi’ tana lambe’.

KADA OMBO’ LAKO RASULU’ YOHANES 9:20

Sia mintu’ tolino senga’ tu tae’ napatei te mintu’ kasanggangan iate, tae’ duka namengkatoba’ dio mai penggauranna, kumua da natontong umpenombai mintu’ deata masussu’ sia umpa’deatai bulaan, salaka, tambaga, batu, ba’tu kayu, tu tae’ napakita ba’tu parangi ba’tu lumingka.