KADA OMBO’ LAKO RASULU’ YOHANES 12:7 - Sura' Madatu

⁷ Bu’tumi kasirarian dao suruga, iamotu Mikhael sola mintu’ malaeka’na urrarii naga; na iatu naga sola mintu’ baananna parari dukami;

KADA OMBO’ LAKO RASULU’ YOHANES 12:7 ပူးပေါင်းရင်းမြစ်များ

PA’PUDIAN 78:49

Naparampoi kamare’dekanNa tu tau iato mai sia kasengkean sia kamagallian sia kamandasan, iamotu misa’ porimpunganna malaeka’ umbaa kasanggangan.

YESAYA 34:5

Belanna malangomo tu la’bo’Ku lan suruga; tiromi la songlo’mo rokko Edom sia la unnukung misa’ bangsa tu Kupamanassamo la disabu’i butung pepayu.

YESAYA 55:4

Kupatunannangmo la ma’katottongi lako mintu’ bangsa sia la napodatu sia la napekapuangi mintu’ bangsa.

DANIEL 10:13

Apa naeana’ tu arungna kadatuan Persia duangpulo mmisa allona; apa tonganna iatu Mikhael, misa’i arung tarompo’ sae lako kaleku, untunduina’, kuurunganni pasau’ dio lu mintu’ datu to Persia.

DANIEL 10:21

apa moi susito, la kupokadangko tu apa disura’ lan Sura’ Kamanapparan. Tae’ misa’ tau batta’ untunduina’ unneai tu tau iato mai, sangadinna Mikhael, arungmi.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 16:27

Belanna iatu Anak rampan dilino la sae nakabu’ kamala’biranNa Ambe’Na naturu’ mintu’ malaeka’Na; attu iato pantan la Napapakkanni lako tau sitinaya penggauranna.

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 26:53

Musangaraka, tae’ Kuma’din umpa- lakui langngan Ambe’Ku, anNa pa’ka- maseanni lako Kaleku losong anna sangpulo dua sa’bu malaeka’, moi na totemo bangsiamote?

2 KORINTUS 12:7

Sia diona untimbangi tu kamakalaen-laenna tongan mintu’ pa’paombo’. Iamoto dikua da angku pamadaoan kaleku, angku mangka diben duri untossok-tossokki tu kaleku, iamo misa’ pesuanna deata bulituk, tu untumbuina’ pebusuk da angku pamadaoan kaleku.

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

IBRANI 2:10

Belanna Puang Matua, tu bannang Dio sia tete Dio duka napodenNi angge maritik, anNa solan ba’tu sangapa budanna anak lako kamala’biran, pato’ umpasundun Panglalan kasalamaranna tau iato, tete dio buda kamaparrisan.

2 PETRUS 2:4

Belanna iake tae’i anNa dampangi Puang Matua tu malaeka’ tonna pogau’ kasalan, sangadinna Napembuangan tama naraka sia Napatama lo’ko’ kamalillinan sia Napattang sae lako diukungna,

YUDAS 1:9

Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

KADA OMBO’ LAKO RASULU’ YOHANES 12:8

apa iatu naga sola baananna tae’ napatalo, sia tae’mo inanna lan suruga.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

KADA OMBO’ LAKO RASULU’ YOHANES 13:7

Sia dieloran sirari mintu’ to masallo’ sia la untaloi, sia diben kuasa ungkuasai mintu’ suku sia to sangpetayanan sia basa sia bangsa.

KADA OMBO’ LAKO RASULU’ YOHANES 20:2

natoei tu naga, ula’ tua, iamotu deata bulituk sia deata patua’ ba’tang sia narante bassi sangsa’bu taunna,