KADA OMBO’ LAKO RASULU’ YOHANES 12:4 - Sura' Madatu

⁴ iatu ikko’na urriu’ sangtaa tallunna mintu’ bintoen dao langi’, anna pentibeanni tama lino. Bendanmi tu naga iato dio tingayona tu baine marassan mangurria’, kumua ianna kianakmo la naamma’ tu Anakna.

KADA OMBO’ LAKO RASULU’ YOHANES 12:4 ပူးပေါင်းရင်းမြစ်များ

KATASSURAN 1:16

Iammi pakianak baine to Ibrani, tiro meloi ke kianakmi: iake pia muane tu anakna la mipatei, apa iake pia baine, da’ito natuo.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 12:7

Bu’tumi kasirarian dao suruga, iamotu Mikhael sola mintu’ malaeka’na urrarii naga; na iatu naga sola mintu’ baananna parari dukami;

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

KADA OMBO’ LAKO RASULU’ YOHANES 13:2

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.

KADA OMBO’ LAKO RASULU’ YOHANES 13:4

Anna penombai tu naga iato, belanna mangka naben kuasa to olo’-olo’ iato; napenombai dukami tu olo’-olo’ iato anna ma’kada: Mindara umpadanni te olo’-olo’ iate sia mindara ma’din unneai?

KADA OMBO’ LAKO RASULU’ YOHANES 16:13

Kutiro sun lan mai sadang naga sia lan mai sadang olo’-olo’ sia lan mai sadang nabi tang tongan tu tallu penaa bulituk, susi tokko’;

KADA OMBO’ LAKO RASULU’ YOHANES 17:18

Iatu baine mutiro iamo tondok kapua, tu umparenta mintu’ datu lan lino.

KADA OMBO’ LAKO RASULU’ YOHANES 20:2

natoei tu naga, ula’ tua, iamotu deata bulituk sia deata patua’ ba’tang sia narante bassi sangsa’bu taunna,

KADA OMBO’ LAKO RASULU’ YOHANES 8:10

Iatu malaeka’ ma’pentallunna umpannoni tarompe’ puana, naronno’ dao mai langi’ misa’ bintoen kapua, dukku susi bia’, iatu bintoen iato, nai’pinni tu sangtaa tallunna mintu’ salu sia mintu kalimbuang.

KADA OMBO’ LAKO RASULU’ YOHANES 8:11

Iatu bintoen iato disanga Apsintus, nasangtaa tallunna mintu’ uai mendadi apsantin; budami tau mate napobua’ uai iato, belanna mapai’mo.

KADA OMBO’ LAKO RASULU’ YOHANES 8:12

Iatu malaeka’ ma’penna’pa’na umpannoni tarompe’ puana, anna sanggangi tu sangtaa tallunna mata allo sia sangtaa tallunna bulan sia sangtaa tallunna mintu’ bintoen, kumua anna malillin tu sangtaa tallunna sia da namarorrong sangtaa tallunna masiang, sia bongi susi dukato.

KADA OMBO’ LAKO RASULU’ YOHANES 8:7

Iatu malaeka’ bunga’na umpannoni tarompe’ puana, nasae uran batu sia api, sirau rara; mintu’nato dibolloan tama lino. Mampu’mi sangtaa tallunna tu lino sia mampu’ sangtaa tallunna mintu’ garonto’ kayu sia mampu’ tu mintu riu maluna.

KADA OMBO’ LAKO RASULU’ YOHANES 8:8

Iatu malaeka’ ma’penduanna umpannoni tarompe’ puana, butung to misa’ buntu kapua nakande api dipembuangan tama tasik; iatu tasik sangtaa tallunna mendadi rara;

KADA OMBO’ LAKO RASULU’ YOHANES 8:9

Sia matemi sangtaa tallunna tu mintu’ apa kepenaa lan tasik; sia tallan sangtaa tallunna tu mintu’ kappala’.

KADA OMBO’ LAKO RASULU’ YOHANES 9:10

Sia keikko’ susi te’tek-buku, nalan ikko’na den kuasanna la umpakario-rio tau limang bulan.

KADA OMBO’ LAKO RASULU’ YOHANES 9:19

Belanna iatu kamatotoranna mintu’ darang iato lan sadangna sia dio ikko’na: belanna iatu ikko’na butung ula’ keulu, napasanggangan.