KADA OMBO’ LAKO RASULU’ YOHANES 11:8 - Sura' Madatu

⁸ Iatu batang rabukna sisumpandanan dio lalan tondok kapua, tu lan rapangan disanga Sodom na Mesir, tu Nanii duka Puangna dia’ta’.

KADA OMBO’ LAKO RASULU’ YOHANES 11:8 ပူးပေါင်းရင်းမြစ်များ

KADADIAN 13:13

Iatu mintu’ pa’tondokan lan Sodom kadakemo gau’na’ sia ma’liu alukmo dio oloNa PUANG.

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

YESAYA 3:9

Diona kaumpelindoanna tau titanan sa’bi umpasalai, tang masiri’mo umpokada nasangi tu salana susito Sodom. Upu’ allona tu tau iato mai, belanna untumang kalena.

YEREMIA 23:14

Apa dio lu mintu’ nabi Yerusalem Kutiro tu apa megi’giran, iamotu pasandak salu lako rampanan kapa’ sia ma’kada tang tongan; sia napamatoto’ limanna tu mintu’ to umpogau’ kadake naurungan moi misa’ tae’ namengkatoba’ dio mai kakadakeanna. Mintu’ tau iato mai susi Sodom lako Kaleku sia mintu’ pa’tondokanna sangtinti Gomora.

YEREMIA 26:23

Nasolammi sule tu Uria dio mai Mesir anna popennoloi lako datu Yoyakim, anna patei pa’dang na iatu batang rabukna nasua umbaai tama panglamunanna to buda.

YEHEZKIEL 16:46

Iatu sangbaine kapuamu iamotu Samaria, tu sola anakna baine torro dio rampe rekkena muninna; na iatu sangbaine bitti’mu, tu torro dio rampe sau’na muninna, iamotu Sodom sola tu mai anakna baine.

YEHEZKIEL 16:49

Inde sia tu kakadakeanna Sodom, sangbainemu, iamotu tuo sola anakna baine situang kamatampoan, kasebaran sia kamanamanan, anna masalio bang, apa tae’ anna tundui lenni tu mai to mandasa sia to mase-mase.

YEHEZKIEL 23:19

Apa sanarangngan-rangnganninnaora tu gau’ salana ungkilalai tonna mangurapa, tonna ma’gau sala dio Mesir.

YEHEZKIEL 23:27

Attu iato la Kuputtai tu pa’gau’ salamu sia passulo-bongimmu, tu mutuang dio mai tondok Mesir, muurunganni tang mentiromo lako sia tang ungkilalaimo Mesir.

YEHEZKIEL 23:3

Tau iato mai ma’gau’ sala dio Mesir; iatonna mangurapa ma’gau’ sala; dio dinii ungkaka’i tu susunna sia ussapu-sapui tu susunna, tonna anak darapa.

YEHEZKIEL 23:8

Sia tae’ natore tu pa’gau salana, tonna dio lu Mesir, belanna iatu tau iato mai nasangamparan, tonna mangura, sia ussapu-sapui tu susunna tonna anak darapa sia umpaliu gau’ salana lako tau iato mai.

YEHEZKIEL 37:11

Ma’kadaMi lako kaleku, Nakua: E ma’rupa tau, iate mintu’ buku iate, iamo mintu’ to Israel. Tonganna ma’kada tu tau iato mai nakua: Iatu mai bukungki marangkemo sia ka’tumo tu rannungki, upu’mo alloki.

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.

MATIUS 10:15

Tonganna Kukua mati’ kumua, iake allo kadiparessan la maringngan ia tu parri’na tondok Sodom na Gomora anna parri’na kota iato.

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

IBRANI 13:12

Susi duka Yesu to, kumua anna raraNa Kalena Napamaseroanni tu tau buda, anNa perasaimi tu kamaparrisan dio salian babangan.

IBRANI 6:6

anna sorong boko’, umbapa la dikua umba’rui sule tu pengkatobaranna tau iato, belanna naa’ta’ poleomo tu AnakNa Puang Matua tu la nanii bu’tu kasangganganna, sia napadio lindo bang.

2 PETRUS 2:6

sia iake Napopennaumi tu tondok Sodom na Gomora sia Naukung naurungan mangsan, Nanii umpadenanni sangka’ tu mintu’ to umpalolang tang mekaaluk kalena,

YUDAS 1:7

Susi Sodom na Gomora sia mintu’ tondok nasikandappiran, susi bangsiamo tau iato mai mangka ussorong kalena lako gau’ tang nakande asu anna male sigau’ sala tangia bali lalan biasanna, mendadi misa’ rapangan nakande api tang pa’de-pa’de tonna perasai kamaparrisanna.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

KADA OMBO’ LAKO RASULU’ YOHANES 11:9

Ba’tu pira-pira tau dio mai mintu’ bangsa sia suku sia basa sia to sangpetayanan untiroi tu batang rabuk iato tallung allo sangpolo, sia tae’ naeloranni tau iato mai tu batang rabukna dilamun.

KADA OMBO’ LAKO RASULU’ YOHANES 14:20

na bua anggoro’ lan panglulluran iato nalullu’ tau dio salian tondok; nalolong tu rara lan mai panglulluran iato angge passangaran darang, pada mambelanna sangsa’bu annanratu’ setadi.

KADA OMBO’ LAKO RASULU’ YOHANES 14:8

Denno tu senga’na pole, undi urrundu’i, iamotu malaeka’ ma’penduanna anna ma’kada nakua: Mangsanmo, mangsanmo tu Babel, tondok kapua, belanna mangka napairu’ uai anggoro’ kamoraian gau’ salana tu mintu’ bangsa.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

KADA OMBO’ LAKO RASULU’ YOHANES 17:1

Saemi misa’ tu malaeka’ pitu tu umbaa pitu gori-gori iato, umpa’kadaina’ nakua: Maiko la kupakitangko ukungan lako pa’gau’ sala masarrang tu unno’ko’ dio to’ uai buda;

KADA OMBO’ LAKO RASULU’ YOHANES 17:18

Iatu baine mutiro iamo tondok kapua, tu umparenta mintu’ datu lan lino.

KADA OMBO’ LAKO RASULU’ YOHANES 17:5

sia dio kidena den sanga misa’ disura’, iamo rasia: Tu Babel kapua, indo’na gau’ sala sia sanda kadake lan lino.

KADA OMBO’ LAKO RASULU’ YOHANES 18:10

anna bendan mambela belanna ungkataku’ kadipakario-rioanna sia ma’kada nakua: A’a, a’a tondok Babel kapua, sia tondok matoto’! sangte’te’ri anna saemo tu ukungan urrampoiko.

KADA OMBO’ LAKO RASULU’ YOHANES 18:18

Pakalan melallakmi tonna tiroi tu rambu api ungkandei, nama’kada nakua: Tondok umbara tu pada te tondok kapua iate?

KADA OMBO’ LAKO RASULU’ YOHANES 18:2

Melallakmi umpekapuai gamaranna nakua: Ro’pokmo, ro’pokmo tu tondok Babel kapua sia naniimo tonang mintu’ deata bulituk, sia nanii pentirerunganna mintu’ deata masussuk, sia pa’kurunganna manuk-manuk maruttak sia dikagi’gi’na.

KADA OMBO’ LAKO RASULU’ YOHANES 18:21

Naangka’mi misa’ malaeka’ mawatang tu misa’ batu susi rupanna batu pangrissoan, napempa’nakanni tama tasik nama’kada nakua: Tete dio pepa’nak susite, na iatu Babel, tondok kapua la tipempa’nak, sia inang tae’mo anna dikita len.

KADA OMBO’ LAKO RASULU’ YOHANES 18:24

Nalan lili’na diappa’ tu rarana mintu’ nabi sia to masallo’ sia rarana mintu’ to dipatei lan te lino.