KADA OMBO’ LAKO RASULU’ YOHANES 11:3 - Sura' Madatu

³ La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.

KADA OMBO’ LAKO RASULU’ YOHANES 11:3 ပူးပေါင်းရင်းမြစ်များ

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

2 SAMUEL 3:31

Ma’kadami Daud lako Yoab sia lako mintu’ to nasikandappiran, nakua: Serekki tu pakeammi sia ma’pakean karoro’komi sia lumingkakomi dolo umbatingi batang rabukna Abner. Sia datu Daud kalena duka undi unturu’i tu bulleanna.

1 DATU 21:27

Iatonna rangimi Ahab tu mintu’ kada iate, nase’bu-se’bumi tu tamangkalena, anna potamangkale karoro’, sia ma’puasa; ondongpi umbambangan kalena mennammu’ karoro’ sia napela’-pela’ lumingka.

2 DATU 19:1

Iatonna rangimi datu Hizkia tu iannato, naserek-serekmi tu tamangkalena, anna ma’pakean karoro’, male tama banuanNa PUANG.

1 OSSORANNA DATU 21:16

Mentingarami tu Daud natiroi tu malaeka’Na PUANG bendan dio kasiallaranna langi’ na tana, sitangke pa’dang tinonok, umpopange’te’ limanna lako Yerusalem; attu iato tukkumi menomba rokko padang tu Daud sola tu mai pekaamberan umpennammu’ karoro’.

NEHEMIA 9:1

Iatonna allo ma’penduangpulona nna’pa’ bulan iato saemi sirampun tu mintu’ to Israel nama’puasa sia ma’pote dibolong sia nanii barra’-barra’ tu ulunna.

AYUB 16:15

Misa’ karoro’ diposanda bolong kudasiran kuli’ku, sia tandukku kupentanaran rokko to’ barra’-barra’;

PA’PUDIAN 69:11

Iatongku parra uai matangku, angku popengkadiongan kaleku ma’puasa, ia duka nabe’seanna’ to.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

YEREMIA 1:10

Allo iate Kuangka’ko umpoissan ba’tu pira-pira bangsa sia ba’tu pira-pira kadatuan, la ma’du’dukki sia la mangrondonni sia massanggangi sia ma’pisanni sia la ma’bangun sia la mantanan.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

YEHEZKIEL 4:6

Iake musundunnimi tu iannato, la umbambangan pole’ko kalemu, iamotu dio la’pek kananmu; ammu patoppo’i dao la’pekmu tu kakadakeanna to Yehuda: patangpulo allona; ke sangtaunoi, Kupatanggungiko sangallo.

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 8:14

Ma’kadami lako kaleku nakua: Sae lako penduang sa’bu ntallu ratu’ makaroen sia melambi’, namane dipemeloi sia dipasirundunan sule.

YOËL 1:13

Ma’tambeke’komi sia unnurrukkomi, e kamu mintu’ to minaa; sumarrokomi e mintu’ to untoe pentoean dio inan pemalaran; maikomi ammi ma’bongi ma’pote dibolong, e kamu to untoe pentoeanna Kapenombangku, belanna iatu kande dipemalaran sia pemala’ pantedok dipatoyang dio mai banuanNa Kapenombammi.

YUNUS 3:5

Napatonganmi to Niniwe tu Puang Matua, anna sangra’banan metamba, kumua anna ma’puasa tu tau, pantan ma’pakean karung randuk dio mai kapuanna sae lako bitti’na.

YUNUS 3:8

Sangadinna iatu mai tau sola patuoan la ma’pakean karung sia la napemandui metamba-tamba lako Puang Matua sia la pantan mengkatoba’ dio mai lalan kadakena sia kamasa’garan tu dio limanna.

KADIBILANGAN 11:26

Apa da’dua tau torro dio to’ tenda, misa’ disanga Eldad na misa’ disanga Medad. IatonNa ta’paimi Penaa – belanna naala bilangan dio mai to disura’ sanganna, apa tae’ namale lako Tenda Kasitammuan – ma’nubua’mi dio to’ tenda.

MATIUS 11:21

Upu’ allomu, E Khorazim! Sumpu sumandakmu, e Betsaida! Belanna iakenna susinna nalan Tirus na Sidon nanni dadi tu mintu’na tanda mangnga mangka dadi lan lili’mi, tae’ natang masaimo ia namangka mengkatoba’ naumpembungku’ karoro’ sia au.

MATIUS 18:16

Apa iake tae’i natarimai, solan pole’ko tau misa’ ba’tu da’dua dikua anna pudukna tinde to sa’bi’ da’dua ba’tu tallu umpamanassai tu mintu’ kada.

LUKAS 10:13

Upu’ allomu, e Khorazim, sumpu sumandakmu, e Betsaida, belanna iakenna susinna nalan Tirus na Sidon dinii umpadenni tu tanda mangnga, mangka dipadenangkomi, manassa masaimo namangka mengkatoba’ sia unno’ko’ umpembungku’ karoro’ sia au.

LUKAS 24:48

Na iate mintu’na te kamumo la sa’binna.

YOHANES 15:27

Sia kamu duka la dadi sa’bingKu, belanna misisolamMo’ tempon dio mai mulanna.

YOHANES 3:27

Mebalimi Yohanes nakua: Moi misa’ tau tae’ nama’din unnala misa’ apa, ke tae’i nadikamaseanni dao mai suruga.

PENGGAURANNA RASULU’ 1:8

Apa la untarimakomi kamatotoran to ke saeI unta’paikomi tu Penaa Masallo’, na kamu ungkatottongiNa’, la dio Yerusalem, la dio mintu’ tana Yudea ba’tu dio Samaria sae lako randanna langi’.

PENGGAURANNA RASULU’ 13:31

Umpa’pekitanammi Kalena ba’tu pira-pira allona lako to lu dio mai Galilea nasolan male langngan Yerusalem na (totemo) iamotu tau iato ungkatottongi lako te to buda.

PENGGAURANNA RASULU’ 2:32

Iamora te Yesu tu Napamalimbangun Puang Matua, na iatu iannato kamimo te sola nasang tu ungkatottongi.

PENGGAURANNA RASULU’ 3:15

Ammi patei tu Panglalan lako katuoan, apa Napamalimbangunmo Puang Matua dio mai to’ to mate, iamotu iannato tu kikatottongi.

1 KORINTUS 12:28

Napamanassamo Puang Matua ba’tu pira-pira tu tau lan kombongan, bunga’na rasulu’, ma’penduanna nabi, ma’pentallunna guru, namane penggauran kalle-kallean, namane pole’ pa’kamase ma’pamaleke, pentoean pa’tunduan, pentoean ma’parenta, ma’rupa-rupa pa’kamase diona basa.

2 KORINTUS 13:1

Iamote tu ma’pentallunna kasaeangku lako kalemi. Sipatu tu mintu’na apa la napakatua kada sun dio pudukna da’dua ba’tu tallu to sa’bi.

EFESUS 4:11

Ia dukamo mangka unnalai rasulu’ tu mai tau pira, nabi pira, to umpalolang Kareba-kaparannuan pira, pangkambi’ pira sia guru,

PA’TOLE 17:6

Dio kasa’bianna da’dua ba’tu tallu tau manassa la dipatei tu to sipatu dipongko, apa dio kasa’bianna misa’ tau tae’ na la dipatei tu tau iato.

PA’TOLE 19:15

Iake misa’ri to sa’bi, tae’ nama’din bendan umpasala misa’ tau diona sala umbanna kakadakean ba’tu kasalan, tu disanga napogau’; tete dio kasa’bianna da’dua ba’tu tallu tau la manassamo to tu misa’ kara-kara.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

KADA OMBO’ LAKO RASULU’ YOHANES 11:2

Sia paboko’i tu luba’ba dio salianna banuanNa Puang Matua, da musuka’i, belanna dibenmo to kapere’ sia iatu tondok maindan la dilessa’-lessa’ patangpulo ndua bulanna.

KADA OMBO’ LAKO RASULU’ YOHANES 11:6

Kuasa ia sola duai la untampun langi’, kumua da nasae uran, ke tontongpi sola duai ma’nubua’, sia kuasa sola duai umpopendadi rara uai, sia umparampoi ma’rupa-rupa kasanggangan tu lino pempiran-piran, tu naporainna.

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

KADA OMBO’ LAKO RASULU’ YOHANES 13:5

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.