KADA OMBO’ LAKO RASULU’ YOHANES 11:1 - Sura' Madatu

¹ Nabenmo’ bulo sanglolo susito tekken, anna ma’kada, nakua: Bendanko ammu suka’i tu banuanNa Puang Matua sia inan pemalaran sia mintu’ tu to menomba lan.

KADA OMBO’ LAKO RASULU’ YOHANES 11:1 ပူးပေါင်းရင်းမြစ်များ

YESAYA 28:17

Apa salunna la Kupadadi ulang pesuka’ sia kamaloloan la Kupadadi batu petimbang, anna attu iato iatu uran batu la ussoloi tu pentirerungan mo’rang sia la nakabu’ uai tu inan pembunian.

DANIEL 7:27

Sia iatu kadatuan sia kuasa sia kataromposanna mintu’ kadatuan diong nasambo langi’ la dikamasean kombonganna tomaseroNa Puang Patodoranna; na iatu kadatuanNa iamo misa’ kadatuan tontong sae lakona, sia mintu’ to kuasa la umpengkaolai sia umperangii.

KADIBILANGAN 33:18

Nake’de’ dio mai Hazerot, anna ma’tenda dio Ritma.

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

KADA OMBO’ LAKO RASULU’ YOHANES 10:11

Dikuammo’: La ma’nubua’ko diona ba’tu pira-pira to sangpetayanan sia ba’tu pira-pira bangsa sia ma’rupa-rupa basa sia ba’tu pira-pira datu.

KADA OMBO’ LAKO RASULU’ YOHANES 21:15

Iatu to umpa’kadaina’ untoe pesuka’, iamo tekken bulaan, ussuka’ tondok iato sia babanganna sia bentengna.