KADA OMBO’ LAKO RASULU’ YOHANES 10:5 - Sura' Madatu

⁵ Iatu malaeka’ mangka kutiro mellese diong tasik sia dao karangkean unnangka’ lima kananna lu langngan langi’,

KADA OMBO’ LAKO RASULU’ YOHANES 10:5 ပူးပေါင်းရင်းမြစ်များ

KADADIAN 14:22

Nakuami tu Abram lako datu Sodom: Kupasa’bian PUANG, Puang Patodoranna, ungkombong langi’ sola lino,

NEHEMIA 9:6

Kamu mannari tu PUANG, Kamumo tu mangka umpadadi langi’, ondongpi langi’ tu daona lu mintu’ langi’ sia mintu’ ma’dandan maritikna, sia lino sola mintu’ tu untongkonni sia tasik sia mintu’ tu apa lan; sia Kamu umpatuoi tu mintu’na sia mintu’ ma’dandan maritik dao langi’ tukku menomba dio oloMi.

PA’PUDIAN 146:5

Maupa’ tu tau, ke Kapenombanna Yakub tu patunduanna, sia to umposande’ PUANG, Kapenombanna.

KATASSURAN 20:11

Belanna annan allona Nanii PUANG umpadadi tu langi’ sia lino sia tasik sola mintu’ issinna, anNa torroi tonna allo ma’pempitu; iamoto Napassakkei PUANG tu allo katorroan sia Napamadatu.

KATASSURAN 6:8

Ma’kadami tu Musa susito lako to Israel, apa tae’ naperangii tu Musa, belanna kapussakanna penaanna sia belanna pa’pokaunanan masang iato.

YEHEZKIEL 20:15

Apa moi susito umpalao dukaNa’ sumpa lako tau iato mai lan lu padang pangallaran, kumua tae’ Kula ussolanni tu tau iato lako tondok, tu mangka Kukamaseanni, tu nanii sebo pangandu’ sia tani’ enoan – iamo belo dio lu mintu’ tondok –

YEHEZKIEL 20:23

Apa umpalaoMo’ sumpa lako kalena lan lu padang pangallaran, kumua la Kupatisambo’ tu tau iato mai dio lu mintu’ bangsa sia la Kupatitale’ dio lu mintu’ tondok,

YEHEZKIEL 20:28

Iatongku solanni tama tondok tu mangkaMo’ umpalao sumpa la Kukamaseanni, natiromi tu mintu’ tanete malangka’ sia mintu’ kayu maloboran, na inde to dio nanii umpemalaranni tu pemala’na, sia nanii umpennoloanni tu pamenganna, tu umpabu’tu pa’di’ penaa, sia untunu dupa busarungngu’ sia umboloanni tu pemala’ pantedok.

YEHEZKIEL 20:42

Ammi tandai, kumua Akumo tu PUANG, ke la Kusolammokomi tama tondok Israel, tama tondok tu mangkaMo’ umpalao sumpa ungkamaseanni nene’ to dolomi.

YEHEZKIEL 20:5

ammu ma’kada lako kumua: Inde sia tu kadanNa Puangta PUANG Nakua: Iatongku pilei langsa’i tu to Israel, umposumpaNa’ misa’ sumpa lako bati’na rapunna Yakub, sia Kupapayan tu Kaleku lako tau iato mai dio tondok Mesir; tonganna umposumpaNa’ misa’ sumpa, Kukua: Akumo tu PUANG, Kapenombammu.

YEHEZKIEL 36:7

iamoto, inde sia tu kadanNa Puangta PUANG, Nakua: UmpalaoNa’ sumpa Kukua: Tonganna mintu’ bangsa untikuikomi la umpassan kalena kadilo’boanna.

YEHEZKIEL 47:14

Pada la mipotaa mana’ sola nasang, belanna mangkaMo’ umpalao sumpa, la Kukamasean nene’ to dolomi; na iate padang la miappa’ butung taa mana’.

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

PENGGAURANNA RASULU’ 14:15

Nakua: E tau, ma’apari ammi pogau’ri te iannate? Kami te tolino duka bangsiakan susi kamu, sia umpa’peissanangkan Kareba-kaparannuan lako kalemi, kumua ammi memboko’ dio mai apa tae’ bua’na ammi lu lako Puang Matua matontongan, tu umpadadi langi’ sia lino sia tasik na mintu’ issinna.

PENGGAURANNA RASULU’ 17:23

Belanna iatongku sumalong-malong angku pemarangai tu mintu apa mipenombai, kulambi’mi misa’ tu to’ pemalaran dinii ussura’i dio, nakua: Lako Puang tang ditandai. Iamoto iatu apa tang mitandai ammi penombai, iamo la kupamanassa lako kalemi.

ROMA 1:20

Belanna tempon dio mai tipamulanna angge maritik, mintu’na a’gan tang dikitanNa, iamotu kamatotoran sia Kapuangan tontongNa sae lakona, ma’din nakanassa tangnga’ dio panampaNa; iamoto natae’ nabelai undakaran posanga kalena,

PA’TOLE 32:40

Tonganna, Kuangka’ tu limangKu langngan langi’ sia ma’kadaNa’ Kukua: La lelukraka tuoKu sae lakona:

IBRANI 6:13

Belanna tonna mangallu’ tu Puang Matua lako Abraham, apa tae’mo ia daoanna tu Kalena, umposumpa Kalenami Kalena,

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 10:2

Lan limanna den misa’ sura’ bitti’ tibungka’; iatu lette’ kananna mellese diong tasik, na lette’ kairinna dao karangkean;

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

KADA OMBO’ LAKO RASULU’ YOHANES 16:17

Na ia tu malaeka’ ma’pempitunna umbolloan gori-gorinna dao langi’, denmi misa’ gamara kapua tassu’ lan mai banuanNa Puang Matua, dio mai isungan kapayungan iato, ma’kada nakua: Dadi nasangmo.

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,