KADA OMBO’ LAKO RASULU’ YOHANES 10:3 - Sura' Madatu

³ metambami umpekapuai gamaranna susi gamara singa umburrung-burrung na iatonna metamba, pantan unnonimi tu pitu guntu’.

KADA OMBO’ LAKO RASULU’ YOHANES 10:3 ပူးပေါင်းရင်းမြစ်များ

PA’PUDIAN 29:3

Iatu gamaranNa PUANG gumalugu dao lu uai, iatu Puang Matua sumpu mala’bi’ umpamagaluntu’ guntu’, Iamotu PUANG untongkonni mintu’ uai buda.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

YESAYA 31:4

Inde sia tu kadanNa PUANG lako kaleku, nakua: Susito misa’ singa ba’tu anak singa umburrungi pealanna, moi anna pomarambai sangtuntunan pangkambi’, tae’ duka natiramban sia tae’ napomataku’i tu kamarambanna tau iato mai –, susi dukamoto tu PUANGna mintu’ ma’dandan maritik la mengkalao rokko buntu Sion sia tanetena la parari.

YESAYA 42:13

Iatu PUANG tassu’ susi misa’ pa’barani, Natukka’ ara’Na anNa maparrang susito parari; la unnarrak-arrak parari, metalillingan tongan; la umpa’petiroan kalalonganNa unnea ualinNa.

YESAYA 5:29

Angnga’na susi gamara singa birang, susi urrungna singa mangura; iatu tau iato mai unnarrak la undamak pangrampa anna pallaianni male, natae’ misa’ tau la urrampananni.

YEREMIA 25:30

La ma’nubua’ko umpokadanni tau iato mai te mintu’ kada iate, kumua la sumadang tu PUANG dao mai masuanggana sia la umpemandui gamaranNa dao mai isungan maindanNa; la sumadang-madang unggarrakki tu pangleonNa; la unnarrakki mintu’ tu untongkonni kuli’na padang, susi arrakna to manglullu’ bua angoro’.

YEHEZKIEL 10:5

Iatu ongngo’ pani’ karubion dirangi sae lako tarampak diona lu salian, susi gamaranNa Puang Matua, To umpoissan angge maritik, ke ma’kadaI.

HOSEA 11:10

Iatu tau iato mai la undi urrundu’ PUANG, la umburrung-burrung susi singa. Iake umburrungI, iatu mintu’ pia muane la sae dio mai rampe matampu’ sipa’parondoan.

YOËL 3:16

Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni tigega’ tu langi’ sia lino. Apa PUANGmo tu misa’ pentilindungan lako taunNa sia misa’ kota tambakuku lako to Israel.

AMOS 1:2

Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

AMOS 3:8

Iake umburrung-burrungi tu singa, mindara tang mataku’? Iake ma’kadami tu Puangta PUANG, mindara tang ma’nubua’?

KADA OMBO’ LAKO RASULU’ YOHANES 14:2

Angku rangi misa’ gamara dao mai langi’, takua to uai buda mongngo’, sia susi oni guntu’ kapua. Iatu gamara kurangi susito ma’katapi umpannoni katapinna;

KADA OMBO’ LAKO RASULU’ YOHANES 15:1

Kutiro polemi misa’ tanda senga’ dao langi’, kapua sia kalle-kallean, iamotu pitu malaeka’, tu umbaa pitu kamaparrisan ma’katampakanna; belanna iamo naposundun kasengkeanNa Puang Matua.

KADA OMBO’ LAKO RASULU’ YOHANES 15:7

Misa’i tu a’pa’ a’gan kepenaa iato untadoan pitu gori-gori bulaan lako pitu malaeka’ iato, nanii ponno kasengkeanNa Puang Matua matontongan sae lakona.

KADA OMBO’ LAKO RASULU’ YOHANES 4:5

Nasun lan mai isungan kapayungan iato tu kila’ sia ba’tu pira-pira gamara sia guntu’; sia den pitu palita dukku dio olo isungan kapayungan iato, iamotu pitu PenaanNa Puang Matua.

KADA OMBO’ LAKO RASULU’ YOHANES 8:5

Naalami malaeka’ iato tu puaro anna patamai api dio mai inan pemalaran, anna pellebaranni tama lino, dadimi ba’tu pira-pira guntu’ sia ba’tu pira-pira gamara sia kila’ sia lino’.