KADA OMBO’ LAKO RASULU’ YOHANES 10:11 - Sura' Madatu

¹¹ Dikuammo’: La ma’nubua’ko diona ba’tu pira-pira to sangpetayanan sia ba’tu pira-pira bangsa sia ma’rupa-rupa basa sia ba’tu pira-pira datu.

KADA OMBO’ LAKO RASULU’ YOHANES 10:11 ပူးပေါင်းရင်းမြစ်များ

YEREMIA 25:13

La Kupopembuamo dio padang iato tu mintu’ kadangKu tu Kupokadamo la urrampoi, iamotu mintu’ tisura’na lan sura’ iate, tu napokada dolomo Yeremia diona a’ganna mintu’ bangsa iato.

YEHEZKIEL 37:4

Ma’kadami lako kaleku Nakua: Ma’nubua’ko diona te buku iate sia kuanni kumua: E buku rangke, perangii tu kadanNa PUANG.

YEHEZKIEL 37:9

Ta’kala ma’kadaMi lako kaleku, Nakua: Ma’nubua’ko lako penaa iato, ma’nubua’ko e ma’rupa tau, ammu ma’kada lako penaa iato, mukua: Inde sia tu kadanNa Puangta PUANG: E penaa, saeko dio mai tetuk a’pa’na mata angin, ammu pamurru’i te to mate iate, anna tuo sule.

KADA OMBO’ LAKO RASULU’ YOHANES 10:10

Kualami tu sura’ bitti’ dio mai limanna tu malaeka’, angku kande nasangi; lan sadangku matanning susi uai tani’, apa iatongku mangka ungkandei, mapai’mi lan tambukku.

KADA OMBO’ LAKO RASULU’ YOHANES 11:1

Nabenmo’ bulo sanglolo susito tekken, anna ma’kada, nakua: Bendanko ammu suka’i tu banuanNa Puang Matua sia inan pemalaran sia mintu’ tu to menomba lan.

KADA OMBO’ LAKO RASULU’ YOHANES 11:9

Ba’tu pira-pira tau dio mai mintu’ bangsa sia suku sia basa sia to sangpetayanan untiroi tu batang rabuk iato tallung allo sangpolo, sia tae’ naeloranni tau iato mai tu batang rabukna dilamun.

KADA OMBO’ LAKO RASULU’ YOHANES 14:6

Kutiromi misa’ malaeka’ senga’ mentia’ lan tangngana langi’, sia umbaa Kareba-kaparannuan matontongan, la napa’peissanan lako mintu’ to untorroi te kuli’na padang, iamotu mintu’ bangsa sia suku sia basa sia to sangpetayanan,

KADA OMBO’ LAKO RASULU’ YOHANES 17:10

Limamo tu tibambang, nadenpa tu misa’, sia iatu senga’na tae’pa sae, iake saemi, tae’ nasalai tang torro sangattu’.

KADA OMBO’ LAKO RASULU’ YOHANES 17:12

Sia iatu sangpulo tanduk mutiro iamo sangpulo datu tu tang untarimapa kadatuanna, apa kuasa susi datu-datu sisola olo’-olo’ iato sangte’te’ bangri.

KADA OMBO’ LAKO RASULU’ YOHANES 17:15

Nakuami lako kaleku: Iatu mintu’na uai mutiro dio inan nanii unno’ko’ pa’gau’ sala iato, iamora tu ba’tu pira-pira to sangpetayanan sia to tang dipetayanni sia mintu’ bangsa sia basa.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.