KADA OMBO’ LAKO RASULU’ YOHANES 10:1 - Sura' Madatu

¹ Kutiromi misa’ malaeka’ senga’ matoto’ mengkalao dao mai langi’ umpobayu lamba’ gaun, sia tindak sarira dao ulunna, sia lindona butung to allo, sia lette’na susito lentong api.

KADA OMBO’ LAKO RASULU’ YOHANES 10:1 ပူးပေါင်းရင်းမြစ်များ

PA’PUDIAN 104:3

Iamo umparandanganni lan to’ uai tu inan ma’duang papa’na, Ia umpokareta salebu’, Iamo sumalong-malong dao pani’ angin.

PA’PUDIAN 97:2

Iatu gaun sia kamalillinan untikui lao, sia kamaloloan sia katonganan napoparandangan isungan kapayunganNa.

KATASSURAN 16:10

Iatonna marassan tu Harun ma’kada-kada lako mintu’ kombonganna to Israel, anna messaile tu tau iato mai lako padang pangallaran, ta’kala paanmi tu kamala’biranNa PUANG lan gaun.

PA’TENDENG BALLO 5:15

Iatu lette’na susito lentong marmar toppo’ dao parandangan bulaan tasak; iatu pati’na susito Libanon, mala’bi’ sangtinti garonto’ arasi’.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

YESAYA 54:9

Susi tonna linona Nuh, susi dukamo a’gangKu totemo; susi sumpaKu kumua tae’mo nala saba’ pole’ tu uai lan lino, susi tonna attunna Nuh, susi dukamo sumpaKu totemo to, kumua tae’mo Kula re’dek lako kalemu sia tae’mo Kula unggarrakko.

BATING 3:44

Mipembungku’mo tu salebu’, naurungan iatu passambayang tae’ tarru’ lako Kalemi.

YEHEZKIEL 1:28

Susito tindak sarira ditiro, tu paan lan gaun, ke palauranni, susito tu rupanna tu arrang untikui tu api. Susimoto tu rupa dinii umpa’peomboran kamala’biranNa PUANG. Iatongku tiromi to, lumbangmo’ rokko padang, angku rangii misa’ gamara Ma’kada.

DANIEL 10:6

Iatu batang kalena susi parimata pirusa’; iatu lindona pandila-dila susi kila’, iatu matanna susi sulo marorrongan, sia iatu takia’na sia lentekna parrang susi tambaga dipopandilak, na iatu gamaranna susito ongngo’ tau buda.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

LUKAS 21:27

Sia iato attu iato la natiro tu Anak rampan dilino sae lan gaun sisola kamatotoran kapua sia kamala’biran kapua.

PENGGAURANNA RASULU’ 26:13

pakalan tonna ma’tangngamo allo, puang, kukitami dio lalan iato tu arrang dao mai langi’, ondong ia parrangna anna allo, pandala-dala untikuina’ sola tu mintu’ to kusolan lumingka.

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

KADA OMBO’ LAKO RASULU’ YOHANES 18:1

Undinnato kutiromi misa’ malaeka’ senga’ songlo’ dao mai langi’ tu kapua kuasanna, na iatu lino naarrang kamala’biranna.

KADA OMBO’ LAKO RASULU’ YOHANES 18:21

Naangka’mi misa’ malaeka’ mawatang tu misa’ batu susi rupanna batu pangrissoan, napempa’nakanni tama tasik nama’kada nakua: Tete dio pepa’nak susite, na iatu Babel, tondok kapua la tipempa’nak, sia inang tae’mo anna dikita len.

KADA OMBO’ LAKO RASULU’ YOHANES 20:1

Kutiro polemi misa’ malaeka’ songlo’ dao mai langi’ sitoe gonting posi’ tana lambe’ sia misa’ rante bassi kapua,

KADA OMBO’ LAKO RASULU’ YOHANES 4:3

Na iatu To unno’ko’ dao, susi parimata intan sia ake’ tu rupanNa; sia den misa’ tindak sarira ussalungkui tu isungan kapayungan iato, susi samru’ rupanna.

KADA OMBO’ LAKO RASULU’ YOHANES 5:2

Sia kutiro misa’ malaeka’ matoto’ metamba umpekapuai gamaranna, nakua: Mindara sipatu la umbungka’i tu sura’ iato sia usserekki tu ca’na?

KADA OMBO’ LAKO RASULU’ YOHANES 8:13

Kutiromi sia kurangi misa’ langkan maega mettia’ lan tangngana langi’ ma’kada umpekapuai gamaranna; A’a, a’a, a’a, masolang tu mintu’ to untorroi kuli’na padang tu belanna oni tarompe’ pua senga’na, iamotu lu dio mai tallu malaeka’ tu la umpannonii undinna.