KADA OMBO’ LAKO RASULU’ YOHANES 1:6 - Sura' Madatu

⁶ sia umpadadiki’ misa’ kadatuan sia tominaa lako oloNa PuangNa sia Ambe’Na; lu lakomo Kalena tu mintu’ kamala’biran sia kapaan tontong sae lakona. Amin.

KADA OMBO’ LAKO RASULU’ YOHANES 1:6 ပူးပေါင်းရင်းမြစ်များ

KATASSURAN 19:6

Kamumo la dadi misa’ kadatuan to minaa sia misa’ bangsa dipamarimbangan dio oloKu. Iate kada iate la mupokada lako mintu’ to Israel.

YESAYA 61:6

Apa iatu kamu la digente’komi to minaanNa PUANG sia la disangaikomi taunNa Kapenombanta; la miappa’ tu iananna mintu’ bangsa sia la misattuan tu kamala’biranna.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

YOHANES 5:23

kumua anna mintu’ tau umpangke’I tu Anak susitu kaumpangkeranna Ambe’. Minda-minda tang umpangke’I tu Anak, tae’ duka napangke’I tu Ambe’ ussuaI.

ROMA 11:36

Belanna iatu mintu’ angge maritik lu dio mai Kalena sia tete dio Kalena sia lu lako Kalena. Lu lako duka Kalena tu mintu’ kamala’biran sae lakona. Amin.

ROMA 15:6

dikua ammi misa’ penaa sia misa’ kada umpakala’bi’ Puang Matua, tu Ambe’Na Puangta Yesu Kristus.

FILIPI 2:11

sia mintu’ puduk mangaku, kumua Yesu Kristus tu Puang, la napomala’bi’ Puang Matua, Iamotu Ambe’.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

1 PETRUS 5:11

Lu lako Kalena tu kapaan tontong sae lakona! Amin.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

YUDAS 1:25

iamo Puang Matua tu Misari, To pakarimmananta, tete dio Yesu Kristus tu Puangta, tu kamala’biran sia kakapuan sia kamatotoran sia kapaan tempon dio mai sia totemo te sia sae lakona. Amin.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 20:6

Maupa’ sia masallo’ tu to naala bilanganna kamalimbangunan bunga’na; tae’mo anna kuasai kamatean ma’penduan tu tau iato mai, sangadinna la dadi tominaanNa Puang Matua sia Kristus, sia la ma’parenta sola Puang sangsa’bu taunna.

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

KADA OMBO’ LAKO RASULU’ YOHANES 5:10

Sia mangkamo Mipadadian Kapenombanta tu tau iato mai misa’ kadatuan sia tominaa, anna datui te lino.