KADA OMBO’ LAKO RASULU’ YOHANES 1:5 - Sura' Madatu

⁵ sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

KADA OMBO’ LAKO RASULU’ YOHANES 1:5 ပူးပေါင်းရင်းမြစ်များ

PA’PUDIAN 51:2

Tonna bu’tuimi nabi Natan, tonna mangka sigau’ sala Batsyeba.

PA’PUDIAN 72:11

Sangapaoi anna mintu’ datu tukku sae rokko padang dio olona, sia angganna bangsa la mengkaola lako,

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

SARAMBU PEADA’ 14:5

Iake sa’bi tongan tae’ nakamorang-morang, apa minda-minda umpenaan buttok, iamo misa’ sa’bi tang tongan.

YESAYA 55:4

Kupatunannangmo la ma’katottongi lako mintu’ bangsa sia la napodatu sia la napekapuangi mintu’ bangsa.

DANIEL 2:2

Mesuami tu datu untambai mintu’ to paissan-issan sia to ma’basa-basa sia to unnampui balik mata sia to Kasdim, la ussembanganni tu tindona datu; saemi tu tau iato mennolo dio olona datu.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

SURA’ KATOMINAAN 13:58

Apa iatu sampin la bannang direndenna la pakkanna, ba’tu balulang digaragai ba’tu apa-apa tu mibusukki, iake pa’demi tu sanggangna, la dibusukki pole’, anna masero.

ZAKHARIA 13:1

Allo iato la tibungka’ tu misa’ kalimbuang lako bati’na Daud sia to lan Yerusalem la umbasei sia usseroi kasalan.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

YOHANES 13:1

Tae’ bangsia nalambi’i tu pa’gauran Pasa, tonna issanmi Yesu, kumua nalambi’mo attunNa la lumele lan mai te lino lako Ambe’, Napasundunmo sae lako ma’katampakanna tu kamamaseanNa lako mintu’ taunNa lan te lino, tu Nakamaseinna.

YOHANES 13:34

Misa’ parenta ba’ru Kubenkomi, iamotu: la sipakaboro’komi susi Aku umpakaboro’komi, dikua ammi sipakaboro’ duka.

YOHANES 15:9

Tumba tu Ambe’ umpakaboro’Na’, ten dukamoto tu Aku mangka umpakaboro’komi; tontongkomi lan pa’kaboro’Ku.

YOHANES 18:37

Nakuami Pilatus lako: Datu dukaroKomika pale’? Nakuami Yesu mebali: Tonganna susitu kadammi, kumua Aku te datuNa’. Iamo patunna to angKu dadimo, sia iamo patunna to angKu saemo tama te lino, kumua angKu katottongi tu kamanapparan. Minda-minda tu bu’tu lu dio mai kamanapparan iamo umperangii kadangKu.

YOHANES 3:11

Tonganna tongan Kukua mati’: Kipokada tu kiissanna, sia kikatottongi tu kitirona, apa tae’ mitarimai tu kikatottonginna.

YOHANES 3:16

Belanna tenmoto tu Puang Matua ungkamasei tu issinna te lino, naurunganni umpa’kamaseanni tu Anak tungga’Na, kumua anna minda-minda umpatonganNi tae’ nala sanggang, sangadinna ungkabu’tui katuoan sae lakona.

YOHANES 3:32

Ia ungkatottongi tu diona apa Natiro sia Narangi, apa moi misa’ tau tae’ untarimai tu Nakatottonginna.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

PENGGAURANNA RASULU’ 26:23

iamotu Kristus sipatu umperasai kamaparrisan sia Iamo bunga’na malimbangun dio mai to’ to mate la umpa’peissanan misa’ arrang lako te bangsata sia lako duka to kapere’.

ROMA 3:25

Tu Napatingo Puang Matua mendadi pemala’ kasikaeloan diona raraNa, tete dio kapatonganan anNa papayanni tu kamalamburanNa belanna tae’ Naukungi tu mintu’na kasalan tonna dolona tonna pama’tanampi penaa Puang Matua,

ROMA 8:37

Apa lan mintu’nato sapatalo-talota tu belanna iatu To umpakaboro’ki’.

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

GALATIA 2:20

Iatu tuoku te tangiamo aku umpoissanni, sangadinna Kristus tu tuo lan kaleku; apa iatu kupotuona lan kaleku totemo te, umpokatuoanna’ kapatonganan lako AnakNa Puang Matua, tu ungkamaseina’, sia ussorong Kalena belanna aku.

EFESUS 2:4

Apa Puang Matua tu sumpu mamase, tu belanna kapua pa’kaboro’Na Nakamaseangki’,

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

PA’TOLE 18:2

apa dio lu siulu’na tae’ taa mana’na, belanna PUANG tu taa mana’na, susitu mangka Naalluranni Puang.

PA’TOLE 23:5

Sangadinna iatu PUANG, Kapenombammu, tae’ Namorai umperangii Bileam sia iatu PUANG, Kapenombammu, umpopembali pa’passakkei tu tampak ropu, belanna iatu PUANG, Kapenombammu, ungkamaseiko.

PA’TOLE 7:8

Apa belanna nakamaseikomi PUANG sia Napalanda’ tu pangallu’Na Napalaoi sumpa lako nene’ to dolomi, iamoto Nasolangkomi tassu’ tete dio lima mawatang sia Nalendokangkomi dio mai inan minii dipokaunan dio mai kuasanna Firaun datu to Mesir,

KOLOSE 1:18

sia Iamo Ia ulunna batang kale, iamotu kombongan; Iamo tipamulanna sia pa’bunga’ malimbangun dio mai to’ to mate, kumua anna lan mintu’na angge maritik Iamo ma’iringanna.

1 TIMOTIUS 6:13

Kupasan lako kalemu dio oloNa Puang Matua, tu umpatuo angge maritik sia dio oloNa Kristus Yesu tu ungkatottongi tu pangakuan tongan dio olona Pontius Pilatus.

1 TIMOTIUS 6:15

Iatu iannato ke attunnamo la Napa’pekitanan Puang ma’kada misa sia tang dilambi’ karongkosanNa. Datunna mintu’ datu sia Puangna mintu’ pekapuangan.

IBRANI 10:29

Tangnga’mi, tumba polepi magasanna tu ukungan sipatu dipakannanni tu to ullullu’ Anakna Puang Matua, sia to ussangai maruttak tu rara basse tu dinii usseroi sia iatu to untelle-telle Penaa oto’na pa’kamasean.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

1 YOHANES 1:7

Apa iake lolangki’ lan kamaseroan, susi Ia torro lan kamasiangan, manassa denmo kasiturusanta sola nasang, sia raraNa Yesu, AnakNa, usseroiki’ dio mai mintu’ kasalan.

1 YOHANES 4:10

Iamote a’ganna pa’kaboro’, kumua tae’ nakita mangka ungkamasei Puang Matua, sangadinna Ia tu mangka ungkamaseiki’, sia mangka ussua AnakNa mendadi suru’ usseroi mintu’ kasalanta.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 11:3

La Kuben kuasa tu da’dua to ma’katottongingKu tu ma’tamangkale karoro’, ma’nubua’ sangsa’bu duaratu’ annan pulona allona.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 19:11

Tiramban kutiromi tu langi’ tibungka’, napayan tu misa’ darang busa’, na iatu to ussakei disanga Maruru’ sia Tongan, anNa tang pakayun bimbang ma’paolai salu sia parari.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.