KADA OMBO’ LAKO RASULU’ YOHANES 1:16 - Sura' Madatu

¹⁶ Lima kananNa untoe pitu bintoen, nalan mai pudukNa nanii tassu’ misa’ pa’dang mataran patomali, sia lindoNa parrang susi mata allo ke attu mapannang.

KADA OMBO’ LAKO RASULU’ YOHANES 1:16 ပူးပေါင်းရင်းမြစ်များ

AYUB 38:7

tonna siarrakan tu mintu’ bintoen melambi’, sia mintu’ anak Puang Matua siangngaran?

PA’PUDIAN 45:3

Mandu maballokomi kamu anna mintu’ ma’rupa tau, iatu kamabalelean dipasitutu’mo randan pudukmi, iamoto anna pamasakkekomi Puang Matua tontong sae lakona.

PA’TENDENG BALLO 6:10

Mindara ia tu susi allo berre’, maelo sangtinti bulan taro-taro, parrang susi mata allo dukku; sia makarama’ sangtinti tuntunan surodadu?

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

YESAYA 24:23

Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.

YESAYA 49:2

Napopendadi la’bo’ mataran tu pudukku; Naongannina’ limanNa, Napadadina’ misa’ tinaran matadi’, Napalanna’i tambilanNa.

DANIEL 12:3

Iatu mintu’ to paissan la parrang susi arrangna batara, sia mintu’ to urrenden buda tau lako kamaloloan la parrang susi bintoen tontong sae lakona.

DANIEL 8:10

Satarompo’-rompo’nami sae langngan ma’dandan maritik dao langi’, nadao mai tu ma’dandan maritik, iamotu mai bintoen, naronnosan ba’tu pira-pira rokko lino, anna lullu’i.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

PENGGAURANNA RASULU’ 26:13

pakalan tonna ma’tangngamo allo, puang, kukitami dio lalan iato tu arrang dao mai langi’, ondong ia parrangna anna allo, pandala-dala untikuina’ sola tu mintu’ to kusolan lumingka.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

IBRANI 4:12

Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

KADA OMBO’ LAKO RASULU’ YOHANES 1:20

Iatu rasia diona tu pitu bintoen tu mangka mutiro lan lima kananKu, sia iatu pitu tongkonan palita bulaan battuananna: iatu pitu bintoen iamo malaeka’na to pitu kombongan, na iatu pitu tongkonan palita, iamo pitu kombongan.

KADA OMBO’ LAKO RASULU’ YOHANES 10:1

Kutiromi misa’ malaeka’ senga’ matoto’ mengkalao dao mai langi’ umpobayu lamba’ gaun, sia tindak sarira dao ulunna, sia lindona butung to allo, sia lette’na susito lentong api.

KADA OMBO’ LAKO RASULU’ YOHANES 12:1

Kaananmi dao langi’ misa’ tanda kapua, iamotu misa’ baine disapu’ allo anna diong to’ lette’na tu bulan, sia ulunna ma’makota bintoen sangpulo dua.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 19:21

Sia mintu’ tu to senga’ mate napongko pa’dangna To-ussakei darang iato, iamotu pa’dang sun lan mai pudukNa. Na mintu’ manuk-manuk iato nadia’imo duku’na tau iato mai.

KADA OMBO’ LAKO RASULU’ YOHANES 2:1

Surasanni malaeka’ kombongan dio Efesus susite: Kumua iamote tu kada lu dio mai Puang tu untoe pitu bintoen lan lima kananNa, tu sumalong lu lako lu dio mai lan tangngana tu pitu tongkonan palita bulaan.

KADA OMBO’ LAKO RASULU’ YOHANES 2:12

Surasanni malaeka’ kombongan Pergamus susite: Iamote tu kada lu dio mai Puang tu ma’pa’dang mataran patomali.

KADA OMBO’ LAKO RASULU’ YOHANES 2:16

Iamoto mengkatoba’ko; iake tae’i la saeNa’ mati’ madoi’, angKu rarii pa’dang dio te pudukKu tu tau iato mai.

KADA OMBO’ LAKO RASULU’ YOHANES 3:1

Surasanni malaeka’ kombongan Sardis susite: Iamote tu kada lu dio mai Puang tu unnampui tu pitu PenaanNa Puang Matua, sia iatu pitu bintoen; Kuissan tu mintu’ penggaurammu, kumua disanga tuoko, apa iatu tonganna mateko.

TO PARENGNGE’ 3:16

Nagaragammi Ehud kalena tu misa’ pa’dang mataran patomali, agi sangsiku landona, natakinni lanna lu pakeanna dio pupu kananna.

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.