KADA OMBO’ LAKO RASULU’ YOHANES 1:15 - Sura' Madatu

¹⁵ Sia lentekNa susi tambaga pandila-dila butung dukku api lan dapo’; sia gamaranNa mongngo’ susi uai saba’.

KADA OMBO’ LAKO RASULU’ YOHANES 1:15 ပူးပေါင်းရင်းမြစ်များ

PA’PUDIAN 93:4

Apa iatu mandu paa anna ongngo’ darra’na uai buda sia mariakna tasik, Iamotu PUANG dao masuanggana.

YESAYA 17:13

Da’ito anna marukka tu mintu’ bangsa susi uai kapua mariak, apa Nata’tan, anna mallai toyang tu tau iato mai sia sisarombonan lao susi ta’pian napettiaran angin langngan buntu sia susi daun tallang naguririkan talimpuru’.

YEHEZKIEL 1:24

Ianna male tu a’gan iato, kurangi tu pani’na susito uai saba’ mongngo’ bang, susi gamaranna To umpoissan angge maritik, takua gumalugunna surodadu ma’baanan; ianna torromo, napembasseammi tu pani’na.

YEHEZKIEL 1:7

Iatu a’gan lette’na malolo; iatu pala’ lette’na susitu pala’ lette’ anak sapi, sia pandillak-dillak susi tambaga dirussui.

YEHEZKIEL 40:3

Iatonna mangkamo ussolanna’ inde to lako, kutiromi inde to dio tu misa’ muane, susi tambaga rupanna, naden ulang lenang sia tekken pesuka’ lan limanna; bendan lan babangan.

YEHEZKIEL 43:2

Tonganna denmi sae tu kamala’biranNa Kapenombanna Israel lu dio mai rampe matallo, sia den oni susito ongngo’ uai buda na iate lino naarrangi kamala’biranNa.

DANIEL 10:6

Iatu batang kalena susi parimata pirusa’; iatu lindona pandila-dila susi kila’, iatu matanna susi sulo marorrongan, sia iatu takia’na sia lentekna parrang susi tambaga dipopandilak, na iatu gamaranna susito ongngo’ tau buda.

KADA OMBO’ LAKO RASULU’ YOHANES 10:1

Kutiromi misa’ malaeka’ senga’ matoto’ mengkalao dao mai langi’ umpobayu lamba’ gaun, sia tindak sarira dao ulunna, sia lindona butung to allo, sia lette’na susito lentong api.

KADA OMBO’ LAKO RASULU’ YOHANES 14:2

Angku rangi misa’ gamara dao mai langi’, takua to uai buda mongngo’, sia susi oni guntu’ kapua. Iatu gamara kurangi susito ma’katapi umpannoni katapinna;

KADA OMBO’ LAKO RASULU’ YOHANES 19:6

Den kurangi susi gamara to buda sia susi ongngo’ uai buda, sia guntu’ menanan ma’kada nakua: Haleluya! Belanna ma’parentamo tu Puang Kapenombanta, Puang Umpoissan angge maritik.

KADA OMBO’ LAKO RASULU’ YOHANES 2:18

Surasanni malaeka’ kombongan Tiatira susite: Iamote tu kadanNa AnakNa Puang Matua, tu matanNa susi dukku api, sia lentekNa susi tambaga pandila-dila.