PA’TOLE 7:9 - Sura' Madatu

⁹ ammu issanni, kumua iatu PUANG, Kapenombammi, Kapenomban misari, iamotu Kapenomban maruru’, tu untoe manda’i tu basse sia umpalanda’ kamasokananNa lako mintu’ to ungkamali’I sia ungkaritutui pepasanNa sae lako massa’bu-sa’bu osso’na.

PA’TOLE 7:9 ပူးပေါင်းရင်းမြစ်များ

KADADIAN 17:7

La Kutanan tu basseKu lan tangngata sia lako bati’ siosso’mu undinna, iamotu misa’ basse matontongan, kumua Aku tu mupoKapenomban sia napoKapenomban mintu’ bati’mu undinna.

KADADIAN 28:15

Manassa la Kurondongko sia la Kurinding pala’ko umba-umba muola sia la Kupasuleko indete padang iate, belanna tae’ angKu la untampeko sae lako Kupogau’na tu apa mangka Kuallu’ lako kalemu.

KADADIAN 9:15

manassa Kukilalai tu basseKu mangka Kutanan lan tangngata patomali sia angge menaa tu menono’na, kumua inang tae’mo anna la saba’ tu uai la ussabu’i tu mintu’ angge menono’.

1 DATU 8:23

Sia ma’kada nakua: O PUANG, Kapenombanna to Israel, tae’ tu Kapenomban senga’ sangadinna Kamu manna, la lan langi’ dao la dao kuli’na padang diong, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

1 OSSORANNA DATU 16:15

Kilalai tu basseNa tontong sae lakona, – iamotu kadanNa tu mangka Napepasanan landa’ lako sangsa’bu osso’na –

2 OSSORANNA DATU 6:14

Sia ma’kada nakua: O PUANG, Kapenombanna to Israel, tae’ tu Kapenomban senga’ susi Kamu, la lan langi’ la dao te kuli’na padang, tu umpalanda’ basseMi sia kamasokanamMi lako taumMi, tu lantuk penaanna lolang dio oloMi.

NEHEMIA 1:5

kukua: O PUANG, Puang Matua dao suruga, o Puang Matua pasareongan sia dikabangnga’, tu ungkanana’i basse sia kamasokanan lako tu mintu’ tau ungkamali’Komi sia ungkaritutui pepasanMi.

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

PA’PUDIAN 103:18

Iamotu lako mintu’ to ungkaritutui basseNa Puang, sia to ungkanannangi tu parentaNa anna turu’i.

PA’PUDIAN 105:8

Nakilalai sia tu basseNa tontong sae lakona, iamotu kadanNa tu mangka Napepasanan landa’ lako sangsa’bu osso’na.

PA’PUDIAN 119:75

Kuissan, o PUANG, kumua mintu’ pangra’ta’Mi malolo nasang. Sia tete dio kamarurusamMi ammi pa’dikkimo’.

PA’PUDIAN 146:6

Tu ungkombong langi’ sola lino, sia tasik na mintu’ issinna, sia To untoe kamarurusan tontong sae lakona.

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

KATASSURAN 20:6

apa umpa’pekitananNa’ kamasokanangKu lako massa’bu’-sa’bu tu to ungkamali’Na’ sia ungkaritutui mintu’ pepasanKu.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

YEREMIA 32:18

Sia Kamu umpa’pekitanan kamasokanan lako massa’bu-sa’bu tau sia tu umpapakkanni kakadakeanna mintu’ ambe’ rokko rianna mintu’ anakna undinna dio mai tau iato mai, o Kapenomban pasareongan sia matoto’, tu diganti sanganNa: PUANGna mintu’ ma’dandan maritik.

BATING 3:23

Iake melambi’oi ba’ruoi, sia kapua kamarurusamMi.

DANIEL 9:4

Massambayangmo’ langngan PUANG, Kapenombangku sia mangaku sala, kukua: O Puang, Puang Matua pasareongan sia metakuran, tu ungkanana’i basse sia kamasokanan lako tu mintu’ to ungkamali’Komi sia ungkaritutui pepasanMi.

KADIBILANGAN 14:18

PUANG tu kalando pesuka’ sia kapua kamasokananNa, tu umpagarri’ kakelokan sia kapatodo-tintingan, tu tae’ Naeloranni tang la diukung tu to sala, apa Napapakkanni tu kakadakeanna mintu’ ambe’ sae lako anakna sae lako osso’ ma’pentallunna sia ma’penna’pa’na.

ROMA 8:28

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

1 KORINTUS 1:9

Iatu Puang Matua maruru’, tu mangka untambaikomi tama kasiturusammi AnakNa, tu Yesu Kristus, Puangta.

1 KORINTUS 10:3

sia mangkamo sola nasangi pada dandan ungkande kande mempenaa sanguluanri,

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

2 KORINTUS 1:18

Sangadi ke tang maruru’I tu Puang Matua, angki la sattu’-sattu’ mekaio, sattu’-sattu’ ma’tae’ lako kalemi!

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

PA’TOLE 4:35

Mangkamoko dipakitan, ammu issanni, kumua iatu PUANG Iamo Kapenomban, tae’ naden senga’na sangadinna Ia manna.

PA’TOLE 4:39

Totemo la mutandai sia la mupalan penaa, kumua iatu PUANG Iamo Kapenomban lan langi’ dao sia dao kuli’na padang inde to diong, tae’ senga’na.

PA’TOLE 5:10

apa umpa’pekitananNa’ kamasokanangKu lako massa’bu-sa’bu tu to ungkamali’Na’ sia ungkaritutui mintu’ pepasanKu.

1 TESALONIKA 5:24

Iatu Puang Matua untambaikomi maruru’, na Ia dukamo la umpogau’i tu iannato.

2 TESALONIKA 3:3

Apa maruru’ sia tu Puang, Ia dukamo la umpabatta’komi sia urrinding pala’komi dio mai tu to kadake.

2 TIMOTIUS 2:13

iake tang maruru’ki, tontong Ia maruru’, belanna tae’ nama’din la Napeonganni tu Kalena.

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

IBRANI 10:23

Melo ke manda’ki’ umpentoei pangakuan umpabu’tu kapa’rannuanan naturu’ katangbata-batan, belanna iatu Tomangallu’ maruru’.

IBRANI 11:11

Bannang dio dukamora kapatonganan anna appa’i Sara tu kamatotoran la ma’tambuk, moi anna lendu’ tonganmo kakianakanna, belanna nakanassai kumua matappa’ tu To-mangkamo unnallu’i.

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.

TO PARENGNGE’ 2:1

Pakalan ke’de’mi tu malaeka’Na PUANG dio mai Gilgal lako Bokhim, anna ma’kada, Nakua: Mangkamokomi Kusolan sun lan mai tondok Mesir, angKu solangkomi tama tondok, tu Kupalaoan sumpa unnallu’i la umbenni nene’ to dolomi, sia ma’kadaNa’, Kukua: Tae’ kula umpokai tu basse tatanan sae lakona.

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.