PA’TOLE 7:2 - Sura' Madatu

² sia iake Nasorongammoko PUANG, Kapenombammu, tu tau iato mai, ammu taloi, manassa la musabu’i nasang. Da musibasse tau iato sia da mukamasei.

PA’TOLE 7:2 ပူးပေါင်းရင်းမြစ်များ

KADADIAN 14:20

Mintu’ kadipudian lu langngan nasang Puang Patodoranna, tu mangka ussorong ualimmu tama limammu. Nasorongmi Abram lako tu sangtaa sangpulona mintu’ barang apanna.

2 SAMUEL 21:2

Natambaimi datu tu to Gibeon anna ma’kada lako kalena. – Iatu to Gibeon tae’ nasangbilangan to Israel, sangadinna sangbilangan tu to Amori disesannapa; moi namangkamo sibasse sia sisumpa to Israel tu tau iato mai, apa undaka’ lalan tu Saul la ussanggangi tu tau iato mai, belanna kamatutturanna tu la napomelona to Israel sia to Yehuda –.

1 DATU 20:34

Ma’kadami tu Benhadad lako datu nakua: Iatu mintu’ tu narampa ambe’ku dio mai ambe’mi, la kupasulemo; sia dieloran dukakomi untanan pasa’ dio Damsyik, susitu natanan ambe’ku dio Samaria, sia la untananki’ misa’ basse angku messiman dio mai kalemi. Untananmi basse sola duai, anna eloranni Ahab male.

EZRA 10:3

Melo ke untananki’ basse sola Kapenombanta, kumua la tasua male tu mintu’ baine sia mintu’ pia nadadian, situru’ tu pa’pakilalanna puangku sia mintu’ tau tu ma’parondo ungkataku’ pepasanNa Kapenombanta; melo ke lolangki’ unturu’i tu Sukaran aluk.

PA’PUDIAN 106:34

Tae’ra anna sabu’i tau iato mai tu bangsa iato, susitu mangka Napokadanni PUANG.

KATASSURAN 22:20

Minda-minda memala’ lako deata, natae’ na lako manna PUANG, manassa la disabu’i.

KADIBILANGAN 21:2

Mangallonammi tu to Israel lako PUANG, sia ma’kada nakua: Iake Misorong nasangi te bangsa iate tama kuasangku, manassa la kusabu’i tu mintu’ tondokna butung pepayu.

KADIBILANGAN 31:17

Iamoto pateimi tu mintu’ muane dio lu pia sia ia duka tu mintu’ baine tu mangkamo sangampa’ muane la mipatei.

KADIBILANGAN 33:52

manassa la miula’i tu mintu’ to ma’tondok dio tingayomi sia la misanggang tu mintu’ panggaraga dipa’na tu dipa’deatai; sia ia duka tu mintu’ rapang-rapang dipodeata dipati’no’na la misanggang sia mintu’ inan madaona la misabu’i.

PA’TOLE 13:8

da muturu’i tu pa’poraianna, ba’tu umperangii kadanna; da mukamasei ba’tu ungkasayangi sia da musamboi tu salana.

PA’TOLE 13:9

Apa manassa la mupatei; iko dolo la umpata’pai limammu sia umpatei, namane limanna mintu’ bangsa.

PA’TOLE 19:13

Da mukasayangi, sangadinna iatu rarana to tang kasalan la mupa’dei dio mai Israel, ammu malaga’-laga’.

PA’TOLE 2:33

Apa iatu PUANG, Kapenombanta, ussorongi lako kaleta, taurungan untaloi sola tu mai anakna sia mintu’ bangsana.

PA’TOLE 2:34

Attu iato taalamo tu mintu’ kotana, anta sabu’i mintu’ kota, la muane, la baine, la pia; moi misa’ tae’ tapalussu’.

PA’TOLE 23:14

Belanna iatu PUANG, Kapenombammu, ussalongi to’ tendamu, la urrampanangko dio mai kamandasan, anNa sorongi tu ualimmu lako kalemu; iamoto la masero tu to’ tendamu, kumua da Natiro lenni tu apa tang sipatu dio kalemu sia da Nasepang tu Puang dio mai kalemu.

PA’TOLE 25:12

manassa la muta’takki tu limanna baine iato, da mukasayangi.

PA’TOLE 3:3

Nasorong dukami PUANG, Kapenombanta, tu Og, datunna Basan, sia mintu’ to budanna tama kuasanta, anta talo nasangi, naurungan moi misa’ tau tae’mo tapalussu’.

PA’TOLE 31:5

PUANG la ussoronganni lako kalemi tu tau iato sia la mipogau’ lako tau iato, susitu mintu’ pepasan, tu mangka kupa’bengan lako kalemi.

PA’TOLE 33:27

Puang Matua matontongan mupopentionganan sia tontong urrande pala’ko. Belanna mangkamo unnula’ ualimmu dio tingayomu sia ma’kada Nakua: Pisanni!

PA’TOLE 7:16

La mutallanan tu mintu’ bangsa, tu la Nasorongan PUANG, Kapenombammu, lako kalemu; tae’ mula ungkamasei sia tae’ mula umpenombai deatanna, belanna iamoto tu la dadi poya lako kalemu.

PA’TOLE 9:3

Totemo la mutandai, kumua iatu PUANG, Kapenombammu, undoloangko, susito api ma’pamampu’; la Nasanggang tu tau iato mai sia Natalo dio pentiromu; susimoto la madomi’ko unnalai tu lili’na mupoapai, sia la musabu’i tu tau iato, susitu mangka Napokada PUANG lako kalemu.

YOSUA 10:28

Allo ia dukato nataloi Yosua tu kota Makeda, napatei pa’dang tu mintu’ tau lan sia ia duka tu datunna; nasabu’i tu mintu’ issinna sia mintu’ kepenaanna lan butung pepayu, moi misa’ tae’ nalussuran sia nagau’ tu datu Makeda susitu penggauranna lako datu Yerikho.

YOSUA 10:30

Nasorong dukami PUANG tu kota iato sia datunna tama limanna to Israel. Napatei pa’dang tu mintu’ issinna sia mintu’ kepenaanna lan; moi misa’ tae’ nalussuran sia nagau’ tu datunna susitu penggauranna lako datu Yerikho.

YOSUA 10:32

Nasorongmi PUANG tu Lakhis tama kuasanna to Israel; natalomi tonna allo ma’penduan sia napatei pa’dang tu mintu’ issinna, iamotu mintu’ kepenaanna lan, susitu mintu’na mangka napogau’ lako Libna.

YOSUA 10:40

Susimo kanataloanna Yosua to tu mintu’ tondok, iamotu tondok dao lu buntu sia Padang Rampe sau’na sia iatu Padang Merrantena sia iatu mennaa’na sia mintu’ datunna; moi misa’ tae’ bang nalussuran, sangadinna nasabu’i nasang tu mintu’ kepenaanna butung pepayu, situru’ tu pepasanNa PUANG, Kapenombanna to Israel.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

YOSUA 11:8

Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

YOSUA 2:14

Mebalimi tu tau sola duai lako, nakua: Manassa la kiindo’ikomi, penaangki la ussonda penaammi, podo da mimale umpokadai. Manassa iake Nasorongmi PUANG te tondok iate lako kaleki, la kipogau’mo tu kameloan sia kamarurusan lako kalemi.

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

YOSUA 8:24

Iatonna mangkamo to Israel umpatei tu mintu’ pa’tondokan Ai dio lu padang sia dio lu padang pangallaran, tu nanii unnula’i tu tau iato mai, sia iatonna songka nasangmo nakande pa’dang, namoi misa’ tae’mo tuo, sule nasangmi tu to Israel lako Ai, napatei pa’dang tu mintu’ tau lan.

YOSUA 9:24

Mebalimi lako Yosua, nakua: Belanna dipamanassa tonganmo lako kaleki tu apa Napasan PUANG, Kapenombammi, lako Musa, taunNa, kumua Nakamaseimokomi mintu’ tondok sia Nasabu’i tu mintu’ to umpa’tondokki dio tingayomi, iamoto angki mataku’ tongan lako kalemi tu diona katuoangki; iamo napobannang to angki pogau’i te iannate.

YOSUA 9:7

Ma’kadami tu to Israel lako to Hewi, nakua: umbai torroki’ sikandappi’, naumba la takua sibasse?

TO PARENGNGE’ 1:24

Natiromi to masserre’i tu misa’ muane tassu’ lan mai kota, nakuami ungkuanni: Patiroangkanni tu lalan ma’din naola tau tama kota iato, angki karampa’iko.

TO PARENGNGE’ 1:4

Ke’de’mi tu Yehuda, Nasorongi PUANG tu to Kanaan sia to Feris tama limanna, nataloi tu tau sangpulo sa’bu dio sikandappi’ Bezek.

TO PARENGNGE’ 2:2

Apa da misibasse tu to umpa’tondokki tondok iate, sangadinna la mirondon tu inan pemalaranna. Apa tae’ miperangii tu kadangKu. Apara tu mangka mipogau’?