PA’TOLE 6:3 - Sura' Madatu

³ Iamoto perangii, e to Israel, sia karitutui tonganni, kumua ammu malaga’-laga’ sia kumua ammu marapuan, susitu mangka Naallu’ PUANG, Kapenombanna nene’ to dolomu, lako kalemu lan tondok sebo pangandu’ sia tani’ enoan.

PA’TOLE 6:3 ပူးပေါင်းရင်းမြစ်များ

KADADIAN 12:2

AngKu popendadiko misa’ bangsa kapua sia angKu parongko’ko angKu pa kaleleanni tu sangammu; la dadiko misa’ karongkosan.

KADADIAN 13:16

La Kupapada budanna barra’-barra’ tu lanto mimi’mu. Iake dikulle umbilangi tu barra’-barra’, maneri dikulle umbilangi tu lanto mimi’mu.

KADADIAN 15:5

Nasolammi Puang sun lako salian, Nama’kada Nakua: Mentingarako langngan langi’, bilangi tu mintu’ bintoen, ke mubelai umbilangi. Nakuami ungkuanni: Susi dukamoto tu bati’mu.

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

KADADIAN 26:4

Sia la Kupopemba’ka’ tu bati’mu susi bintoen dao langi’ sia la Kuba’gian bati’mu mintu’ tana iate; lan bati’mu mintu’ bangsa lan te lino la unnappa’ karongkosan.

KADADIAN 28:14

Iatu bati’mu la susi barra’-barra’ sia la tumale’ko lako matallo matampu’, rekke ulunna salu sia sau’ pollo’na uai, nalan kalemu sia lan bati’mu nanii tu mintu’ suku lan lino unnappa’ karongkosan.

PA’PUDIAN 119:4

Mintu’ parentaMi Mipa’parentammo, kumua anna karitutui meloi tau.

KATASSURAN 1:7

marapuammi tu to Israel sia satumale’-male’na sia memba’ka’ kalle-kallean sia sakerangngan-rangnganna, naurunganni nasitutu’imo tu tondok.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

KATASSURAN 3:6

Sia Nakua dukapa: Akumote tu Kapenombanna ambe’mu, iamotu Kapenombanna Abraham sia Kapenombanna Ishak sia Kapenombanna Yakub. Nabungku’mi Musa tu lindona, belanna mataku’ untiro Puang Matua.

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

TOMANGADA’ 8:12

Belanna iatu to kadake gau’na umpogau’ kakadakean pessaratu’, anna malambe’ siapa tu sunga’na. Moi nasusito kuissan, kumua la salama’ tu to mengkaola lako Puang Matua belanna mataku’ dio oloNa.

YESAYA 3:10

Pokadai tu diona to malambu’ kumua la salama’, belanna tau iato mai la untammu bunga rangka’na.

YEREMIA 42:6

Moi namelo ba’tu kadake la kituru’ duka tu kadanNa PUANG, Kapenombanta, tu kinii ussuakomi totemo; kumua angki makarimman ke kituru’i tu kadanNa PUANG, Kapenombanta.

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.

PENGGAURANNA RASULU’ 7:17

Iatonna samandappi’-dappi’namo tu attu pangallu’ Naallu’ Puang Matua lako Abraham, sabuda-budannami tu to Israel dio Mesir,

PA’TOLE 11:9

sia kumua ammi malambe’ sunga’ lan tondok, tu Naallu’ PUANG lako nene’ to dolomi Napalaoan sumpa, kumua la Nakamasei tu tau iato sia iatu mai bati’na, iamotu misa’ tondok sebo pangandu’ sia tani’ enoan.

PA’TOLE 26:15

Pemarangai dao mai isungan maindanMi, dao mai suruga, sia pamasakkei tu taumMi Israel, sia tondok tu mangka Misorong lako kaleki, – susitu Miallu’ Mipalaoi sumpa lako nene’ to doloki – iamotu misa’ tondok sebo pangandu’ sia tani’ enoan.

PA’TOLE 26:9

Nasolammokan sae inde te inan sia Nabenmokan te tondok, misa’ tondok sebo pangandu’ sia tani’ enoan.

PA’TOLE 27:3

Sia iake ullambanmoko salu, la musura’ dao tu mintu’ kada Sukaran aluk iate, – kumua ammu rampo tama tondok, tu la Nabenko PUANG, Kapenombammu, iamotu tondok sebo pangandu’ sia tani’ enoan, susitu mangka Naallurangko PUANG, Kapenombanna nene’ to dolomu.

PA’TOLE 31:20

Belanna la Kusolan tu tau iato mai lako tondok, tu mangka Kuallu’ lako nene’ to dolona Kupalaoi sumpa, tondok sebo pangandu’ sia tani’ enoan. La kumande sadia’na sia ma’pelompo, apa la sumepang lako kapenomban senga’ sia napengkaolai. Na iatu Aku la napamatuna sia iatu basseKu la napoka.

PA’TOLE 4:40

Iamoto la mukaritutui tu aluk Napondok sia pepasanNa, tu kupapassanniko totemo, kumua mumalaga’-laga’ sia iatu mai anakmu undinna na iko sia malambe’ tu sunga’mu lan tondok tu la Nasorong PUANG, Kapenombammu, lako kalemu sae lakona.

PA’TOLE 4:6

Karitutui tonganni, belanna iamo garonto’ kakinaammi sia patiro penaammi dio pentirona mintu’ bangsa, tu la ma’kada, ke narangii tu mintu’na te aluk dipondok, nakua: Tonganna te bangsa kapua iate iamoto sangpetayanan kinaa unnampui tangnga’ melo.

PA’TOLE 8:8

sia tondok, nanii gandung sia dalle sisikan, sia garonto’ anggoro’, sia kayu ara sia bua dalima; misa’ tondok nanii kayu saitun, tu buda minna’na sia tani’ enoan;