PA’TOLE 4:2 - Sura' Madatu

² Da mirangnganni tu apa kupepasanan lako kalemi sia da mipasosso’i, ammi karitutui tu pepasanNa PUANG, Kapenombammi, tu kupapassanangkomi.

PA’TOLE 4:2 ပူးပေါင်းရင်းမြစ်များ

PA’PUDIAN 78:7

Anna umposande’ Puang Matua sola nasangi, sia da nakalupai tu mintu’ penggauranNa Puang Matua, sangadinna la nakaritutui tu mintu’ pepasanNa.

SARAMBU PEADA’ 30:6

Moi misa’ da murangnganni tu kadanNa, dikua da Nata’tanko sia da mudiapparan to buttok.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

YEREMIA 26:2

Inde sia tu kadanNa PUANG: Malemoko lako ammu ke’de’ dio to’ tarampak banuanNa PUANG, sia pokadai lako mintu’ pa’tondokan Yehuda, tu sae menomba lan banuanNa PUANG, tu mintu’ kada Kusuangko umparampoi; moi sangbuku kada da mukurangi.

MATIUS 5:18

Belanna tonganna Kukua mati’, sae lako rabunna langi’ sola lino, moi sangto’dikan ba’tu pada kanuku malotong tae’ napa’de len lan mai Sukaran alukNa Puang Matua sae lako dadinna nasang.

MATIUS 5:43

Mirangimo tu kada susite: la muala mase tu solamu, sia mukabiri’ tu ualimmu.

GALATIA 3:15

E sangsiulurangku, ma’kada tolino siamo’: moi anna panglampak tolino bangsiara, ke mangkami dipakatua, tae’mo tau misa’ undampai ba’tu urrangnganni.

PA’TOLE 1:3

Lan taun ma’patangpulo tonna bulan ma’pessangpulo misa lan allo bunga’na bulan iato, ma’kadami tu Musa lako to Israel susi tu mintu’ Napepasanan PUANG lako kalena diona tau iato mai,

PA’TOLE 12:32

Iatu mintu’ apa kupasanangkomi, la mikaritutui tongan; da mirangnganni sia da mikurangi.

PA’TOLE 13:1

Iake denni misa’ nabi tunannang dio lu kamu ba’tu misa’ to mangimpi, anna paissanniko misa’ tanda kalle-kallean ba’tu misa’ tanda mangnga,

PA’TOLE 33:4

Napasanmoki’ Musa tu Sukaran aluk, tu napoapa kombonganna Yakub.

PA’TOLE 4:14

Attu iato Napepasanan PUANG lako kaleku, kumua la kuada’ikomi tu aluk dipondok sia mintu’ atoran, tu sipatu mipogau’ lan tondok, tu minii male unnalai la mipoapa.

PA’TOLE 4:40

Iamoto la mukaritutui tu aluk Napondok sia pepasanNa, tu kupapassanniko totemo, kumua mumalaga’-laga’ sia iatu mai anakmu undinna na iko sia malambe’ tu sunga’mu lan tondok tu la Nasorong PUANG, Kapenombammu, lako kalemu sae lakona.

PA’TOLE 4:5

Manassa mangkamokomi kuada’i tu aluk dipondok sia atoran, susitu mangka Napasan PUANG, Kapenombangku, lako kaleku, kumua ammi pogau’i susito lan tondok, tu la miala, mipoapai.

PA’TOLE 5:29

Melo ke tontong siai dio lu tau iato mai tu penaa susito tu la ungkataku’Na’ sia la ungkaritutui tu mintu’ pepasanKu, kumua anna malaga’-laga’ sola tu mai anakna tontong sae lakona!

PA’TOLE 5:32

La mikaritutui tongan, susitu mangka Napepasanan PUANG, Kapenombammi, lako kalemi; da misepang kanan ba’tu kairi.

YOSUA 1:7

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

YOSUA 8:35

Dio mai mintu’na kada tu napepasanan Musa, moi sangbuku kada tae’ tu tang nabasa Yosua lako mintu’ kombongan to Israel, sola mintu’ baine sia pia sia to sae tu male sola tau iato mai.