PA’TOLE 27:3 - Sura' Madatu

³ Sia iake ullambanmoko salu, la musura’ dao tu mintu’ kada Sukaran aluk iate, – kumua ammu rampo tama tondok, tu la Nabenko PUANG, Kapenombammu, iamotu tondok sebo pangandu’ sia tani’ enoan, susitu mangka Naallurangko PUANG, Kapenombanna nene’ to dolomu.

PA’TOLE 27:3 ပူးပေါင်းရင်းမြစ်များ

YEREMIA 11:5

angKu parampo randannai tu apa Kupalaoammo sumpa unnallu’i lako nene’ to dolomi, la ungkamaseanni misa’ padang, tu sebo pangandu’ sia tani’ enoan, susitu naappa’ allo totemo. Mebalimo’ angku ma’kada kukua: Amin, o Puang.

YEREMIA 32:22

Sia Kamumo tu ungkamaseanni lako te padang iate, tu Minii umpalao sumpa unnallu’i lako nene’ to dolona la ungkamaseanni, iamotu misa’ padang sebo pangandu’ sia tani’ enoan.

SURA’ KATOMINAAN 20:24

Apa lako kalemi Kunii ma’kada Kukua: Alai tu tondokna ammi pomana’i, belanna Kukamaseangkomi la mipomana’, iamotu misa’ tondok sebo pangandu’ sia tani’ enoan; Akumo tu PUANG, Kapenombammi, tu umpamarimbangankomi dio mai mintu’ bangsa senga’.

KADIBILANGAN 13:27

Anna uleleanni lako sia ma’kada nakua: Rampomokan tama tondok, tu minii ussuakan male; manassa tonganna iatu tondok iato nanii sebo pangandu’ sia tani’ enoan, sia iamote tu bua kayunna.

KADIBILANGAN 14:8

Iake naalaki’ penaanNa PUANG, manassa Nabaaki’ tama tondok iato sia Nakamaseangki’, iamotu misa’ tondok sebo pangandu’ sia tani’ enoan.

PA’TOLE 26:9

Nasolammokan sae inde te inan sia Nabenmokan te tondok, misa’ tondok sebo pangandu’ sia tani’ enoan.

PA’TOLE 6:3

Iamoto perangii, e to Israel, sia karitutui tonganni, kumua ammu malaga’-laga’ sia kumua ammu marapuan, susitu mangka Naallu’ PUANG, Kapenombanna nene’ to dolomu, lako kalemu lan tondok sebo pangandu’ sia tani’ enoan.

PA’TOLE 6:8

Sia la mupemporian duka dio limammu la dipotanda sia la mupentalian dio kidemu dio kasitammuan matammu,

IBRANI 10:16

Iamote tu basse la Kutananan tau iato mai, undinna dio mai attu iato, nakua kadanNa Puang; la Kupatama penaanna tu mintu’ parentaKu, sia la Kusura’ duka lan tangnga’na;

YOSUA 5:6

Belanna patangpulo taunna tu to Israel ullingkai padang pangallaran, sae lako tappunna mate tu bangsa iato, iamotu mai pararinna, tu tassu’ lan mai Mesir, tu tang umperangii kadanNa PUANG; lako tau iato mai mangkamo umpalao sumpa tu PUANG, kumua tae’ Nala umpakitanni tu padang, tu mangka Naallu’ lako nene’ to dolona Napalaoi sumpa, kumua la Nakamaseangki’, iamotu misa’ padang nanii sebo pangandu’ sia tani’ enoan.

YOSUA 8:32

Indeto dio napallemba’ lako batu tu sukaran alukna Musa, tu nasura’ dio tingayona mintu’ to Israel.