PA’TOLE 2:9 - Sura' Madatu

⁹ Attu iato ma’kadami tu PUANG lako kaleku, Nakua: Da mupamasussai tu to Moab sia da murosoi la sirari, belanna iatu padangna tae’ Kula umbenko mupoapa, belanna mangkamo Kuben Ar lako bati’na Lot, anna poapai.

PA’TOLE 2:9 ပူးပေါင်းရင်းမြစ်များ

2 OSSORANNA DATU 20:10

Totemo tiromi iatu to Amon, to Moab sia to dao lu buntu Seir, tu tang Mieloran to Israel ullaoi, tonna tassu’ lan mai tondok Mesir, – belanna sepang dio mai tau iato mai sia tae’ nasanggangi –,

PA’PUDIAN 83:8

Sia Gebal sia Amon sia Amalek, tondok Filistin sola mintu’ pa’tondokan Tirus:

YESAYA 15:1

Inde sia tu kada Napa’petanggungan Puang Matua diona Moab. Manassa bonginna anna disanggang sia disabu’i tu Ar-Moab; bonginna duka anna disanggang sia disabu’i tu Kir-Moab.

KADIBILANGAN 21:15

iatu Waheb lan Sufa sia iatu mai lombok, sia Arnon, sia mennaa’na lombok, tu tiballa’ sae lako pa’tondokanna Ar sia umposissarean passaparanna Moab.

KADIBILANGAN 21:28

Belanna iatu api tassu’mo dio mai Hesbon, sia ma’lana-lana dio mai kota Sihon; anna kandei tu Ar-Moab, tu umparenta inan madaona Arnon.

KADIBILANGAN 22:4

Ma’kadami tu Moab lako pekaamberanna Midian, nakua: Totemo iatu to buda iato la ungkande pu’pu’ mintu’ tondokta, susito misa’ sapi ungkande pu’pu’ riu dio padang. Iatonna attu iato iatu Balak, anakna Zipor, undatui Moab.

PA’TOLE 2:29

susitu bati’na Esau, tu umpa’tondokki Seir, unneloranna’ sia iatu to Moab tu umpa’tondokki Ar – sae lako kulambanna tu Yordan lako tondok, tu la Nabenkan PUANG, Kapenombangki.

PA’TOLE 2:5

Da mirosoi, belanna iatu padangna tae’ Kula umbenkomi moi sangpellesean, belanna Kubenmo Esau tu ma’buntunna Seir la napoapa.

TO PARENGNGE’ 11:15

nama’kada, nakua: Inde sia tu kadanna Yefta. Tae’ra narampai to Israel tu tondok to Moab ba’tu to Amon.

TO PARENGNGE’ 11:17

Nasuami to Israel tu pesua lako datu Edom umpalakui kumua: Elorangkanni unnola tarru’ tondokmi. Apa tang napasiola datu Edom. Sia nasua duka tu pesua lako datu Moab, apa tae’ napasituru’i; iamoto natorro dio Kadesh tu to Israel.

TO PARENGNGE’ 11:18

Mangkato tarru’ bangmi unnola padang pangallaran ullilingi tondok Edom sia tondok Moab, anna rampo dio rampe matallona tondok Moab sia ma’tenda sambalinna lu salu Arnon, apa tae’ natama lili’na Moab tu tau iato mai, belanna iatu salu Arnon iamo katonanna Moab.