PA’TOLE 17:9 - Sura' Madatu

⁹ La maleko lako to minaa to Lewi, sia lako to mangra’ta’, tu den attu iato, tu la munii umpalaku pangra’ta’ na iatu tau iato mai la umpokada pangra’ta’na lako kalemu.

PA’TOLE 17:9 ပူးပေါင်းရင်းမြစ်များ

1 OSSORANNA DATU 26:29

Dio mai to Yizhar iamotu Kenanya sola mintu’ anakna muane dipamanassa lako mintu’ pengkarangan salianna kamenomban, anna dadi parea sia to ma’paolai salu dio to Israel.

KATASSURAN 18:16

Iake denni kara-karana tu tau iato mai, nasae lako kaleku, kumua angku paolai salunna tu kara-karana sola solana; sia angku pokadanni tu mintu’ aluk Napondok Puang Matua sia Sukaran alukNa.

KATASSURAN 22:8

Iake tae’i nadiapparan tu to boko, iatu to ma’banua la mengkareke’ lako oloNa Puang Matua, anna umpalao sumpa kumua tae’ narumbui limanna tu apanna solana.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEHEZKIEL 44:24

Sia la bendan duka ma’paolai salu, ke denni kara-kara sia la nara’ta’ tu kara-kara iato unturu’ atorangKu; iatu Sukaran alukKu sia iatu apa Kupondok la nakaritutui lan mintu’ tu pa’gaurangKu sia la napamadatu tu allo katorroangKu.

HAGAI 2:11

Iatonna allo ma’penduangpulo nna’pa’ bulan ma’pengkasera, taun ma’penduan kadatuanna Darius, saemi tu kadanNa PUANG lako nabi Hagai, Nakua:

ZAKHARIA 3:7

Inde sia tu kadanNa PUANGna mintu’ ma’dandan maritik, Nakua: Iake muturu’i tu mintu’ lalanKu sia mukaritutui tu apa Kupatagerangko, manassa la muparenta tu banuangKu sia la mukampai duka tu tarampakKu, angKu elorangko male sola tu tau bendan inde te.

ZAKHARIA 7:3

sia la mekutana lako tu mai to minaa, tu dio banuanNa PUANGna mintu’ ma’dandan maritik, sia lako mintu’ nabi, nakua: Sipatura’ka la tumangi’ sia ma’puasa lan bulan ma’pellima, susitu kipogau’ ba’tu pirang-pirang taunmo lendu’na?

MALEAKHI 2:7

Belanna iatu pudukna to minaa unnanna kapaissanan sia lan mai sadangna nanii tau undaka’ pangadaran diona Sukaran aluk, belanna iamo misa’ pesuanNa PUANGna mintu’ ma’dandan maritik.

PA’TOLE 16:18

Iatu to ma’paolai salu sia mantari’ la mutappu lan mintu’ kota, tu la Nabenko PUANG, Kapenombammu, situru’ tu mai sukummu, anna palolang pangra’ta’ malambu’ lako bangsa iato.

PA’TOLE 17:10

Sia la muturu’ tu pangra’ta’na, tu napokadangko dio inan, tu la Napilei PUANG, sia muturu’ tongan tu mintu’na apa naadarangko.

PA’TOLE 21:5

Iatu mai to minaa, tu bati’na Lewi, la male lako tingayo – belanna Napileimo PUANG, Kapenombammu, tu tau iato la umpengkaolai Puang sia ma’passakke tete dio sanganNa PUANG; situru’ pangra’ta’na la dira’tasanni tu mintu’ kara-kara sia mintu’ kadiba’tanna tau.

PA’TOLE 25:1

Iake den kasigaganna tau, anna pennoloanni lako to ma’paolai salu, anna ra’ta’i to ma’paolai salu, natongananni tu to tongan, napasalai tu to sala,

PA’TOLE 33:10

Naada’imi tu Yakub diona atoramMi sia Israel diona sukaran alukMi; natunumi tu dupa, amMi udukki sia napatorro tu pemala’ ditunu pu’pu’ dao inan pemalaramMi.