PA’TOLE 17:1 - Sura' Madatu

¹ Da mupemalaran misa’ sapi ba’tu domba sia bembe’ tu den tattanna, ba’tu sayuan lako PUANG, Kapenombammu, belanna iatu iannato Nakagalli PUANG, Kapenombammu.

PA’TOLE 17:1 ပူးပေါင်းရင်းမြစ်များ

KADADIAN 41:19

Pakalan to kendek poleomi pitu sapi senga’, madongkong sia lendu’ megi’giranna tu rupanna sia surrengge-rengge usukna. Lendu’ kadakena tae’ bangpa kutiro lan lili’na tondok Mesir.

KATASSURAN 12:5

La muala tu misa’ anak domba laki tang tattan, tu sangtaunnamo; iamotu dio lu mintu’ domba ba’tu bembe’ la minii unnalai.

SARAMBU PEADA’ 11:1

Iatu timbangan sala Napomagalli PUANG, apa iatu batu timbangan tongan Naposende.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 20:10

Duang rupa tu batu timbangan sia duang rupa tu sukaran, iatu apa iato Nakagalli dua PUANG.

SARAMBU PEADA’ 6:16

Inde sia tu annan pasirua tu Nakabiri’ PUANG, ondongpi pitu tu Nakagalli tongan:

SURA’ KATOMINAAN 1:3

Iatu pemala’na, ke misa’i pemala’ sapi ditunu pu’pu’, manassa ia la napemalaran tu lakinna, tu tae’ tattanna. La nabaa lako ba’ba Tenda Kasitammuan kumua anna padenanni kapaimanan dio oloNa PUANG.

MALEAKHI 1:8

Na iake umbaakomi misa’ patuoan buta dipopemala’, tae’raka nakadake to? Iake umbaakomi misa’ patuoan gento, ba’tu masaki, tae’raka nakadake to? Iake mipennoloanni lako to maraammi tu apa susito, la nakalo’ siarokomika penaanna, ba’tu matanaraka untirokomi? kadanNa PUANGna mintu’ ma’dandan maritik.

KADIBILANGAN 29:8

Allo iato la mipennoloan lako PUANG tu misa’ pemala’ pantunu pu’pu’, la dipobau busarungngu’, iamotu misa’ anak sapi laki, misa’ domba laki sia pitu domba sisangtaunmo, tu tae’ tattanna;

PA’TOLE 15:21

Apa iake denni tattanna, iamotu ke keppai ba’tu butai, ba’tu mandu maro’i tu tattanna, da mutunui dio oloNa PUANG, Kapenombammu.

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.

PA’TOLE 24:4

manassa iatu muane bunga’na, tu ussuai male, tae’ nama’din umpobaine pole’i, tu mangka urruttakki kalena, belanna iatu apa iate misa’ apa megallian dio pentiroNa PUANG da muparampoi kasalan tu tondok la Nabenko PUANG, Kapenombammu, mupomana’.

PA’TOLE 25:16

Belanna minda-minda umpogau’i susite, iamotu minda-minda umpogau’ tang malolo, iamo Nakagalli PUANG, Kapenombammu.

PA’TOLE 7:25

Iatu rapang-rapang dipodeata dipa’na la miballa; iatu salaka sia bulaan dio rapang-rapang dipodeata iato da mukailui sia da mualai mupoapa, kumua da napoyako, belanna apa iato megallian dio oloNa PUANG, Kapenombammu.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.