PA’TOLE 15:9 - Sura' Madatu

⁹ Kanandai tu kalemu, da nabu’tu tu tangnga’ magi’gi’mu lan penaammu, kumua mandappi’mo tu taun ma’pempitu, iamotu taun kadiseroian, – mupobannang tang mamase lako siulu’ kalala’mu, sia tae’ mubenni apa-apa, anna urunganni umposarroko lako PUANG, ammu pokasalanni.

PA’TOLE 15:9 ပူးပေါင်းရင်းမြစ်များ

AYUB 34:28

naurungan ia naposumarro to bitti’, anna landa’ langngan Puang, anNa perangii Puang tu tangi’na to mandasa.

PA’PUDIAN 101:3

Tae’ angku la untangnga’ len penggauran megi’giran; sia kusayu pallan tu penggauranna to sorong boko’. Inang tae’ anna la’ka’ lako kaleku tu iannato.

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PA’PUDIAN 9:12

Pakendekki tu pa’pudian langngan PUANG tu unnisung dao Sion, pa’peissananni tu mintu’ penggauranNa dio lu mintu’ bangsa,

KATASSURAN 22:22

Da mipakario-rioi tu baine balu ba’tu pia biung.

KATASSURAN 22:23

Apa iake mupakario-rio bangi susito, anna meongli’ lako Kaleku, manassa la Kuperangii tu peongli’na,

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

SARAMBU PEADA’ 14:21

Minda-minda tu ullo’bo padanna rupa tau, iamo umpogau’ kasalan; apa minda-minda ungkamasei to makario-rio, la maupa’.

SARAMBU PEADA’ 21:13

Minda-minda ussissinganni talinga tu pengkamoyana to bongko, manassa iake ia metamba tae’ tau umpebalii.

SARAMBU PEADA’ 23:6

Da mukandei tu kande to ma’mata pasisik, da mukaduangi tu kande mammi’na

SARAMBU PEADA’ 24:9

Iatu tangnga’ tang kebattuan, iamo kasalan, sia iatu to pabe’se nakagalli tau.

SARAMBU PEADA’ 28:22

Iatu tau meullak matanna, maduang la madomi’ sugi’, sia tae’ natandai, kumua la narampoi kapu’duran.

SARAMBU PEADA’ 4:23

Karitutui tu penaammu losong na mintu’ apa sipatu dikaritutui, belanna lan mai nanii bu’tu tu kalimbuang katuoan.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 34:14

Iake nalambi’mi taun ma’pempitu pada la mieloran male tu siulu’mi, tu to Ibrani, tu mangka umbalukan kalena lako kalemi; iake mangkami mengkaunan annan taunna lako kalemi, la mipopentomakakamo. Apa tae’ natananni talinga.

MATIUS 15:19

Belanna lan mai penaa sun tu tangnga’ kadake, kapapatean, pasandak salu lako rampanan kapa’, gau’ sala, kabokoan, sa’bi tang tongan, kada solang;

MATIUS 20:15

Tang sipatura’ka la ma’inaanna kalena umpamalei tu apangku? Ba’tu musuru mataraka, tu belanna aku te masokanna’?

PA’TOLE 15:1

Iake ganna’mi pitung taun, la mupa’bengan tu misa’ kamaseroan indan.

PA’TOLE 24:15

Allo ia dukato la mubaya’ tu sarona, ke tae’pi nalambun allo, belanna to kalala’ sia narannuammo – kumua da nasumarro lako PUANG diona gau’mu ammu kasalan.

PA’TOLE 31:10

Sia mepasan tu Musa lako tau iato nakua: Iake ganna’mi pitung taun, ke attu dipamanassa lan taun kamaseroan indan, iamotu allo kapua Pekalumban,

YAKOBUS 4:17

Iamoto, iake to unnissan umpogau’ melo, apa tae’ napogau’i napokasalan.

YAKOBUS 4:5

Ba’tu misangaraka tae’ patunna tu dipokada lan Sura’ kamua: iatu penaa Napalan kaleta Nakamali’ Puang Matua, Naurunganni mangimburu?

YAKOBUS 5:4

Tiromi, iatu sarona to umpeparei bela’mi, tu milando pa’dui mipatadang, metamba sia iatu sarona to mepare tamamo talinganNa Puang Zebaot.

YAKOBUS 5:9

E sangsiulurangku, da misisarroan, da naruakomi pangra’ta’ kadiukungan. Kilalai kumua bendanmo dio to’ ba’ba tu To mangra’ta’.

1 PETRUS 4:9

Sipatukomi sikendek-kendekan tang naturu’ ma’nuku-nuku.