PA’TOLE 11:9 - Sura' Madatu

⁹ sia kumua ammi malambe’ sunga’ lan tondok, tu Naallu’ PUANG lako nene’ to dolomi Napalaoan sumpa, kumua la Nakamasei tu tau iato sia iatu mai bati’na, iamotu misa’ tondok sebo pangandu’ sia tani’ enoan.

PA’TOLE 11:9 ပူးပေါင်းရင်းမြစ်များ

KATASSURAN 20:12

Kasiri’i tu ambe’mu sia indo’mu, anna dipamalambe’ tu sunga’mu lan tu tondok Nakamaseangko PUANG, Kapenombammu.

KATASSURAN 3:8

Iamoto Kusonglo’ la urrampananni lan mai kuasanna to Mesir sia ussolanni tassu’ lan mai tondok iate lako misa’ tondok melo sia kalua’, iamotu misa’ tondok sebo pangandu’na sia tani’ enoan, tu napa’tondokki to Kanaan sia to Het sia to Amori sia to Feris sia to Hewi na to Yebus.

SARAMBU PEADA’ 10:27

Kamatakuran lako PUANG umpamalambe’ sunga’, apa iatu taun katuoanna to tang mekaaluk la dipakondi’.

SARAMBU PEADA’ 3:16

Dio lima kananna nanii tu kamalamberan sunga’, dio lima kairinna nanii kasugiran sia kamala’biran.

SARAMBU PEADA’ 3:2

belanna iamo la urrangnganni mintu’ allomu sia taun katuoammu, sia umpopemba’ka’i tu karapasan penaammu.

SARAMBU PEADA’ 9:11

Belanna tete dio kaleku anna dipakerangngan tu allomu, sia anna dipamalambe’ tu sunga’mu.

YEHEZKIEL 20:6

Allo iato umpalaoNa’ sumpa lako tau iato mai, kumua la Kusolan lan mai tondok Mesir, lako misa’ tondok, tu mangka Kutonnoranni, tu sebo pangandu’ sia tani’ enoan; iamo misa’ belo dio lu mintu’ tondok.

PA’TOLE 1:8

Manassa la Kusorongangkomi tu tondok iato, tamamokomi, ammi alai tu tondok, tu Naallu’mo PUANG umpalao sumpa lako nene’ to dolomi, Abraham, Ishak na Yakub, kumua la Naben lako tau iato sola bati’na.

PA’TOLE 11:10

Belanna iatu tondok, tu minii male lako la muala mupoapa, tae’ nasusi tondok Mesir, tu minii tassu’ lan mai, tu muambo’i namane buda sara’mu ussakka’i susi misa’ pa’lak utan.

PA’TOLE 11:21

kumua nakamu sia iatu anakmi la malambe’ sunga’ pada masainna tu langi’ ussamboi kuli’na padang, lan tondok tu Naallu’ PUANG lako nene’ to dolomu Napalaoi sumpa, kumua la Naben tau iato mai.

PA’TOLE 4:40

Iamoto la mukaritutui tu aluk Napondok sia pepasanNa, tu kupapassanniko totemo, kumua mumalaga’-laga’ sia iatu mai anakmu undinna na iko sia malambe’ tu sunga’mu lan tondok tu la Nasorong PUANG, Kapenombammu, lako kalemu sae lakona.

PA’TOLE 5:16

Kasiri’i tu ambe’mu sia indo’mu, susitu Napepasanammo PUANG, Kapenombammu, lako kalemu, anna dipamalambe’ tu sunga’mu sia malaga’-laga’ko lan tondok tu Nakamaseangko PUANG, Kapenombammu.

PA’TOLE 5:33

Mintu’ lalan tu mangka Napepasanan PUANG, Kapenombammi, lako kalemi, la miola, ammi tuo sia malaga’-laga’ sia malambe’ sunga’komi torro lan tondok tu la miala mipoapa.

PA’TOLE 6:18

La mupogau’ tu apa malolo sia melo dio pentiroNa PUANG, kumua ammu malaga’-laga’ sia tamako tondok melo, tu mangka Naallu’ PUANG lako nene’ to dolomu Napalaoi sumpa sia la muala mupoapa,

PA’TOLE 6:2

kumua ammu kataku’i tu PUANG, Kapenombammu, ke mukaritutui tu mintu’ aluk Napondok sia pepasan, tu kupapassanangko, la iko la anakmu sia ampomu lan mintu’ allo katuoammu sia anna malambe’ tu sunga’mu.

PA’TOLE 6:3

Iamoto perangii, e to Israel, sia karitutui tonganni, kumua ammu malaga’-laga’ sia kumua ammu marapuan, susitu mangka Naallu’ PUANG, Kapenombanna nene’ to dolomu, lako kalemu lan tondok sebo pangandu’ sia tani’ enoan.

PA’TOLE 8:7

Belanna iatu PUANG, Kapenombammu, ussolangko tama tondok melo, misa’ tondok, nanii salu’-salu’, nanii kalimbuang sia nanii mata uai tu tikula’dak diong lombok sia dao lu buntu,

PA’TOLE 9:5

Tangia diona kamaloloammu sia tangia diona bulo lollongmu, ammu alai mupoapa tu tondokna, apa napobua’ katangmekaalukanna Naula’i PUANG, Kapenombammu te bangsa iate dio mai tingayomu sia la umpalanda’i tu kada, Naallu’ PUANG Napalaoi sumpa lako nene’ to dolomu: Abraham, Ishak na Yakub.