PA’TOLE 11:4 - Sura' Madatu

⁴ Sia apa Napogau’ Puang lako surodadu Mesir sola darangna sia karetana. Umba Nakua umpatu’ba’i uainna tasik Teberau tu tau iato mai, tonna undi unnula’komi sia umba Nakua PUANG untallananni sae lako allo iate.

PA’TOLE 11:4 ပူးပေါင်းရင်းမြစ်များ

PA’PUDIAN 106:11

Mintu’ uai ussamboi nasang ualinna, naurunganni tae’mo misa’ tau tinampe.

KATASSURAN 15:19

Iatonna saemo tu mintu’ darangna Firaun sola karetana sia pakkanarangna tama tasik, Napalolong sulemi PUANG tu uai tasik lako tau iato mai, apa iatu to Israel unnola karangkean lan tangnga tasik iato.

KATASSURAN 15:4

Mintu’ karetana Firaun sia mintu’ petoe kassa’na Napembuangan tama tasik; sia mintu’ lalong pa’tonno’na dao kareta dilammu’ tama tasik Teberau.

PA’TOLE 1:40

Apa iatu kamu, balikkomi la ke’de’ lako padang pangallaran, ma’palulako tasik Teberau.

PA’TOLE 11:5

Sia apa Napogau’ lako kalemi lan padang pangallaran sae lako kasaeammi inde te inan iate.

PA’TOLE 2:1

Undinnato tibalikmoki’ anta ke’de’ lako padang pangallaran, ma’palulako tasik Teberau, susitu Napokada PUANG lako kaleku; ba’tu sangapa-apa allona tanii ullilingi tu ma’buntunna Seir.

IBRANI 11:29

Bannang dio dukamora kapatonganan anna lambanni tau iato mai tu tasik Kolsum, butung to unnola karangkean; na iatu to Mesir nasandak umparundu’i susito, nasabu’.