PA’TOLE 11:2 - Sura' Madatu

² Belanna iatu kamu miissan – tangia anakmi, tu tang untandai sia tang untiroi tu peada’Na PUANG, Kapenombammi, – tu kapasareonganNa sia lima mawatangNa sia takia’ tie’te’Na,

PA’TOLE 11:2 ပူးပေါင်းရင်းမြစ်များ

PA’PUDIAN 136:12

Tete dio lima matoto’ sia takia’ tie’te’, belanna iatu kamasokananNa tang tileluk sae lakona.

KATASSURAN 6:6

La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

SARAMBU PEADA’ 22:19

Dikua anna iatu rannummu sande’ lako PUANG, iamoto angku ada’iko allo iate, iko bangsiamo.

YESAYA 53:5

Apa belanna salata anna bangke sia kakelokanta anna disanggang; iatu ukungan umpabu’tuangki’ kasalamaran urrampoi kalena, sia bannang dio sisulla’pang-la’pangna, anta pomondoi.

PENGGAURANNA RASULU’ 26:22

Apa belanna ungkabu’tuimo’ pa’tunduan dio mai Puang Matua sae lako te allo iate, angku ke’de’ siapa ungkatottongi dio tingayona mintu’ tau, nala to bitti’ nala to kapua, sia tae’ kupokadai tu apa senga’, sangadinna napokadannapi tu mai nabi sia Musa, tu la dadi undinna,

PA’TOLE 29:10

Bendan nasangkomi allo iate dio oloNa PUANG, Kapenombammi, iamotu mai pangulu rarimmi, pangulu sukummi, pekaamberammi sia mantari’mi, iamotu mintu’ muane Israel;

PA’TOLE 3:24

O Puangku PUANG, Kamumo umparandukki umpatiroanni te taumMi tu kapasareonganamMi sia Kuasa matoto’Mi; belanna umbara deata, tu den dao langi’ ba’tu dao kapadanganna tu umbelai umpogau’ penggauran matoto’ susito, susitu Mipogau’?

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

PA’TOLE 5:24

Manassa PUANG, Kapenombanta, mangkamo umpakitangki’ tu kamala’biranNa sia kapasareongananNa, sia iatu gamaranNa tarangimo lan mai tangnga to’ api; allo iate kitiromo, kumua iatu Puang Matua sipa’kada misa’ tolino sia tontong siapa tuo tu tau iato.

PA’TOLE 7:19

iamotu kadipandasan kapua, tu mutiro, mintu’ tanda kalle-kallean, mintu’ tanda mangnga, lima mawatang sia takia’ tie’te’; tete dio tu iannato Nanii PUANG, Kapenombammu, ussolangko tassu’. Susimoto la Napogau’ PUANG, Kapenombammu, lako mintu’ bangsa, tu mukataku’.

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.

YOSUA 24:31

Iatu to Israel umpengkaolai PUANG lan mintu’ allo katuoanna Yosua sia lan mintu’ allo katuoanna pekaamberan, tu tuopa tonna matemo tu Yosua, tu unnissanni tu mintu’ penggauran, tu Napogau’ PUANG lako to Israel.